ديوان قصائد لشعراء المملكة العربية السعودية (متجدد)☘️☘️

قصيدة أشكيك يا قلبي
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
71 مشاهدة

أشكيك يا قلبي أنا لمين بشكين

للناس ولا سامحك في خطاياك

إذا شكيتك قلو الناس وشفيك

منهو شكا قلبه وسوا سواياك

وإذا تركتك سود الأيام ترميك

وأنا علي اجني ألم كل ما جاك

يا قلب والله بينت طيبتك فيك

سريع تأثيرك رماني ابلواك

بعض البشر لو تلتجي له يجافيك

لا صار ماله مصلحة فيك ينساك

بالخير ما وده يجيبون طاريك

وإذا بيدك المصلة جاترجاك

لوكان خيا لك ولو هو ابن أخيك

يوما صديقا لك ويومن من أعداك

قصيدة ردي على اورنس الهذال
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
71 مشاهدة

يا مرحبا منزالك القلب والعين

يشاكيٍ لي من صدوف الليالي

الشين يبعد عنك والشين للشين

ولانت ساسك مدهلٍ للرجالي

يفداك من قفل مضيفه بقفلين

ويفداك من دور علوم الهزالي

يفدا جنابك ناقص العقل والدين

ألي على جاره لسانه يلالي

يا شيخ لاتهمك علوم الرديين

أخصر سوالفهم بهم لا تبالي

أنت الفخر وأنت الكرم من كريمين

وأنت الأصل لاجا مجال الكمالي

لك مع كبارا لقوم قدر وموازين

شرواك غالي وأنت بالحيل غالي

العز فيكم يا الكبار السلاطين

يا ذخر من جارت عليه الليالي

وافين من وافين من ساس وافين

من رأس هذال اعتليت المعالي

لك معدنٍ مثل الذهب والبلاتين

وأصفى من الجم الغزير الزلالي

لا وقعت حولك أكبار الشياطين

ميل عقالك وانطنخ يالشمالي

عالي مقامك مثل نجم الميازين

عن مثلهم تبقى بعيدٍ وعالي

فرق الثر يا والثرى وينهم وين

عالي وتبقى عاليٍ بالعلالي

آمر تدلل سامعين وملبين

والله يا بو مالك ترى ضاق بالي

كانك تبيها فزعة أذراع ذا الحين

ابشر بعزك يا عريب الخوالي

مضيان ناقف لك على العسر واللين

بأيماننا ولا بعد بالريالي

ذخر الصديق وسقم قلب المعادين

مثل السيوف الحاده بالقتالي

ندمح خطا الجاهل ونرفى الضعيفين

وان قدر الرجل العظيم المثالي

ولا تجيبنا كلمة سفيهٍ ومسكين

نقدم على الجزل ونسيب الحثالي

وخشمٍ يزود أنعفره داخل الطين

ناطى عليه ونرهصه بالنعالي

نحط في وجهه رسوم ونياشين

ماهي تزول ألامعه بالزوالي

قصيدة مأسي زماني
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
71 مشاهدة

يابنت وشجابك علي ف زماني

ساقتك لي اقدارميعادها تم

سهم الهوى الي من عيونك رماني

من عام الأول كنت اخبيه وكتم

جت تعتذر وانا بقيت بمكاني

محدٍ تجرا بالكلام وتكلم

تبغى تصارحني بجملة معاني

لاكنها عجزت عليه تسلم

الصمت طوقنا وزلزل كياني

خفت أتكلم تنجرح وآتألم

افراقها صعب ومقدر وكاني

اعلم وهي لاشك بالحال تعلم

في قلبها شالت هموم وتعاني

واناكأني عن كلامي مبلم

بس النظرصورمأسي زماني

انشلت أحساسي لها الجسم سلم

مايستجيب لكل شيءٍ دعاني

كتله من الأحزان والهم والغم

ياليت والله لوتحن الأماني

وروح الأمل يجري بشريانها الدم

كان استعادالقلب نبض ألحناني

وانزرعت البسمة على الثغرالأبكم

ألي من أهوال المأسي يعاني

حتى لسانه خاف ينطق ويندم

يخشى يبوح وينجرح جرح ثاني

فضل سكاته لوتكلم تحطم

ورده ذبل فارق طري الأغصاني

ماعادينموا يوم منها تقلم

مالي بوردك يالجناين جناني

عسى الجناين بعد وردة تهدم

قصيدة جرح مفتوح
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
66 مشاهدة

تكفى فديتك لاتكمل بي أجروح

لاتنقض اجروحٍ خذت نصف روحي

أخشى توقظها ولا أنت مسموح

ماني على خبرك حليم وسموحي

لاتطرق ابوابي وانا شبه مذبوح

اقوم دامك في سؤالك لحوحي

ليتك تراعي حال من موته البوح

سره يموت بخافقه مايبوحي

ادعي لك ان قدرتني قبل ماروح

وادعي عليك ان كان سببت نوحي

شف حالتي عنوانها جرح مفتوح

لكنها جروحٍ كثيره جروحي

قصيدة يا سالب الباب البشر
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
66 مشاهدة

