ديوان قصائد لشعراء المملكة العربية السعودية (متجدد)☘️☘️

قصيدة حلم لقياك
الشاعر: غازي بن عالي غازي بن عالي
#العصر الحديث
#المملكة العربية السعودية
0
90 مشاهدة

سافرت من صدك على حلم لقياك
ولا جنيت الا التعب والغبينه
طول البعاد انهك خفوقٍ تمناك
امسى يعيشك عقب غيبه تجينه
تعبت ألملم حزن روحي بذكراك
لقيت روحك ارض مابه مدينه
كل المشاعر ضاميه ودها ماك
والعين ل دموع المفارق سجينه
والقلب من بعدك ولا يوم خلاك
مدام صرتي.. نسمته في وتينه
والشوق من فيض المشاعر تعلاك
يرقى على ضلع الملاقى حنينه
يكتب أحبك.. والمعاني ترجاك
ويكتبك شعري بالغلا ياسمينه
ماكنك الا حرف والروح تهواك
ومن الغلا يضوي جبيني جبينه
مرت سنه عايش على حلم لقياك
وعيني تراقب.. للمواني سفينه

قصيدة سمسر جميل الشعر
الشاعر: غازي بن عالي غازي بن عالي
#العصر الحديث
#المملكة العربية السعودية
0
91 مشاهدة

سمسر جميل الشعر واستبشر التاق

وغنّت.. قرايح.. داحمين.. الكلايف

الي لهم.. ف الترجمه.. بدع وآفاق

شامو.. على.. صُم.. الجبال النوايف

وخطيت قافي ميّ.. في نشف الأرياق

في معتلى.. القمه.. بلوغ.. النصايف

الليله.. الهاجوس.. للشعر.. منساق

مابه.. وليف.. اشعور.. ولابه ولايف

ومابه.. مضيّع.. خافقه.. حب عشاق

الي.. يهل.. إدموع.. مثل العصايف

ومابه.. معاني.. بين ركزآ.. ودقاق

دون.. السماين.. وردوهن.. خفايف

فيه النصيحه.. تعتلي.. فوق.. مالاق

بن.. القصيد.. قناد ل الراس كايف

يامسندي.. ماقلتها.. لك.. تشفاق

ياعنك.. مايضرب.. عليها.. سوايف

الخوه.. الي.. وصلها شر ونفاق

ماعنها.. ياكود.. هم.. وكسايف

خوة.. مصالح.. بين خاين وبواق

ماتهتني.. حتى.. تشوف الحسايف

واحذر من الي لاعطيته من اعماق

واكرمت.. حاله.. عن قليل الضعايف

إحسان بالمحدود ينجيك من عاق

بعض الحِسان..رماح وسط النحايف

اخذ النصيحه من فهيمين وصداق

الي على امثال.. السلف.. ماتزايف

خطو معانيهم من الطاق ل الطاق

نجومٍ.. تلالى.. في لميع.. الرهايف

قولٍ على مبدا ومعنى وميثاق

قولٍ تفاخر به.. جموع وطوايف..!!

إحشم بنان الشعر لاجيت مشتاق

وأكتب كلامٍ.. صدق.. ماهوب زايف

دام الحقيقه مُبتغى الحي لا ساق

جزل.. المعاني بين سامع وشايف

قصيدة بعد حيي


غازي بن عالي

#العصر الحديث #المملكة العربية السعودية

0

90 مشاهدة


الشوق في داخلي قد زاد
مجنونتي يابعد حيي
مشتاق والشوق بي يزداد
اجيك من اقصاي متهيي
ياباشة الغيد حظي ساد
باباشة الغيد من زيي
بعزفلك الشعر بالأنشاد
وبكتب جنونك على إيديي
شاعرك ماهو ترى قصاد
شاعرك نوره كما الضيي
دايم حروفه تجيك إجداد
ولا جات صارت كما الفيي
يقلعك ياحظ مالك فاد
ما زاد زرعي على ريي
حبيتها حب بنت الضاد
لهجة غلا يا بعد حيي
كل ماكتبته حزن ينقاد
قلبٍ من العشق به كيي
ملعون ابوحال منهو راد
عشق الهوى والهوى غيي

قصيدة يمه
الشاعر: غازي بن عالي غازي بن عالي
#العصر الحديث
#المملكة العربية السعودية
0
88 مشاهدة

ياضيقة الخاطر تجلي عن ضلوعي وابعدي

مالي ومال الضيق واحزان الزمان الخايبه

تعبت اغني من شعوري وانشدك يامجّدي

وانا دموعي من عنا فرقاك يمه ذايبه!

