فوق هام السحب ( الشعر الشعبي) على متن القوافي

‏الشوق في وجهي تفاصيله
‏والحزّن فيني لا شعورياً
‏
‏وإذا تعبتي مْن الجفا ليله
‏أنا تعبت أشتاق يومياً

...

قهويتني من صافي الود فنجان
فنجان عيا خاطري لايرده

ساقه يمين اللي من الشوق ولهان
وانا على كيفه وعلى مايوده

...

يشتاق لك قلبـي وتشتـاق عينـي
واوله على همس الشعر من شفاياك

همسك يبدد هاجـس الشـك فينـي
شف وش كثر قلبي على البوح ينخاك

...

‏والله غلاك أكبر من حروف وأقواس
صعب أشرحه صعب أوصفه في مقاله

غلاك فكر وهاجس وروح وأنفاس
غلاك شيءٍ ماتشيله رساله

...

الود ودي في غيابك أنا أجيك
وانثر ورود الشوق وأعلن قدومي

وأعطرك من فيض شعري وأغنيك
وأنسى على شوفتك باقي همومى

...

أضحك وخلك كبـير ودوس أوجاعك
لايستفزك كلام الناس ياقلبـي

أضحك وقل للذي بـيحاول اخضاعك
لن يستطيع يوم أخضاعك سوى ربي

...

مال السكوت بحضرة الحب ميثاق
‏لايخدعـك من قال زيـنك سكـوتـك
‏
‏سولف ترا مغلـيك لا صار مشـتاق
‏وده يضـم مـن الغـلا روح صـوتك

...

الله عليـك شـلون فيني تكــوّنـت
‏سوّيت فيني شي ما كان فينـي

‏ولخاطرك ما أشوف بالناس إلا أنت
‏يا إحساس يكبر كل لحظه بعـيني

...

أعاتبك في صمت وأحبك بصمت
وأشرَه وأنا جفني من الدمع غارق

مابي تفارق لو بكيتك وعاتبت
عمر القلوب الصادقه ماتفارق

...

ما يهز المشــآعر غير شخـصً وحيد
يتبع القلب طيفه في صحاري الظما

المحبه قديمه وانت بعدك جديد
ياقديـم المحبه لـك عـيونـي حما

...