ديوان قصائد لشعراء المملكة العربية السعودية (متجدد)☘️☘️

قصيدة أوركيدتي
الشاعر: غازي بن عالي غازي بن عالي
#العصر الحديث
#المملكة العربية السعودية
0
51 مشاهدة

شفت الزهر يرسم معانيه للنور

أوركيدتي بالشوق طوّل حضورك

كنا وكنتي حلم في صدر معمور

ما زاربك جور السنين ودهورك

ولامر بك قلبٍ يغنيك بشعور

حتى تباها صورته في سطورك

يكتبك شاعر خافقه كلّه زهور

طيبه نسايم نابعه من عطورك

يمطر مشاعر طيب في قلب ممطور

يكتب شعوره ويتغنى شعورك

أوركيدتي والشوق ماليني إحضور

كلما ندهت وجاوب الصمت جورك

بالله لا يبطي حنينك مع الحور

إليا لفن والشوق ينثر زهورك

لمي بقايا شوقنا وصل وجسور

مدي حبالي صوت تلقى جسورك

إلى متى والشوق عضوٍ ومبتور

من غرغرينا البُعد لآخر عبورك

حالي كذا في ظلمتي ارتقب نور

متى تبيني وأحظن اليوم نورك

قصيدة أقفى فمان الله إتمتم شفاتي
الشاعر: غازي بن عالي غازي بن عالي
#العصر الحديث
#المملكة العربية السعودية
0
50 مشاهدة

يافقد والله مابقى ل ناظري حلْ
وانته على الغالين تدبر وتاتي!
مرات اشوف الشوق مرات يرحلْ
من قلة الحيلات هذي سواتي!
شفني من التفكير والحال منسلْ
فاقد وليفٍ كان يسوى حياتي!
يامُر حال اليوم وشلون ب جهلْ
وانا عذابي راسخٍ..في جهاتي!
ثلاث ودتني،، على حل وآ ملْ
والرابعه نفسي وضيعة شتاتي!
اللهً من ضيقٍ على نفسي اجزلْ
من وين ماعفته.. لقيته يحاتي!!
رسمت به حلم الليالي وعلل؟
للصوره الي صايره من صفاتي!
همي وحزني نوح بالليل يقبِل
ماخالطه غير الآسى في مباتي!!
ليته يروف ب حالتي ويتجمل
واقتات من شوفه جميل اُمنياتي!
رآح وتباعد في دروبه على حِل
أقفى فمان الله.. إتمتم شفاتي..؟!

قصيدة قنوت الحلم
الشاعر: غازي بن عالي غازي بن عالي
#العصر الحديث
#المملكة العربية السعودية
0
45 مشاهدة

الليلة إشعور الغلا كله إحساس

مرّي علي بسمع ترانيم صوتك

مشتاق لك من قلب يا نبض الأنفاس

أحياك مرة وألف مرة أموتك

يلي جمالك طاغيً بين الأجناس

فيك اختلط مرجان لو لك ياقوتك

إبهارك إعجازآ سما فوق مقياس

في مبسمك حمار جمرك وتوتك

وعيونك الي سحرها بين الأقواس

سهامها تذبح.. عشيقن يموتك

رشيقة الأوصاف في در الألماس

بسكوتة المذاق سكر فروتك

حلمي نزفته يوم دقيت الأجراس

على كنيسة حبنا في قنوتك

استصعب الآمال في زحمة الياس

وداعتك يوم اللقى لا يفوتك

صدري ل قلبك يا غلا الروح مجلاس

وضلوع صدري لو بغيتي بيوتك

جيتك وأنا في داخلي أنزف إحساس

بوحي تفجر واحترق من سكوتك

قصيدة معك الضياغم راسية فوق منزال
الشاعر: غازي بن عالي غازي بن عالي
#العصر الحديث
#المملكة العربية السعودية
0
46 مشاهدة

