فوق هام السحب ( الشعر الشعبي) على متن القوافي

مشاعرنا ضحايا الصمت والعھتمان
‏وعھرامتنا تخيرنا مابين أمرين

‏جميل الصبر والا نعمة النسيان
‏عسى ربي مايحرمنـا من الثنتين

....

‏أعرف إن الطواري ماتمّر إلا تجيب أحباب
‏يجي طاريك كن البال في جدول مواعيده

‏ادوّر لك عذر ياللي تدوّر لـ الغياب أسباب
‏يا شين الكلمة اللي بعدها غصّة و تنهيـده

‏من آداب الفراق إنّك تصون العهد للغيّاب
‏أخاف الجرح يهدى وإنت تلقى عذر وتزيده

....

‏قائد وشعبٍ همته هامة طويق
‏وعدى على نجم الجدي والثريا

‏لاتحسدونه يا عموم المخاليق
‏ حيثه تعلى فوق وانتم هنيّا

....

الاماّكن لو يغيرها الزمان
من يعوضني مكانك لافضى

كل مامريت في نفس المكان
مرني نفس الشعور اللي مضي

....

لبا الدلع ياناس في وقفت الريم
متذيّره متغنجه .. مستحيله

شوفة محياها كمى صبة الديم
يا سعد من قلبه غدت له حليله

....

تبتخري بين التواضع والغرور
وأخذي من ابيات الغزل ماتشتهين

ومري على قصايدي مثل البخور
لين اتنفس شعر مهوب اكسجين

الحب إذا ماكان لك ماهوب شعور
والشعر إذا ماكان لك ماهوب زين

....

جادلٍ مستزم و فالحلا ريم عفرا
اسهرتني وسوت في خفوقي سوايا

عنق ظبيٍ جفول وعينها عين خدرا
فاتنه فالجمال وفالغنج والمزايا

....

‏يارقيقة مدّي الحسن وتمادي
‏وإشرحي لـ ليل مفهوم الوسامه

‏وإفتحي شبّاك تفكيري ونادي
‏كل نجم أخايله تارك علامة

‏إضحكي للغيم دام الجو هادي
‏مثلك إنتي له غلاه وله مقامه

‏القصايد مالها موقف حيادي
‏في عيونك يعلن الشعر انهزامه

....

مرحبا بالي حضوره سر بالي
له معزه وسط قلبي يمتلكها

الغلا له وسط قلبي دوم غالي
له محبه وسط شرياني شبكها

....

مرحبا لبيه ياللي وسايدك الجفون
فرشك الـ لبيه والمقربا والمرحبا

الردّي من قالك لا يانجل العيون
أبشري برضاك و اللي يزعلّك يهبا

عودك المترف تكوّن على أجمل ما يكون
لين ورّد من نعومة وندّى من صِبا

جل من عودك خلق فيه من لين الغصون
و من سراجيف الجياد ومن أجياد الظبا

....