اخترنا لكم شعر نبطي وفصيح

باب التلعثم عند لقاء الأحبه:

يغيم سماي إلى تواجهت انا وياه
وحتى الحكي ماعاد ينطق به لساني
- عامر بن نوطان

اجمع له سمان الهرج خوفٍ من التقصير
ولا جيت بشرح له كلامي تهيزلته
- سعد بن جدلان

بلساني الطلق لاشفتك تجي لكه
وانا محنك ليتك تفتهم ليتك
- سالم حمد

متساويه عندي الايام من تالي
ان زانت تزين وان عيت تزين ابرك

.....

البارحه جانا علشان معروف
عقب إنتهى معروفنا ما عرفنــا

ما نلحق المنّه ولا نلحق حسوف
الطيب موقف والجمايل هدفنا

.....

اللي ما تبغي تلاحقها عيون الرجال
تلبس عباية ستر ما هي عباية خصر

لا تظهرين المفاتن والدلع والجمال
وتطالبين الرجال تغض عنك البصر

.....

الاكرام لو تنوش شيٍ ماهو يناش
حدتها عن علومٍ كثيره كرامتها

اعزاز النفوس اللي على الذل ما تعتاش
تموت بشرف ما يرخي الوقت هامتها

خليل بن هدلان

يارفيقي ن يحد السيف ويسله
وكل ماقفاء رفيقه حش عرقوبه

رفقه مالها مذهب ولا مله
يالله العفو والغفران و التوبة

سلطان الهاجري

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

.....

‏كان يتعبني شعوري كلّ مَا أتخيّل يغيب
‏كنت ما خاف ابتعادهً لين صار البعد عاده
‏
‏رغم قربه ما شعرت إنّه بأحاسيسه قريب
‏صار ما يفرق مع الأيام قربه وابتعاده
‏
‏مو ضروري من يعيش بخارج بلاده غريب
‏الغريب أحيان عايش غربته داخل بلاده

.....

أخاف أصارحك عن رغبتي وأندم على التصريح
‏معي موضوع لكن ما معي للحين مفتاحه

‏أدوّر في اللغة عن كلمة تعفيني التوضيح
‏أنا ويّاك عالق بين حد الياس والراحة

‏عذابي معك في حبس الشعور وكثرة التلميح
‏تعبت أكتم شعور أصعب علي من كتمه إفصاحه

.....

‏عليك الله لا تكسر خفوقٍ بالرضا يرجيك
‏ولا تستوطن بقلبي إذا لك مشرق لغيري

‏أمانة و الهوى طفل ٍهرب من جنّته يدعيك
‏يا كيف أشرح وأنا معطي قفاي أخر معاذيري

.....