اللابه الي من قديمٍ سطرها

فخرآ ينومسنا على مر الاجيال

تنبت بقاع الطيب صافي زهرها

وتفوح ريحة ذكرهم قول وأفعال

قلت الضياغم غيمها من مطرها

هداج نبع فعول من طيبها سال

يامفلح ادحم والمعاني جهرها

غازي وغازي محزمك لأشهب اللال

من يومها للحين بيّن شهرها

قصيدةٍ في وصفها مالها أمثال

نسوق ترفات القصايد مهرها

فكرٍ غشاه القرب من فوق ماطال؟

والطايله يمناك تغرف نهرها

منْك ي اخو سلمى معاني وتمثال

اقولها وانت القصيده فخرها

نورٍ شعى بالطيب وفعلك له ظلال

ادحم وخل السالفه من خبرها

معك الضياغم راسية فوق منزال

واللابه الي من قديمٍ سطرها

فخرآ ينومسنا على مر الاجيال

قصيدة انا غازي غزيتك
الشاعر: غازي بن عالي غازي بن عالي
#العصر الحديث
#المملكة العربية السعودية
0
45 مشاهدة

كيان الشعر جيتك ساريٍ ليلي حنين عتاب

ابي ارقى مراقيك الطويله وارقب اركانك

ابي انسج من حروفك معاني والجروح كتاب

تسولف بردي إ بدونك انا بالحيل بردانك

تسليني معانيّك،، اذا غنيت ياغيّاب

تعال وكرّم الخافق لقاك وزيد بآحسانك

انا عقبك طرب ريشه عزفها بالغلا زرياب

طروب الشعر وطروقه على دانك على دانك

مقام السيك وافنون الجمال وعزفتي والراب

تخلد فيني ابداعك وغنآ الشوق قيفانك

وقبل تبعد عرفت اني بدونك عايشٍ مرتاب

رتابة ضيق حدتني اوصف شوق حرمانك

انا غازي غزيتك والغلا جيشٍ من الاهداب

على رمشك رقيتك حلم زان البدع بلحانك

واغنيلك من الضيقه عيوني والهوى غلاب

حياتي حب يسكني ولدّ الشوف بآعيانك

غلبني حظي العاثر وزاد الوجد بالاحباب

ابي القى من اللهفه معاني ترسم جنانك

كيان الشعر جيتك ساريٍ ليلي حنين عتاب

ابي ارقى مراقيك الطويله وارقب اركانك..

قصيدة عُذرآ أعلم حاسدي
الشاعر: غازي بن عالي غازي بن عالي
#العصر الحديث
#المملكة العربية السعودية
0
45 مشاهدة

ياوقت انا شاعر وحظي خذلني

لا جيت أوصف حالتي كلها طيش

الي عرفته من قبل ماعرفني؟

والي عرفني عايشٍ ب التطانيش

يلعنك ياحظٍ ب جوره نكبني

وانا عليه اقول ي غايتي ليش!!!

ماقلت غايب مير حظي تركني

على رصيف احلام الآيام بخشيش

اكتب شعوري والقسى مايحني

مشاعرٍ تروي يباس المعاطيش

إيه اعترف ماكان تدريه عني

ان الكرامه تعتلي لقمة العيش

عُذرآ أعلم حاسدي لا نظرني

يفهم معاني مابها قول تشويش

دام العلو هو مكسبي والتمني

يحيا شموخ نفوسنا فوق ما نيش

قصيدة شموخ الذات
الشاعر: غازي بن عالي غازي بن عالي
#العصر الحديث
#المملكة العربية السعودية
0
40 مشاهدة

كتبتك يالشعور اللي خلق في داخلي حرمان

لفيتك شوق يا شوق الغلا في عين غاليّه

تعب يا حال من ضيّع هواه وصابه الخذلان

كبر واستوحش الدنيا ضياع وقل واليّه

قسى يا وحدة اللقيا نشف دمي من الشريان

وأنا وصلك على روحي أبد ما ذقت حاليّه

شموخ الذات غناني وغنيته على القيفان

رسمته والمعاني في شموخك يالشماليه

اشاهق بك على القمة أعانق في سماك امزان

تهلّك روحي الثكلى.. وصال وديم وبليّه

تراودني مع الذكرى حنين ب موتت الخلان

قبل م افقد عيون أمي تجيني كل ليليه

وأخطك حرف من همسي اغني للملى طربان

اردد ماضي الذكرى حياتي بك جماليه

أمانه كيف تجرحني.. وتقتل داخلي إنسان

تصور كيف تذبحني.. على صوره خياليه

على الصورة تخط الحلم تهديني حمار ألوان

وجع في لونك الأحمر قسى يا روح مبليّه

عسى ذاك الغياب اللي خذاك ل عالم النسيان

يقفّي بك عن عيوني.. ولا ترجع ابد ليّه

قصيدة ماملّ منهو يرقب الصبح عصفور
الشاعر: غازي بن عالي غازي بن عالي
#العصر الحديث
#المملكة العربية السعودية
0
38 مشاهدة

