فوق هام السحب ( الشعر الشعبي) على متن القوافي

العمر أحبك

لليل أحبك .. مابقى في السما نور

والى ضواني الليل .. للصبح أحبك

واللحظة اللي كلها صد وغرور

اشوف قبري بين عينك وقلبك

في صدري اسراجٍ حزين ومكسور

رغم المطر والريح ... شلته افدربك

والله مابه غير لوعاتي قصور

وخوفي عليك الله ربي ..وربك

إلى متى ببني على صمتك جسور

لاحيرتني اسباب سلمك وحربك

العمر احبك... مابقي فينى شعور

ومتى جفاني العمر ... وشلون أحبك


من روائع الامير .. الشاعر ...
بدر بن عبدالمحسن

مساءاتكم خزامى




تشكي وأنا اشكي

//

تقول بي هم وانا اقول بي هم
تشكي وانا اشكي و كل منا له ظروف

محروم انا منها وهي غصب تحرم
لا نبرة تاصل ولا ناظر يشوف


نموت ويبقى حبنا لا يهدم
تعصف بنا الدنيا ونصمد لها وقوف


لو طاح ما اظن الزمان يتندم
حب تعلى فوق ميثاق وحلوف


صرنا رفاقه كلنا بدرب اعتم
يا بنت انا وانتي و الاحزان والخوف


وابله علينا لو مشينل ترزم
درب جمعنا كله رماح وسيوف


فينا عظيم الشوق و الوجد اعظم
تشكي وانا اشكي و الصبر يشعل الجوف


كان الحشي من زود مابه تكلم
لوكان لهموم الهوى شفاف و حروف


"نواف بن فيصل"

ود
@جاهله@

نوال الشمراني
الله درك على هذا الاختيار
حلقتي بنا فوق هام السحب
جميل واجمل وتميز
لاهنتي ربي يسعدك

المشاركة الأصلية كتبت بواسطة الحمدان

نوال الشمراني
الله درك على هذا الاختيار
حلقتي بنا فوق هام السحب
جميل واجمل وتميز
لاهنتي ربي يسعدك

مساكم الله بالخيرات

الحمدان

لله در هذا التواجد العبقّ
كالمصابيح المضيئة-

إثراء راقي - لو أوسعت الرد شكراً ما وفيت
فشكراً لك - هذا التواجد الباهي -

لاهنت
@جاهله@

مع طلوع الشمس :


مع طلوع الشمس واحيان العصير
اسمع اصواته ويسكت بالنهار


كنّه امعاهد فراقه مايصير
مايخاف الا لياشاف الصغار



دائم يغرّد بقربي مايطير
يختبي من بين الاشجارالكبار


وفرّ فوق الغصن كنّه مستذير
ارتفع وابعد وولى بلااعتذار


قلت ياعصفور هذا طبع غير
ماعهدتك ياصديقي بالفرار


جاك مثل الناس وحشية ضمير
بالشدايد رحت مع نفس المسار


سامحه ياخالقي لو كان طير
كان يسعد اغلب اوقاتي وطار-


"نايف العويمري"

ود
@جاهله@

قالوا :


قالوا جماله كامل الحسن وافي
شوفه عسى تكتب قصيده جديده


شفته وقلت الله يعين القوافي
وشلون ابكتب في القصيده قصيده


كل الكلام الزين ماهو بكافي
والشعر وان مانقصه مايزيده


هذا يخلي برد الاشواق دافي
والعمر لوهو راح شوفه يعيده


لعيونه امشي الدرب لوكنت حافي
تحت امر عينه بس يشر بيده


كب الشتى فوقي وشقق لحافي
علمني انه تاج عصره وسيده


الشعر ضاع وقال رمشه عوافي
كنه يقول اسكت وفرصه سعيده



"مساعد الشمراني"

ود
@جاهله@

مساكم الله بالخيرات

ثلاث أيام :

بالغياب امقطع إحساسي معاه
مدري بأرضه ولاأدري ابسماه


احلفت عيني ولا تناظر سواه
وصلي له كيف قلبي ما نساه


قولي اني انتظر لحظة لقاه
غيري متهني وانا اعاني جفاه


خل يسمع بإلي بونوره حكاه
وا عنا قلب المولع وا عناه


"نجلاء آل خليفة"

ود
@جاهله@

ليه غايب ؟!



ليه غايب ؟

ما عرفت إني بدونك

عن عيون الكون غايب !!

ما دريت إن الهوى

لا غبت يسكن؟

حتى روحي في بعادك

مالها في الكون موطن

وين أنا والناس وين ؟؟

صرت انا في غيابك

من عداد الميتين

يا حبيبي

يعجبك صوتي الحزين ؟؟

ما أظنه

يطربك شعري الحزين ؟؟

ما أظنه

طيب ارجع

والله إن البعد موجع !!

شوف وش صار بحبيبك ؟؟

يا حبيبه

دمعه

وونه

وآآه

و(ا)هو عايش في الحياه

بلا حياه

كل هذا

وأنا م الأشواق ذايب

وأنت غايب-


"مرزوق بن فيحان"

ود
@جاهله@

النورس :


نية بياضٍ تعتقه من وثاقه
النورس اللي نتّف الوقت ريشه



قلت: الثقه .. قال: الثقة والصداقة
فترة تحددها ظروف المعيشة !


في تعتعة الأفكار نصف الطلاقة
بلحظة جنون يمرر العقل طيشه


أحيان أنام ويفتح الحلم طاقة
وأقوم والواقع يسكّر دريشة



متعلق في شخص ما له علاقة
وأعيش نفس الواقع اللي يعيشه



ولاّ لقا له ناس تقْطر أناقة
وحطوا على راسه من الكبر ريشة !



"محمد عبدالله الأسمري"

ود
@جاهله@

قالوا لي العبْ قلتْ ماني بلعوب
إلَّا مَزوحٍ عند صافِي الجبينِ(ي)

ألاعبه وأفرح إلـى صرت مغلوب
وأشوف وجهه لي غلبني يزيني

وأطرب على ضحكه وهو حيل طَروب
وأنادِمه في لحظة أحلى سنيني

حبيبي اللي كل ما فيه محبوب
ترخص له الدِّنيا وما كان فيني

اللي يجيني كل ما غاب لهـوب
أونس حرارة لاهبه في كنيني

وكني على غيره من الناس مغصوب
وكن العمر ياقف بليا ظنيني

وأصير بين يدين الأيام مقضوب
والليل يجلد بالسهر موق عيني

يضحك بي الشامت إذا قلت ما أتوب ويحزن صديق العمر مما يجيني

ليته يغطي لوعة العاشق الثوب
وإلا عيوني مـا تبيّن حنيني

وإن كان تعذيب المحبين مكتوب
على عذاب الحب ربي يعيني


الأمير خالد الفيصل