فوق هام السحب ( الشعر الشعبي) على متن القوافي

يا روعة اللحظات بيني وبينه
‏غلاه متعدّي الزمن بالمسافات

‏حسه وضحڪاته وصوته وعينه
‏تسوى الحياه بكرها والملذات

...

ياكبر حبك في الضمير ومقامك
‏أبيع لجلك كل مخلوق واشريـك

‏أدمنت حبك والقوافي عشـانك
‏اصوغها من صافي الحب وأهديك

...

الشوق لك شدني يا اغلى مخاليقه
‏وقوافي الشعر تطرب لاتذكرتك

‏بيني وبينك غلاءصادق مواثيقه
‏على الشرف والوفى بالصدق خبرتك

...

بعاملك مثل ما أشوفك تعاملني
‏والشي لازاد عن حده قلب ضده

‏خل الغلا والتكبر عنك واسمعني
‏من طاح من محجر العينين مارده

...

رح مراح اللي من كبار الخطايا معفي
لا تقول اخاف نظرات العرب وألسنها

انت حبك والله انه مثل نقطة ضعفي
حاجةٍ مهما حصل ماني مسولف عنها

...

يامزونً عـلـى لندن كـثـيفه
ليت دربج على يمة وطناا

زين برقج من المنشا رفيفه
من يشاهدك بعيونه تـهنـى

لو خذيتي من الشوق النصيفه
ماقعدتي ثواني دون اهـلنا

...

مما قاله الشعراء في حُب الأجنبيّة :

ضيدان بن قضعان:
والهوى اللي يطرح الرجال في يدين أجنبيه
علةٍ بالجوف لا تبرى ولا يلقى دواها

مطلق بن شويه:
ما يجرح القلب العزيز ويظلمه
الا غرام الأجنبي للأجنبي

فلاح المورقي:
ما طاب جرح اللي هوى بنت الاجناب
لو حبته يظهر من الناس حجّير

اقلعت طيارة الحب واخلاها المطار
الكرامه قدمها والعزوم تسوقها

تجاوزتك ياجرح الكلمه اللي قالها مجروح
تجاوزتك ياكذب الكلمه وياصدق راعيها

مناضيح المواجع تتضح لك في شفيف البوح تبين الوجعه اللي في صميم القلب كانيها

وأنا بين الخطأ والصح ماقررت وين أروح أخاف وخوف الأنفس مايوصلها مشاهيها

أجامل لي عباد مالها في دنيتي مصلوح
أعرف وجيهها وأصواتها وأجهل مباديها

يقولون السحابه في مثانيها البروق تلوح
وأنا أقول السحابه تحمل الما في مثانيها

عساها تنهشم فوق الضلوع اللي تحتها فوح
تطفي نارها ولا تقضقض مابقى فيها

عروش خاويه ماعاد فيها للسعاده روح
سكنها الحزن وأطفى نورها وأمحل بأراضيها

سقى الله يوم كانت تكتفخ فيها حمامة دوح
ترفرف للزهور اللي منابتها مواطيها

تطير الفجر لا غازل نواظرها شعاع الضوح وترجع مع مغيب الشمس قلبي بين أياديها

تقاوم خوفها واليا تحشرج صوتها المملوح
أهدي روعها وأمسح يدي على ثناديها

سمحت من السنين اللي خذتها والخطأ مدموح
ألوم ظروفه ولا أرتجي فرحة لياليها

...

‏مابين شوق الوله وانفاس تغريدك
‏يطيب جو القصيد وينتعش جوه

‏على دروب الوصل تزهر مواعيدك
‏يامرحبا والغلا شبيت لك ضوه

...