اخترنا لكم شعر نبطي وفصيح

الصمت عن هرج المخاليق نوماس
بعض الهروج الخوض فيها حسافه

نـصـيحـتـي يـا كل قـرم وقـرنـاس
احسـب لهـرج في النهـاية تعـافـه

ولاجيت لك مجلس هروجٍ وهمّاس
أتـبع سـمان الهرج واترك خفـافـه

والـزم لسانك عن دنس كل دنـاس
وبينك وبين اهل الدنا اترك مسافه

سعد ال عاصي

احيان ما ودك تردى مع الخلق
بعض البشر يعصرك من جانب اللين

لكن على ما قيل لا وصلت الحلق
ما دون حلقك بعدها غير اليدين

حدود العلاقة تفلق المعتدي فلق
وانا وضعت رسومها بين حدين

حدٍ مع الطيب وبحجاجه الطلق
يردعك عن زلة قدم عنده تبين

وحدٍ مع الخيّب ولو ما لنا خلق
نردعه لين انه يعرف الخطا زين

‎فريد السحيمي

يالله تقديني لدرب الصالحين
اللي مافيهم لا نفاق ولا ريا

وانا فوجهك من وجيه الكارهين
ومْن الرخوم ومن قليلين الحيا

.....

ياقاضي الحاجات يامالك الملك
لا تحط لي بيدين الأنذال حاجه

يارب لوهي حاجتي أبره وسلك
جودك شرف وأفخر بجودك وتاجه

.....

الناس جاها بلا ما تشوف معروفك
مليون مره تسوق الطيب لرضاها

وليا تعذرت مره صعبه ضروفك
ماتعذرك تجحد فعولك وتنساها

.....

إذا قهرتك ظروفك والدهر خانــك
فالله هو الواحد القادرعلى جبرك

إذا تقدم عطاه بيفحص إيـمـانـك
وإذ تأخـر عطاه بيختبر صبــرك

لا تشكي الحال حتى لاقرب اخوانـك
الناس يا صـاحبي ما هـم علــى خبرك

حتا ليا مت ما حزنو على شانـك
اتلى العهدفيك لا حطوك في قبرك

مهنا الاكلبي

ديارٍ قفر الأرسال في جوها مقطوع
وعليها الخفوق يتوق بـ آقصى شراينه

مع شقتن تاخذ مابين العروق فروع
ياكم جر راعي المور معها تلاحينه

مداهيل ذودً صخف ومهذبات طبوع
لها الحال وآلها المال والقلب مصخينه

فنى العود عمره عندها ماقصره أسبوع
على شفها يهدي الزمان أجمل سنينه

.....

من باب الإعجاب لا تسأل عن اعجابـي
اسـألنـي تـحـب و بـجـاوبـك حبيـتـك

اي والله إني عشقتـك يا آخـر احبـابـي
وصديت عن مجمل الناس من جيتـك

فـي وجـه غيـرك مسكـر عينـي وبابـي
غـالـي و زاد الـغـلا يـوم إنـي اغـليـتك

شفنـي لـيـا مـر طيفـك فـزة اهدابـي
وشلون لا منك زهمت اسمي ولبيتـك

.....

إن ضاقت الأرض كان الحب ياسعنا
معقولة أيامنا صارت من الماضي

كل ما جلست بمكانٍ كان يجمعنا
يملاني الشوق من كرسيّه الفاضي

.....

أَبا ثَعلَبٍ حَيّاك رَبّك كُلَّما
تَغَنّى بِأَفنانِ الأَراكِ حَمامُ

عَلَيكَ سَلام مِن أَخٍ لك ناصِحٍ
وَقلَّ لَهُ مِنّي عَلَيكَ سَلامُ

.....