كلي بلادة حس وشعور مبتور

يكتب على وجه العبور إنكساري

يادولة الاحساس شاعرك مقهور

مابين بايع حلم،، وأحلام شاري!

هذا انا من ضيقتي حيل مجبور

لاصرت أنادي وين.. رد أعتباري!

ماقلت انا من بسمتي حيل مسرور

اضحك وحزني شب بالجوف ناري

يابربروس الذات مابيك معذور

هذا شموخك دفترك واعتذاري..!

اشمخ كما خيرآ على الدين مآمور

ماهيّبه من روم الاشباح طاري!!

سعى بحله والتراحيل طابور

يسعى بها حبٍ ب فعله يماري..!؟

آما انا لا قلت لك واسمع الشور

بلاش تجذبني ل شوف إنتحاري..!!

انا دخيلك من عنا الوقت لاتبور

لا طال لقيا حظ شوف انتصاري..!!

ماملّ منهو يرقب الصبح عصفور

على ورود الأمنظ°يات ب مداري..!

حلمٍ لقى له دور في داخل الزور

ياما رسمته وإهتنى منه جاري!!

اقسم بمن نزل تبارك مع الطور

لولا الأمل ماكان طال انتظاري.!!

صابر مع الي ماخذٍ بالصبر دور

يكتب على الله يقبل الحظ شاري..!!

قصيدة الحظوظ السود
الشاعر: غازي بن عالي غازي بن عالي
#العصر الحديث
#المملكة العربية السعودية
0
23 مشاهدة

يا ضيقتي والجروح شهود

من زود جورك لي أضدادي

عشتك قهر من قديم يزود

في داخلي جمر وقادي

يا ضيقتي وش بقالي زود

لا ضقت صدرت للوادي

الوادي اللي سكنه العود

مات وتركني على سهادي

العام أخايل فرجك يجود

لا تجتنب يوم ميعادي

لا تقول لي جودنا ما جود

ما جاد من جود الأجوادي

حظي اعرفه قليل الفود

ما ذاد لو قلت أنا ذادي

عايش معي من زمان جحود

مقرون فيني بميلادي

يا غربتي والملاذ عدود

يبست رواتك على جهادي

جيتك أسوقك على المردود

واثري على الوهم متهادي

مالي ومال الحظوظ السود

دامي معك صرت أنا الغادي

بغيتها بس لي تجود

وجادت لغيري على الهادي

انشهد إني أنا المقرود

من يوم ما جيت للوادي

قصيدة الحظوظ السود
الشاعر: غازي بن عالي غازي بن عالي
#العصر الحديث
#المملكة العربية السعودية
0
22 مشاهدة

يا ضيقتي والجروح شهود

من زود جورك لي أضدادي

عشتك قهر من قديم يزود

في داخلي جمر وقادي

يا ضيقتي وش بقالي زود

لا ضقت صدرت للوادي

الوادي اللي سكنه العود

مات وتركني على سهادي

العام أخايل فرجك يجود

لا تجتنب يوم ميعادي

لا تقول لي جودنا ما جود

ما جاد من جود الأجوادي

حظي اعرفه قليل الفود

ما ذاد لو قلت أنا ذادي

عايش معي من زمان جحود

مقرون فيني بميلادي

يا غربتي والملاذ عدود

يبست رواتك على جهادي

جيتك أسوقك على المردود

واثري على الوهم متهادي

مالي ومال الحظوظ السود

دامي معك صرت أنا الغادي

بغيتها بس لي تجود

وجادت لغيري على الهادي

انشهد إني أنا المقرود

من يوم ما جيت للوادي