اخترنا لكم شعر نبطي وفصيح

يارب يسرها على كل ضايق
ورفع ستار الهم عن كل محزون

لو كان في درب السعادة عوائق
تهون مع رحمتك يا خالق الكون

آمين

ماهو صحيح الصمت يحتاج له بوح
مرات بوحك يجرحك وانت ساهي

تدري متى جرحك يخاونّه جروح
لاصار كلٍّ يسمعك بس لاهـي

.....

يا صاحبي لو تسـمع هـروج عني
من ناس قالوا كلمة ما لها ساس

حاول تعــاملني بما شفت مني
ما هو تعـاملني بما قالـوا الناس

.....

‏عقب الغلا ومزارق الطيب بالطيب
‏صار الغلا والطيب ذكرى قديمه

‌‏الله يعين اللي جروحه معاطيب
‏وباقي على مبدأ وشيمه وقيمه

.....

ارسم لنفسك حدودٍ لا تعداها
‏من حط نفسه بدرب الضيق يحرجها

.....

ان غبت خلوني على راحتي شوي
‏احس في بعدي عن الناس راحه

.....

تركت ظنون الناس عني ورأيهم
فقد كان يكفيني صحيح ظنوني

وأعرف من نفسي الذي يجهلونه
وأفهـــم ذاتي في جميع شؤوني

ولا أرقب التقدير في عين ناقص
اذا كان قدري كامــلاً في عيـوني

.....

‏يارب وأن جاتك الدعوات مكسوره
أفرد جناح الرضا وأجبر خواطرنا

آمين

وينك من البارح وانا خاطري ضاق
عيت عيوني تهتني فالمباتي

حاولت ابكتبلك على الخاص مشتاق
يمكن تحن لخافقي ياحياتي

متعب الحربي

مافيه داعي تنشده عن مغيبه
ماغاب عنك الا وهو منك مسروق

خله يكمل غيبته وش تبي به
لا تلحقه لو كل مطرود ملحوق

ترى المحبه ماتجي بالغصيبه
لو السما تطبق على الارض من فوق

.....