فوق هام السحب ( الشعر الشعبي) على متن القوافي

‏نهاية الحب دايم مؤلمه للجميع
‏تعذب الي مشى وتعذب الي قعد

‏هو ضاع مّني وانا متاكد اني بضيع
‏من بعده الضيعه الي ما بعدها بعد

‏الموت قام يتشوف لي مع كل ريع
‏ويقول وينك ترى بيني وبينك وعد

....

وجهك مع الناس ياخذ فكري الساهي
ياللي صباح الخير مع شوفتك يفرق

لو تعرف الشمس قيمة وجهك الزاهي
اتحلف بالله لو ماقمت ماتشرق

....

الوقت وصدوف الليال السريعه
‏مصيرها تكشف قناع المقنّع

‏وتبين اللي طيب راسه طبيعه
‏وتبين اللي طيب راسه تصنّع

....

يا طير ياللي بالفضا عيشتك غير
‏وش حيلة اللي ضايق البال قلي
‏
‏ياليت لي مثلك جناحين واطير
‏واشوف من هو بالغلا فاطنن لي

....

صمتك عن الزلات طيب وشجاعه
‏تكبر بعين الي على الطيب رباك

‏خلك سوات الضلع عزم ومناعه
‏لايزعلك هرج الردي لو تقفاك

....

سود الليالي علمتني حاجتين
‏ان الحياة دروس والعيشة كفاح

‏ان حاربوني بالنجاح الساقطين
‏اقول حرب الساقطين اكبر نجاح

....

مكارم الناس بالاخلاق مذكوره
‏وبيض النوايا تبيض وجه راعيها

‏والكلمه الصادقه ماهيب مستوره
‏من بين الاجواد ماتقصر مساعيها

....

كل وقت يمر إصحى تخسره
‏ماحد بيعطيك من عمره عمر

‏سبّح الله واذكره واستغفره
‏أسهل الأذكار أعظمها أجر

....

لاضاقت الدنيا وجا الموقف الصلب
‏وكثرت همومك واتعبتك بنكدها

‏السجدة اللي تالي الليل من قلب
‏ماخيب الله دعوة اللي سجدها

....

اتعب على الطيب ترى رفقته عز
‏والاّ الردي مافاد نفسه يفيدك
‏
‏الصاحب اللي لالمح جيّتك فز
‏هذا الذي لازم تعدّه عضيدك

....