ديوان قصائد لشعراء المملكة العربية السعودية (متجدد)☘️☘️

قصيدة طفلة العشرين
الشاعر: غازي بن عالي غازي بن عالي
#العصر الحديث
#المملكة العربية السعودية
0
201 مشاهدة

ياطفلة العشرين ليتك تشوفين
حالي بعد فرقاك يشكيك لله
يامهجتي ياغايتي لو تِحسين
ان الحزن في غيبتك ما أملّه
غازي طوآه الهم والبُعد والبين
واصبح بدونك ضايق وفيه علّه
يصبح على همٍ ويمسي بهمين
همٍ يشق الجرح همٍ يتلّه
ياليت عينك تنظر لحالي الحين
هزيل حال.. مفارقٍ للأخلّه
أجلس لوحدي منطوي بين نارين
أكتم جروحي دمع عيني تهلّه
ارهقتني بمفارق القرب يازين
وعيشتني بالحزن عيشة مذله
وخليتني أتبعك في غيبتك لين
ريقي نشف.. ازريت بوصلك ابلّه
البُعد يذبح بس ليتك تعرفين
كمٍ عشيقٍ مات بفرآق خلّه
وانا خطير اموت وانتي تشوفين
من بُعدك الي مالقينا محلّه
ياطفلة العشرين تكفين تكفين
عودي عليّ وعيشي العمر كلّه

قصيدة مرّت خيال
الشاعر: غازي بن عالي غازي بن عالي
#العصر الحديث
#المملكة العربية السعودية
0
196 مشاهدة

مرّت خيال بفجرها وعانقتني
عناق حب ويمكن عناق عشاق!!
من لهفتي مدري كذا وش عطتني
شين يشابه يافهد نور الاشراق!!
اقفت وخلتني بعد ما احرمتني
وانا على شوق الوصل حيل توّاق!!
ياويل حالي ليتها ماهوتني
ولاغديت بضيقتي معانق فراق!!
عزالله ان الحب بلوه لفتني
في كل لحظه لازم لعينه اشتاق!!
مجنون شوق وبالغلا شوقتني
والشوق دآآيم داخل الصدر حراق!!
تعبت والضيقه بعد اتعبتني
والصبر عندي صار مايوم ينطاق!!
ياوين اوجه خطوتي لاتركتني
وانا كذا جسمن به الهم ينساق!!
اكتب على بيض الورق فارقتني
وتضيق في عيني حروفي بالاوراق؟
اوآه ياوقتن مضى سامرتني
سوالفٍ فيها الفرح نوض براق!!
واليوم ماشفته ولا عاد جتني
ولا عاد قلبي مثل ماكان يشتااااق!!

قصيدة ياموطني
الشاعر: غازي بن عالي غازي بن عالي
#العصر الحديث
#المملكة العربية السعودية
0
184 مشاهدة

تفعيله
ياموطني
جيتك
ب افضفض وانثر اوجاعي مطر
ب كتاب حسنك الواضح الناصح
الممتلي مدات خير ل غيري تسر؟
جيتك.. سطر
جيتك.. حبر!!
ينزف تجاعيد الوجيه الشاحبه.. قهر!
واكتبني النازف.. الي ربابك من صغر!
وعاشك على امل يكبر ويكثر معاشك!!
وألقاني بقايا فقير.. ينفض غباره من قساك.. ويلحف قشاشك..!
ومن فتات الارض ل ترابك
ومن شموخ المنكسر لهضابك!!
للاماني..
للحاجه الي خذتني كثير.. وجيتك..!
وانته كبير..
ترأف كثير..
تعطف كثير..
تقسى كثير..
تقتل طفولة بيتنا.. على باب التكبر.. وتهمل حسابك!
وألقابك في وقت الرخى خذلان
وتلقابي ف الشدايد.. جنايز!!
للوطن
نحيا نموت.. مايدوسك خاين يكرم عنه ترابك..؟
يهابك.. ونهابك
ونعيش فيك ونرقابك
إلى العليا.. إلى اللقيا
إلى آخر بقاع الارض
ياموطني..
نموت ونحيابك
نموت ونحيابك
نمون ونحيابك

قصيدة شمر الدوله
الشاعر: غازي بن عالي غازي بن عالي
#العصر الحديث
#المملكة العربية السعودية
0
177 مشاهدة

