فوق هام السحب ( الشعر الشعبي) على متن القوافي

ياوقــت كم انسـان تاعـب ومجروح
يا وقت قلــي في الزمــن ويش صاير

حتى قريــب القلـب خــــلاه مذبوح
وكم شخـص من ربعه تجيه الكساير

ليت الوجـع يطــري على القلب ويروح
لا يندفــــن بيــــن الحشــا والضماير

بعض الوجع قاسي على القلب والروح
وطاغي ولا يحسـب حسـاب المشاعر

....

ماريد منك ان تجي بـ عتذارات
سوي الذي تبيه دامك اناني

هـاذا قـرارك دون اي اختيارات
حطيت غيري ياغلا في مكاني

انت ادّعيت انك بكل الطهارات
واليوم بان انك على وجه ثاني

لاعاد تلوم الطير وتعطي اشارات
الطير فــك اجناحه اليوم ساني

ماعــد يريد الارض كله مضرّات
الارض فيها كل حاقـد وشاني

واللي هو المفهوم في الاختبارات
طـعـن الغوالي ذا تبكّي النياني

شفته انا بالـكـل له اتصالات
ويـجـي يقلي فــــي غيابي يعاني

ايش الخداع ايش هاذي الرذالات
شــل السعاده بعد ماهـــو عطاني

خـلاص يكفي بـس يكفي مقالات
ياطير قفي روح وحــــدك وعاني

فهم الأجابه من طروح السؤالات
والحل واضـح اكتبه فـــي ثواني

....

روحي ياروح روحي بتفداك
وعيني يانور عيني تحبك

ما اقدر لفرقاك ما اقدر انساك
سبحان رب خلقك سبحان ربك

تطري على البال واشتاق شوفاك
صورة على بالي واجت بك

لا تغيب ارجاك والغايب عفاك
قلبي حزين ومنكسر والجد بك

....

اشتاق لك مررة واحن لك مرات
وشوق القلب حبيت اوصله لك

خايف أنك معي تزيد الخطيات
وانت ماتدري جالس محلك

وتغيب وتاخذ القلب لك طاعات
تسود امواج دمي مع الفلك

....

بعدك يزود الغلا ويحرك اشواقي
وأشواقي تحرّك التفكير والغيره

ان كان ما الله نزع حبك من أعماقي
والله ما ينزعه بعدك ولا غيره

....

ماهو من كبِر لاوالله وماهو مْن غرور
احس اني اول من يبل المطر راسه

احبك ومن تعطينه من الغرام شعور
معه عذره اليا شاف نفسه على ناسه

....

ياصاحبي مالي عن احلامي غِنا
‏ما دام جـنح اللـيل يقفـاه النهـار

‏تقول لي احلم على قدّك وانا
‏كبيير واحلامي على قـدّي كـبار

....

اقسم قسم بالله ماعاد ادانيك
‏واكره جميع اللي من الناس خاواك

‏واكره شبيهك واكره اللي يناديك
‏واكره سميّك واكره أخر مسماك

‏عفت الغرام وعفت حتى طواريك
‏يشهد على ما قيل قلبٍ تناساك

‏بكره مع الايام تذكر لياليك
‏وتندم على اللي عز نفسه وخلاك

....

‏إليا زعلتوا فأزعلوا لين ترضون
‏وإن ما رضيتو جعل فالأمر خيره

‏ما يلحق الواثق مشاريه وظنون
‏ولا به كبيرٍ يلتفت للصغيرة

....

مريت في بـالي وانا كنت محضـور
والهيـتـني عن كل حـاضـر وغـايب

وامسيت في عالمك رايـق ومسرور
ما شوف غيرك لاجله الكيف طايب

بالعين لك صـوره وبالقلب لك دور
والروح عاشـت بـك لطيف الهبايب

....