فوق هام السحب ( الشعر الشعبي) على متن القوافي

مرساك صدري لو تضيق المراسي
قلب عطاك الحب من غير منه

ماهمني لو كان لك قلب قاسي
حبك بقلبي فرض ماهو بسنه

...

اشوف الوصل عن بعدك لها في خافقي مقياس
ولولا البعد عن قربك سرايا الوصل ميعادك

كتبت الحرف والمقصود لاشعشع مع الهوجاس
عليها ذكريات بتمرذكر الود وندادك

رساله شوق لاالمشتاق ماهب الهواء نسناس
وماهبت رياح الشوق تتسابق بامجادك

وذلحين كيف يمر البعد لي ماطابها الاحساس
كتبت اسمك على الجدران والتاريخ بميلادك

منقش في صخور اوتادها باالمسطره والماس
وانا اسمي مسمى في برامجها وتعدادك

....

‌‎لاتحسب الشوق في داخلي قل
ولا تحسب الروح تسلا بلياك

ولا تحسب الجوف من حبك مل
عيني فدا عينك وقلبي فداياك

...

‏كـل القصايد جعلها ‎فدوة لك
والشاهد الله ‎كلها يالغلا فيك

دأم ‎الحشا بيتك وصدري ‎محلك
قصايدي مثلي ‎تحبك وتغليك

...

دنىٰ الفجر وعيون المفارق على ماهي
سهيره وفيها من لظىٰ الشوق مافيها

ياعيني علام الحزن فيك غير متناهي
دخيلك دموع الحزن والقهر كُفيها

...

لا تراقب ما أقوله من بعيد
وانت في كل القصايد مقصدي

كان تبغىٰ مني اعطيك الجديد
إقترب مني ويا الدنيا اشـهـدي

إن حُـبك صار يجـري فـ الوريد
من فــؤادي لىٰ دماغي لىٰ يدي

وانك الحُب الحـقيقـي الوحـيد
وان جُرحك لا يزال فينـي نَدي

أيه احبك بس يا الحــظ العنيد
عاشقك ماهو سفيه ولا ردي

...

من عقب ما اعطيتك فؤادي بيدّي
واعطيتك اغلا ما لدىٰ احساس شاعر

لا زلت تحسب غلطتك بيتعدّي
غلطان والله ياعديم المشاعر

دامك تحديت كون قد التحدّي
ما عُدت محبوبي ولا انا بـ شاعر

...

في تمام الثانية فُقت بعد المنتصف
لم يعد للحب والعشق والإحساس مكان

المشاعر يشهد الله ماهي تنوصـف
وان حاولت اختصرها فـهـٰـذا اكبر جنان

كيف أوصف قلب عاشق تعرض للقصف
أعذروني يغني الصـمت عن بوح اللسان

...

‏ودي بشوفك كل مااصبحت وامسيت
ممســاك فـي قلبـي وصبحـك بعينـي

ان قلـت احط بداخـل العيـن لك بيـت
خـايـف يحـول الرمـش بينـك وبينـي

وان قلت احطـك داخـل القلب عييـت
صعبه علي اخفيك عن شـوف عيني

...

يامرتع الذود ماجِفّل ولا هِجّي
‏يطربلها مع هبوب الشرق وصباها

‏لجت ضلوع الخفوق وحبها لجّي
‏لجت على الشرق ودهوره ومضماها

...