فوق هام السحب ( الشعر الشعبي) على متن القوافي

العز للنفس واجب والحيا سنّه
وأنا يديني من الثنتين مليانه
ْ
ورزقي على اللي ليآ اعطى شي مامنه
والا يدين العرب تعطي ومنانه
ْ
وان شحوا الناس ربك يعطي الجنه
مايغني الا كريم الوجه سبحانـه
ْ

رشيد الزلامي رحمه الله

عسى قبرك مثل قلبِك بياضٍ ممتلي بالنور
وتحتك جنةٍ خضراء وسحابة خير ممطورة

م

ياربي وأنت جلَّاي الظلام الراحم المنَّان
يارب المرسلات ورب قلبي وأنت تاوي له

أعوذ بنور وجهك لاتصيِّرني ضعيف إيمان
تلقَّاني بعطفك يا كريم إن قلَّت الحيله

م

ياوجـودي ليت مالي على الدنيا وجـود
او وجودي ليتني عشت بالكون اوّحدي
ِ
وياعذابي لادنى الليل وابـذلت الجهـود
ابغي ارقـد واثـر نـومي محارب مرقدي
ِ
اتقلب في فراشي وخلق الله رقـّود
وينه اللي يقسم النوم واقول بعدي
ِ
مرحباً ياقشر الاقدار لا جيتي وفود
فطرة الله في ضلوعي تحيّي موقدي

....

الشيب ماهوعيب يامعذرب الشيب
الشيب في راس الـولد لـه سبايـب

اماكـريمٍ شاب يبحـث عـن الطيب
ولاشـجـاعــاً عـذبـتـه الـمـصـايـب

اذا جهلت انشد ترا مابها عيب
لاتنخـدع للجـهل وانت السبايـب

عيب الـفـتـى مافيه شك ولاريب
ترك الفروض وقطع وصل القرايب


رشيد الزلامي رحمه الله

لا تحسف وأبذل الطيب في كل أتجاه
من قضى للناس حاجه قضى الله حاجته


فارس بن هضيب

أجمّع له سْمان الهَرْج خوفٍ من التقصير
وإلى جيت بْشرح له كلامي تهيزلته

يجيني منْه هيبة معزَّة سحى تقدير
أقابله عندي علم وأروح ما قلته


سعد ابن جدلان

شهبٍ جثا ميره مدا خيلهن حو
دخانهن ريحه تقل ريح جاوي

واليا تعزل واهج الجمر قم سو
كيفٍ يكيف محرقين القهاوي


سعد السلمي

مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه


المجاراة

والحسد علة قلب ابسط معانيه
يلبس الرجال ثوب المذمه

ولا ينجذب للعز والطيب راعيه
ولايندفع نحو الامور المهمه

بالمختصر راعيه محدن يدانيه
وهو سلعته مابين غيبه ونمه

....

الفقر ماهو فقر قل الدراهم
آلفقر فقر اخلاق وسط الرياجيل

من دونها نلقاك ضايع وواهم
يقوله اللي جرب العدل والميل


فايز المنصوري