يا سالب الباب البشر من تشوفك

اللي سلبت البابها وشخذت منك

اسألك لني صرت أنا من ضيوفك

قلبي ترك صدري وهاجر لموطنك

يا ليت شفتك قبل أعرفك وأشوفك

والله ما جيت بطريقك ومسكنك

يا قلب عد عيني بكت من ظروفك

خليت صدري مصدر الهم والضنك

يا قلب عني ليه تعلن عزوفك

وشلون عيني والعقل يصبرن عنك

قصيدة سفينة الأحزان
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
66 مشاهدة

لفت دواليب السنين وطوتبي

محدٍ يحس وبالبشركنت مخدوع

سفينة الأحزان يوم أبحرتبي

في عالم مابه سوى هم ودموع

إسنين فيها عشت حتى رمتبي

على جحيم الصبر والقلب موجوع

اعيش في عالم ضياعي وكتبي

اسجل احزاني وكم تطفي شموع

الصمت عنواني والأحزان جتبي

على متاهاتٍ بها عشت مقطوع

ياليت عن ضيم الزمان اعبرتبي

برالأمان وللسعادة لو سبوع

لا كنها وسط المحيط حذ فتبي

غريق لا سامع ولآني بمسموع

قصيدة أغليت ناره
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
63 مشاهدة

احدٍ يغيب ومن فراقه تعاني

في غيبته تسهرعيونك وتبكيه

في غيبته تذبحك حتى الثواني

تجهز على قلبٍ يحبه ويغليه

الصبر ماله في غيابه معاني

ذقنا مراره ماعرفنا معانيه

جمرة غلاه الي سناها كواني

تعظمة في داخل الصدر تكويه

ضلت تسامرني وانا منها اعاني

حتى تحجر جمرها واللهب فيه

يوم انطفت حولتها شكل ثاني

الماسةٍ تزها على جيد غاليه

اغليت ناره لوبناره رماني

ناره ولاجنة مكانٍ يجافيه

قصيدة مالوم غيري بالهوى
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
63 مشاهدة

مالوم غيري بالهوا يوم جربت

يوم الغلا يسلب من الناس الألباب

عيني لوانه يامر بشيلها اجبت

ان غاب غابت كل الأفراح لاغاب

دامي على شانه تعبت وتعذبت

أصبر ولوقلبي على صاحبه ذاب

حبه بمجرى دم قلبي نبت نبت

مادونه أحبابٍ ولابعده أحباب

دنيا فرحها غاب والله من غبت

مال للفرح في باقي ايامي أسباب

تنعش بقايا روح ياليل لاجبت

رسمه وذكرى اسنين والجرح ماطاب

وينه غيابه طال لوفيك رحبت

كنك تصحي ذاكرة شايبٍ تاب

حاول يعيد الذاكرة قال ماصبت

اخطا دليل الذاكرة ليه ماصاب

وش ظل للذكرى بعد يوم حسبت

يدري اليالينا غدينا بهاأغراب

قصيدة لاتحاول
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
63 مشاهدة

لاتحاول تقول أصبر لمدة اسبوع

أعرف انه وداعٍ ماوراه اجتماع

الحقيقة بعينك لو تخبي تروع

يوم تنظر عيونك لي تقول الوداع

ان شكيتك لعيني بادرت بالدموع

وان شكيتك لقلبي الأمل منه ضاع

لا أمل لا وجود ولا بقالي شموع

رحت مني وانا باروح دنيا الضياع

والأمآني الكبيره كنت فيها مخدوع

الأمل والأمآني للحقايق خداع

قصيدة يا بنت لو تغرين ماني جنوحي
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
63 مشاهدة

يا بنت لو تغرين ماني جنوحي

سامي وراسي رافعه وين ما روح

حراً ونظراتي تشابه طموحي

وافي ونفسي بالكرامة لها صروح

للخيل كبوة يا شبيه الجموحي

وأعاهدك أني على السر ما بوح

يبقى بصدري مختفي وَسَط روحي

ما يكشفه خير ولاجاه مشفوح

يا بنت روحي واتركي لي جروحي

خيبتي أمالي وأنا منك مجروح

وأنا ترى طيب وقلبي اسموحي

وأصل البشر معنى السماحة لهم روح

لو ما نسامح كل شخصٍ لحوحي

كان الحياة يسودها الظلم والنوح

فيها نشوف ليا نظرنا بوضوحي

ما يخفي المستور واضح ومفضوح