تسعة شهورآ من قبل القاك يحلى مولدي

في ساعةٍ وافراح قلبك من شعوره غايبه..!

خلي غيومك من غلا روحك تزوم وترعدي

وش السحاب ان مر ارضي وازهرت جدايبه

قولي لهم ان الغلا يسكن ضلوعي وجسدي

واني بدون الي يبوني من شقايا هايبه.!

ثلاثةٍ يسوون روحي هم دياري وبلدي

والرابع الي ناف حبه من غلا سحايبه..!!

وان جيت اقول وغايتي يمه عليك ارددي

اجيب لك حلو الكلام الي تفاخر جايبه..!!

ماهي تصانيفٍ اخطه وابدع القاف المدي

الا وربي شعرآ آسمى من سمي عذايبه..!!

عليه حرفي في وصوفه لو ذكرته اجودي

فيه الفخر يرقى سنام المجد لاجت نايبه..!

يمه وربي ماهنى ل عيني تنام بمرقدي

والنوم سل سيوف حربه في لقى حرايبه..!!

هاتي وصالك ارقي حدودي على حد الجدي

القلب يطلب جنته وانتي احد طلايبه..!!

قصيدة المماليك البحرية
الشاعر: غازي بن عالي غازي بن عالي
#العصر الحديث
#المملكة العربية السعودية
0
87 مشاهدة

اتابك الاحساس في داخلي ناح

وأمطر علي بوابلٍ من جديده!

وخطيت من فخري على كل ملواح

لو كان فخر اسلامنا من عبيده

دولة مماليك الفخر بنّها فااااح

من وصفها والعز يكتب قصيده

يوم الفتن تقدح على الناس ياصاح

ماهيبت روس الرجال العنيده

تكاتفو في عزهم فوق الاطماح

العز بالجمعا تسامع نشيده

للدين ركن وركننا لابس وشاح

وشاحٍ ستر طهر النفوس الرغيده

الله..! لو قومات الايام تنزاح

عن فتنةٍ هدت صروحٍ تليده

قاموا يشبون الفتايل على الناح

قاموا علينا وافسدو ب العقيده!

اشباه هولاكو تتارٍ على رماح

صابوا صدور إم الكرام المجيده!

وتكاتفوا بالحلم لو حلمهم صاح

على دماء الناس في وقت عيده؟

من قال نور النصر بالعين لواح

مالاح غير الذل واهل المكيده

باعوا اساس اعلامنا يوم يجتاح

فكر التطور للعقول الزهيده

مازاح وان قلنا ترى فعلهم زاح

وعيوننا ترقب رسايل بريده!

عفوآ بقول العلم من داخلي باح

مثايلٍ ماكل واحد يجيده..!

هذي فعايل فتنة الغرب ياصاح

عشنا وشفنا صمتنا وش جديده!

قصيدة الا السهر مع حضرتك شي ثاني
الشاعر: غازي بن عالي غازي بن عالي
#العصر الحديث
#المملكة العربية السعودية
0
87 مشاهدة

الا السهر مع حضرتك شي ثاني
يشبه جنون المنتشي ريح خمره
لاهام في نشوة جنونه وجاني
يعزف على ناي المشاعر بشعره
غنيت له من ضيقتي للأماني
أحلام ذكرى عاشت بضيق صدره
اموّل احساسي على قاف آني
وارسم معاني ضيق والحزن سطره
واعلم احساس المشاعر أغاني
حتى يذوب الشمع وتموت سهره
ياهيه يامِكرِه عيوني تعاني
شفني قليل احب واحيان مُكره
ألقى من الصدات فيني مواني
الشوق سفنٍ ضاقت بجوف بحره
والغايب الي بالموده جفاني
بالله قولوا لارجع ويش عذره
اجيه من طول المسافات عاني
وألقاه في طيشه يغنيه كِبره
واعلمه وشلون حلم الاماني
الي زرعته شوق للحين بذره
وينه يشوف الضيق يرأف عشاني
مليت اخط الحرف ويذوب حبره
ومن يومها للحين مابان باني
الا على صدرٍ تعب طول صبره
تدري بلاش من السهر والمعاني
مابي اقول اشتاق وازيد حسره

قصيدة مازلت اهذري في شموخ العزيزين
الشاعر: غازي بن عالي غازي بن عالي
#العصر الحديث
#المملكة العربية السعودية
0
84 مشاهدة

مازلت اهذري في شموخ العزيزين

واذكر تفاصيل الليال القديمه

يابشيّر اسمع من قبل عام الألفين

ظلم الهموم الموجعات السقيمه

حظي وحظك عام الاربع وتسعين

يوم النوايا لا ذكرنا سليمه!!!!!!