ياشمر الدوله وياشمر العز
تبارك الله.. ربنا لا اعتزينا
جينا حميا للبنيخي ونعتز
ب افعالنا بحقوق تبقى علينا
جينا نفك عيالنا دون مانهز
كل المعاني لا كتبنا وفينا!
مليون والا للثلاثين تحتز
ناخذ بها بالعز علمٍ سمينا!
حنا الطنايا غوشنا دايم تجز
وانشد وقايع فعلنا لا حكينا
ماهو ب هرجٍ نكتبه ونتعزز
تصفق يدين الي لنا كارهينا
الا بصملة قوم تنوي وتبرز
على الفعايل كلنا شاهدينا
ماطاح ماهو داخل الروح لي حز
وماقام لازم نرفعه لا علينا
يعلآ معانا للنوايف ويعنز
حتى يطول الشاهقه من يدينا
كذا الولاء لاجيت تشرح وتنجز
وكذا الفعول الوافيه تحتوينا
وكذا المعاني لا كتبته على إز
بحروف ماهي هزلةٍ ماتبينا
وختام هرجي بكتبه وصف موجز
شمر بحر والطيب مرسى ومينا

قصيدة حالة فراق
الشاعر: غازي بن عالي غازي بن عالي
#العصر الحديث
#المملكة العربية السعودية
0
177 مشاهدة

هات القصيد وهات ماكان مكنون
في وسط صدرٍ من سواياك ضاقك!!
اسقيتني هجرك وانا اقول ممنون
نفيتني وأخرجتني من نطاقك!!
قلبي يحبك يعشقك حيل بجنون
صابر عليك..الصبر شب احتراقك!!
تركتني والحال من دون لا دون
دونك فؤادي يشتكي من فراقك!!
جيتك عشيقن حده البعد مغبون
حلمه يعيشك صدق يحظن عِناقك!!
خليتني وهمك على الصدر مركون
ألوم حالي واشتفي ل أشتياقك!!
في غيبتك شفني من الضيق مجنون
ضامي لقى وحلم الرجا في عِتاقك!!
وفي غيبتك كل الخلايق يغيبون
ويضيع بك مسراي والفقد عاقك!!
وفي غيبتك هالصبر ماهو على الهون
والصدر من فرقاك بالحيل ضاقك!!
يالعنبوها عيشةن تجلب طعون
ويالعنبو حظن على الدرب ساقك!!

قصيدة اقرب صحيبي
الشاعر: غازي بن عالي غازي بن عالي
#العصر الحديث
#المملكة العربية السعودية
0
174 مشاهدة

قصيدة موقف
حدّقت من واقع خيالي ومديت
شوف النظر للي بعيدن قريبي
العام اخايلهم على الطيب وازريت
اشب ناري والحطب من لهيبي
في غربتي ياما على القاف غنيت
من حزني الي صار اقرب صحيبي
شعر الغزل لامن كتبته وخطيت
ماكل حرفٍ ينكتب في حبيبي
بس اسمعوها واحفظوا تالي البيت
وخلوا طليب الثرثره يقتديبي
انا ولد شاعر على الشعر له صيت
لا خط حرفه فاح مسكٍ وطيبي
وانا على جدي وبإسمه تسميت
شاعر جزاله دون شكٍ وريبي
خليتهم في غبنهم واستقريت
شريت حلم النفس وانباج طيبي
وإن كان معجبهم فلا باس ياسهيت
باكر مع الايام يآتي مجيبي
حرفٍ كتبته من فؤادي وسجيت
بوصف الخيال الي خذاني نهيبي
هذاك حزنٍ عمر بداخلي بيت
يالله عسى طعنات جرحه تطيبي
نفضت انا ثوبي وبالله تعزويت
وماغيره الي لا دعيته يجيبي

قصيدة انا تراني ضيغمي للسناعيس
الشاعر: غازي بن عالي غازي بن عالي
#العصر الحديث
#المملكة العربية السعودية
0
154 مشاهدة

البارحه والجو كله هواجيس
نامت عيون الي سهر ليلته يآس
بين الطبول الي حوتها المراويس
مِجنة عقولٍ طاح من فكرها كاس
وناديت ياحادي زها النور للعيس
في جوها يطرب لها كل نسناس!
قولوا ل منهو نال كل المتاريس
الارض فيها ماطرا يوم تنداس
كل الغلابى في وطنهم متاعيس
وانا وطن منهو غدى كله اتعاس
حلمٍ سكن روحه بليا مقاييس
عشقٍ جنونه نور في لمعة ألماس
ويومه كتب اعوذ من شرك بليس
خابت اماني كل خاين وبلاس
وعقب البطا شبيت نور الفوانيس
ولا بقى منهو تشبه بجساس..
حقدٍ ربى لو قلت ياقيس ياقيس
قمريةٍ جرت تناهيد الاحساس..!
استغفر الله لا تثور المقابيس
في حينها ماينفع الدرع والطاس
مير اني اقرأ في كتاب النواميس
ومن لا يأسس عالمه ينقصه ساس
نصيحةٍ ألقى بها الوصف تقييس
يومن نادا العود وين انت يادباس
من حرقته فاح الوجع بالمحاميس
بين الملاقى قطعت ارماس وارماس
والليله الي جوها به تضاريس
يصعب على سريانها كل عساس
مغزاي عندي صعب ماله تداريس
الا عن الي يعرف الحال بقياس
ان كان لون فعولهم مدت الكيس
افعالنا ماهي على كل هلاس..!
لو خط حرفه فوق بيض القراطيس
قرطاسنا نورن شعى فوق عباس
مالي ومال الي علينا مناحيس
لو خط حبره واثمر الحرف كراس
حنا كتبنا العلم فوق القواميس
لو موجها يآتي مع الصعب غطاس
انا.. تراني ضيغمي للسناعيس
أروم أشمخ منحنى للبشر راس

