فوق هام السحب ( الشعر الشعبي) على متن القوافي

أربع تخلي الرجل من دون قيمه
ويصير من بين الرياجيل ممقوت

الكذب والغيبه ونقل النميمه
وكثر الكلام اللي بلا فعل وثبوت

وأربع سبب فرقى النديم ونديمه
المال والنسوان والحسد والموت


مهنا السعدي

ياوجودي كل ماحال دون الراي راي
والضروف القاسيه ساريٍ مفعولها

كم نويت اقول كلمه تبيّن وش بلاي
ومنعتني شيمتي واستحيت اقولها

خايف ابدي بعض الاسرار وافرّح عداي
عالمٍ ياليت ربي يرد عقولها

اربع وعشرين ساعه وهي تمشي وراي
كنّي آخذ لقمة العيش من محصولها


سفر

خمس الفرائض صلها بأمن وخشوع
حافظ عليها فالركوع وفالسجود

وصل الرواتب كلها لله طوع
انكان تبغا الفوز والجنه خلود

وانكان ضاعة لاسجود ولا ركوع
حسيبك المولى وحراصك شهود

في يوم شمسك ميل عن راسك يروع
والنار قدمك تصتلي ذات الوقود


زايد بن محيا

تعبنا من اللي راح ونشيل همّ الجاي
ولا عاد ندري وين تمضي بنا الدنيا

هنا الفكر متشتّت ومابين راي وراي
نخاف العواقب وإن حكينا على استحيا

أحاسيسنا متبلّدة والفرح نسّاي
ونشوف الخطا ونصدّ وقلوبنا عميا


عبادي الزهراني

الصبر مفتاح الفرج والغضب شين
والـنـاس مـاتـقـدر تـعـدل عـوجـها

احرص على فـعل الوفـا والنبا الزين
والارض مـاضـاقـت وسـاعٍ فجـجـها

دنـياك هـذي مـاصـفـت لسـلاطيـن
كـم واحـدٍ حـول مـن اعـلـى درجـها

اصبـر عـلى صـكاتـها وحفـظ الـديـن
وطلب مـن الله في سـجودك فرجـها


سعود بن سالم

عندالرخاءيا كثر منهم حواليك
وعندالمِحَن بعداد روس الاصابع

لاتحتري لين الحوادث تفاجيك
وتكشف لك وجيهٍ مجرد طوابع

دقق مثل مايدقق البنك بالشيك
وأكرم جنابك عن ضعيف الروابع

ريال الذهب مافيه ريبه وتشكيك
يصعب على اللي يزيفون المطابع


عبدالرحمن المرخان

‏تبي النعم يابعده على شاربك بعداه
مادامك تحب الروح والمال تقصربه

فلا يستحق النعم من ترتعد يمناه
من المد ولا في اللقا زرقة الحربه

ولابه بخيلٍ عند ربعه يجي له جاه
ولا به ذليل باللقا ينتستربه


مشعل بن ساير

انا لاجفيت الرجل يوم الدروب رحاب
الى ضاقت الدنيا علي ما تذكرته

ولا احب من فرغه ولا اكره بدون اسباب
ولانيب لامنه صفى الود عكرته

مثل لو اصير امشي على قوقل ماب
لو ادل دربي قبل ماوصل ماسكرته

احس ان فيها دناه وسوء اداب
واحس اني ارخصت الجميل وتنكرته


محمد المقحم

ارفع مقامك عن مهابيط الوطاه
ترى الرجل ماينحدر مهما حصل

لاتصير مثل اللي ردى نفسه دعاه
يفطر عقب صومه على ثوم وبصل


عبدالرحمن المرخان

مانيب عايش لجل جمع الدنانير
ولاهمني منصب ولا زود رتبه

مادمت متعافي ومبسوط وبخير
ماجات به سود الليالي غدت به


مهنا السعدي