من قبل تسقط في عيون الرديين

وتصبح حياة اليوم جدآ وخيمه

ناديت وين وجاوب الصمت بعدين

منهو قوانا يوم وقت الظليمه..

منهو عرفنا يوم،، حنا قويين

منهو جهلنا يوم فك الخصيمه

منهو قرانا في كتاب الاديبين

منهو سمعنا يوم غنت يتيمه

منهو على ضحكاتنا قاب قوسين

على بساط اهل القلوب الرحيمه

منهو ومنهو بين لو قلتلك بين

صوب عيونه للحياة الحميمه

ايه اعترف والله للحين للحين

للحين انا طفلٍ ويذكر قديمه..!

من مُبلغ الحيين لو قلت حيِين

سالم غدى ياهل القلوب العديمه

قصة شعوري لو ذكرته ب حرفين

عاثت قسى بين الصميم وصميمه

حصريةٍ شوفه على العين ياعين

وليدةٍ ه الحين ماهي قديمه!!

قصيدة حظ خايب
الشاعر: غازي بن عالي غازي بن عالي
#العصر الحديث
#المملكة العربية السعودية
0
86 مشاهدة

تعتير يادنيا الغلابى المساكين

هو ليه حظي دايم الدوم خايب

ماهلت الدمعه على ناظر العين

ولا مرت البسمه على عود شايب

سلطان انا ياخوك من وين لاوين

همي غدابي بين ضيق ونشايب

ياوجد حالي وجد ناسٍ مساجين

من سجنهم ماذاقوا الا المصايب

امسوا على هالحال اربع وثنتين

مع السنين الي برتها النكايب!!

ماهمهم لو طوّل الحال ب سنين

يرجون من يجزى كثير الوهايب

هذا جداي وسقت قافي ب حرفين

من هم قلبي صرت ماني بطايب

قصيدةٍ ارجي بها العلم ويبين

لعلها تبري جروحٍ عطايب

خطيتها من ضيق وسط الشرايين

خطيتها وانا من الحظ خايب

قصيدة ماعدت شاره
الشاعر: غازي بن عالي غازي بن عالي
#العصر الحديث
#المملكة العربية السعودية
0
85 مشاهدة

لا لا تزيد..بشرهتك يوم تجتاح

علومك خذت من سيتك وحسناتك

كان انت تقوى تصدح الصوت لاناح

صوتٍ.. تبرى.. من فعايل.. سواتك

ياصاحبي والعلم في موقفك لاح

مابل.. مشروهي.. عذايب.. فراتك

خوة إسنينٍ.. بين فرح وتمزاح

ماخالطه.. الا الكِبر.. في جفاتك..

تقدر تغيب اليوم مادمت سواح

وإن شفتني لا تزيد.. ب مجاملاتك

خل المرور اللي مثل خف مرواح

يمر في.. صمت.. الكلام وسكاتك

تجارب.. الايام تنبي بالايضاح

تبين لا بانت.. وضايح.. صفاتك

ماعدت شاره بين قاسي وسمّاح

بيّن ولو.. هليت.. كثر إعبراتك

لو تكنز المكنون في بر الارواح

ماكل روحٍ.. عامره.. في زكاتك

عسى تسوق البعد في درب الافلاح

المغني الله.. مالنا.. في غناتك

قصيدة ديسمبر الجوع
الشاعر: غازي بن عالي غازي بن عالي
#العصر الحديث
#المملكة العربية السعودية
0
85 مشاهدة

ياعُرب وين الي ينادي ل عُربه

قبل يتلاشى ف المدى طول صوته

ياما كتب عن ضيقته صوت كُربه

فقير عينه تنتظر شوف قوته

وياما سلك ممشاه والحلم دربه

يمكن يروف الي ف بشته يشوته

وياما كتب ياموطني ليش غربه

واحلامنا طفلٍ شرآ الجوع موته

ملت ضلوعه ترجف الصدر ضربه

ديسمبره ماسلفه سعر كوته

هذي حقيقه سنها سن حربه

كرتونها الدافي ذبح حلم نوته

شاعر كتب واشعل قناديل سربه

ترجح وزن لاقيل وشهي بيوته

ياعُرب وين الي ينادي ل عُربه

قبل يتلاشى ف المدى طول صوته