اخترنا لكم شعر نبطي وفصيح

اشتقت لك والشوق ماله مواقيت
يا أجمل احـداث العمر في حياتي

قلبي وعيني ياغـلا الروح لك بيت
ولافيـه غيــرك يمتلك نبض ذاتي

احبك ولو عنـي تأخرت وابطيت
واموت بك يااغلا بشر في حياتي

واهواك مهما في غيابك تماديت
وتبقى امل روحــي وكل امنياتي

.....

ياوجد حالي مــن الواقــع وجهل المصير
ومـــن حزني اللـــي يبي له حاجة تفرحه

وجودي مثل طفل وحيد وظالمينه كثير
وهـــو معه عـــذر لكن ماعـــرف يشرحه

.....

‏ستر المـــواجع داخل القلب راحه
لو يمـتلي صدري بــها ما تكلمت

ما هو جديد الـقلب يخفي جراحه
ولاهو غريب الضحك مهما تألمت

.....

تغيّرت ايه تغيّــرت لأنك ما تغيّرت
سخيّت بي وانا اشَّـــد من يهوّاك

حتى في قفاي شتّمت لي وعيَّرت
وانا حميتّك في حضورك ومقفّاك

.....

‏الناس تشكي والسبب شدة الحر
وشلون وضع الناس يوم القيامة

يوم الحساب يكون يا خير يا شر
يالله عفوك و الرضا و السلامة

أمين