فوق هام السحب ( الشعر الشعبي) على متن القوافي

‏حـي الله اللي عـليها الـكبد مـحتـره
اللي ذبـحـني غـلاهـا يـا حمد بـدري

تـلعب عـلى القلب والـشريان وتـفره
والـعقل سـلم لـها بـالغصب مايـدري

فـتـنة جـمـالـه غـريبـه حـيل بالمــره
والمشكله ياحمد صاب السهم صدري

....

‏القاك في درب القصايد والاشعار
والقـاك في كل المشاعـر أحـادي

مالك شريك بقلب حطك له اسوار
واشوف غيرك في عيوني جمادي

جتـني طواريـّك مـع الليل زوار
احسـّها كـل ما تصـيح وتنـادي

اعبـر بها يمـك على مـوج الافكار
خـيـال لكـنـّة بقـلـبـي وكــادي

....

‏يحـــن قلبــــي للحبايـب ويشـتــاق
‏والشـوق يرسـم طيفهـم في منامـي

‏لو يعـرف المحبـــوب قدره بالأعماق
‏مايبتعـــد عــــن وصـل خلـه ثوانـي

....

تبستم عين من شافك وشاهد جمالك
‏ياصلاة النبي عليك لايحسدونك
‏
‏زين خلق الله لحاله وزينك لحالك
‏أنتي أحلا بنات تفدى عيونك
‏
‏ماخذ الفكر كله لك وقلبي صفا لك
‏أعشقك وأكره أيام ٍ مضت لي بدونك
‏
‏من يحبك وخانك مع حبيبٍ بدالك
‏والله أنه سخيف وتافه اللي يخونك

....
‏

خبروا التاريـخَ عن هـذي البلادِ 🇸🇦
‏يقودُها سلمان الشهمٌ الطموحُ

‏ياجبـال طويـق وجنـوب البلاد 🇸🇦
‏رؤيــة محمـد في العليـا تلـوحُ

....

‏أحب من يملى ثياب الرجوله
لو كان ثوبه فاضياتٍ مخابيه

وأحب من تسبق كلامه فعوله
مزن ٍتدفّق ماه وأرعد مناشيه

وأحب رجل ٍجاك تجمح خيوله
من قبل تسرج له حصانه وتدعيه

وأحب من يستر خَضَاره ذبوله
وجه ٍطليق حجاج والهمّ حاديه

وأحب قرم ٍيوم ربعه شكوا له
قال النخل يفدا جريده سواقيه

....

‏ابعتذر واكتب على جمر الاوجاع
صدر الغلا تدفيه طعنة يمينك

الشوق رابط والجفا سيف قطاع
تصرخ حبال الوصل بيني وبينك

راح العمر في سكة الهم أوضاع
تاهت خطا ايامي وراحت سنينك

ارخصت لك قلب الغلا فيك ماباع
واهدرت اوقاتي الجميله لعينك

....

والله اني بخير وخاطري مستريح
‏ومؤمنًا بـ التجارب والقضا والقدر

‏ومنعزل عن مروجة الكلام القبيح
‏ماتقصر شبر ولا تطول شبر ّ

....

‏لو عشت عمري بين حزني وياسي
من المحال ان وجهي يصير وجهين

ثوب الردى والهون ماهو قياسي
لو كان تنعم في دفاه الرديين

ومهما تجي دون الطموح المأسي
وصاروا لي الاحباب مثل المعادين

لازال ذاك الصوت يصرخ براسي
مردّها تنصفك الايام وتزين

....

‌‎وعسى الرفيق الاش منا ينفصل
كفايه مجامل نريد مصارحه

مانبغي الا الكفو ومعرب لصل
الي مواقيفه لطيبه شارحه

....