قصيدة ماغير صوتك لا ندهني ولبيت
الشاعر: غازي بن عالي غازي بن عالي
#العصر الحديث
#المملكة العربية السعودية
0
151 مشاهدة

ماغير صوتك لاندهني ولبيت
اجيك من شوقي مولع ومشفوح
ياغايبه لولا الغلا ماتعنيت
ولا جيت يمك ممتلي كلي جروح
مير الغلا يجبر خفوقي ليا جيت
غصبٍ علي اقول امرك ومسموح
لنك حبيب الامس واليوم حطيت
في وسط صدري لك مقامات وصروح
ياما وياما من بعادك تقاسيت
وياما شربت الهم والحزن والنوح
وياما على صبر الأماني تحليت
اضحك وخدي فوقه الدمع مسفوح
وش حيلتي ياصاحبي لو تناسيت
شخصٍ هويته اصبح اليوم مذبوح
في ملّتك قلبي وعنّه تخليت
ماظن يثمر لو جنى منه مربوح
افهم كلامي كانك الحين حسيت
الدرس واضح مايبي منّي شروح
ماعاد تفرق لو رحلت وتواريت
طعنتني واليوم انا منك مجروح
مع السلامه قلتها يومك اقفيت
وخليت قلبي من سبايبك مطروح
الله لنا في ضيقتي لوّي شكيت
والله يعين الي غدى كله جروح

قصيدة مشكلة لا صرت تدري وش بلاك
الشاعر: غازي بن عالي غازي بن عالي
#العصر الحديث
#المملكة العربية السعودية
0
148 مشاهدة

مشكله لاصرت تدري وش بلاك

وتدري أكثر زايدٍ فيك البلا

مثل حال الي جفاك وماجفاك

إيتصنع ب المعزه لك ولا

اعترف ماكان تدريه يخفاك

ليت من بدّى جميله كمّلا

لا لمحت الي مهو في مستواك

جنّبه خله يلالي بالخلا

مثل هذا بلوته تركض وراك

لا يهمك من لسانه دللا

الوجيه اشكال لو كثروا عِداك

نقوةٍ للطيب وفعل مجملا

ومن تشبه بالغدر ماله معاك

منهجه جساس بشهود الملا

اشهد ان الجرح لا منّه بغاك

من صديقٍ في يمينه نكّلا

او قريبٍ يرتقب ضيعة مداك

حِلمك بوقت الشدايد مدهلا

النصيحه ترتقب تبغي وفاك

اعتنز له بالقوافي واصهلا

تحتفي بك عن عيون الي بلاك

وعن هبيلٍ بالسوالف يجهلا

قصيدة ماغريب الا الغريب
الشاعر: غازي بن عالي غازي بن عالي
#العصر الحديث
#المملكة العربية السعودية
0
148 مشاهدة

ياعظيمه لو غدى العاشق طليب

في متاهات الجفى ضيق وتعب

ياعظيمه دنيتي.. بليا حبيب

فرحةٍ فيها الحزن مني سلب..

اعترفلك ماغريب الا الغريب

والمهايب منك ماليه العتب

رحلة الاشواق ب عيون الكئيب

لا تعرض ل الذواري والمهب

ينتفض به جرح عيا لا يطيب

بالوقايد نار.. وأشواقي حطب

شوفتك عندي عليّه تستريب

في منامي مسهبٍ بك عن كثب

عاشقك ياسيّدي جرحه عطيب

يستعر بك ضيق ف أعماقه لهب

لمي الاشواق يالحلم الصعيب

دامك انتي للوطن روح وشعب

إنعشيني صدق ف اليوم العصيب

ضاقت أشواقٍ.. تدور بك رحب

تايهٍ بك في لحن عزف القريب

ريشةٍ فيها الوتر.. يعزف طرب

لاعزف لي بان في صدري قنيب

ل اللهايف ذيب.. بضلوعي قنب

لا يموت الحلم في صدر الغريب

مدي إوصالك ترى وصلك وجب