فوق هام السحب ( الشعر الشعبي) على متن القوافي

ماتعودنا على سب الرفيق
ولا تعودنا على ترك الخوي

فالجبال السود نفتح له طريق
ونلوي ذراع اليالي له لويي

....

افواه الرجال احر من فوهة البركان
وقلوب الخلايق مالها مركز صيانه

رصاص السلاح أهون ولا نظره الحقران
اذا شافها المسجون بعيون سجانه

....

حكمه اليوم :
‏الصمت باب مغلق اذا مررتم به
لاتطرقوه حتى لاتوقظوا
أوجاعا أخذت من أصحابها عمرا
‏حتى نامت بسلام

بقلمي

هذي وصية
أكثر من أنها بيتين والسلام :

‏أنسحب من كل قلبٍ ما يشيلك
‏وأبتعد عن كل عينٍ ماتودك

‏ولا تجي للي تجيه وما يجيلك
‏ولا تعد اللي تعمد مايعدك

....

‏فقدته وجيت أدفع ثمن غيبته وأشريه
‏وأقول المفارق ذنب والوصل تكفيره

‏من أول يداري خاطري مثل ما أداريه
‏وذلحين مدري ويش عذره وتبريره

‏حلمت إني البارح توفّيت بين إيديه
‏وعز الله إن أبشع من الحلم تفسيره

....

‏ياليتني من قبل ما أحبه أقفيت
‏ولا إن دروبي عن دروبه تناحت

‏ياليتني في لفة الدرب زليت
‏كان الدموع من العيون أستراحت

....

مامرتني الذكرى القديمة مرور اكرام
‏أحس بوجعها ينتششر داخل أعماقي

‏تعشى الحزن طراف كبدي وشبع وقام
‏وأنا خايف يعود ويفطر على الباقي

‏أعذّل على نفسي وأقول الفرج قدام
‏وأردد مصير الحي بالحي متلاقي

‏لو أني من التفكير والهم والأوهام
‏ ماعاد أقدر أقف وأتحمل على ساقي

....

باع الهوى يانود واختار ثاني
وانا الين اليوم ماشوف غيره

ماعاند ظروفه ووقته عشاني
اقفى وقلبي ماعرف وش مصيره

ياما تمنينا سوا أحلى الاماني
وياما بنينا احلام ياهي كبيره

كم قال فيني شعر ولحّن أغاني
أنتي الحبيبه الاولى والاخيره

ياكيف بعد الحب أرخص حناني
يالله عسى بفراقنا ألف خيره

....

‏لاتدور مواصل من يدور جفاك
‏المقفي لاتنتظره ولا تتبعه

‏من يهمش كرم قلبك وينسى وفاك
‏سل سيف الجفا وأخذ الحبل واقطعه

....

‏حنا فقدنا منهو أغلى من الروح
‏لكن عشنا عقبهم غصب عنا

‏هذي هي الدنيا مسرات وجروح
‏محدٍ يحقق كل ماهو تمنا

....