قصائد الدكتور / الشاعر حامد محمد الشمراني 🌴🌾(متجدد)

رحلت عني وصرت بدونك لحالي

يالله تعوضني بشوفه في الجنة

ياابوي يااغلى من الأنفاس وعيالي

من بعدك القلب يشعر فيه ويحنَّه؟

أ.د. حامد الشمراني

الموت حق وكلنا ذايقينه / د.حامد محمد الشمراني💔

الموت حق وكلنا ذايقينه

لكن مااصعب منه لا فرّق احباب

عسى كتاب أبوي ياجي بيمينه

والقاه في الجنة مع كل الاقراب

أ.د.حامد محمد الشمراني💔

الله كم في القلب ياابوي من شوق/للشاعر الدكتور حامد الشمراني💙🙏

الله كم في القلب ياابوي من شوق

لكن ماباليد ياابوي حيلة

الله كم من دمع ياابوي في الموق

ودمعي على فرقاك دايم هليله

وما عاد للدنيا على خاطري ذوق

من بعد موتك نفس حامد عليله

للشاعر/ أ.د.حامد الشمراني

من يتصل ويقول وينك فقدناك

هذا الذي يستاهل انك تحبه

وهذا الذي تنشد يمينه بيمناك

وهذا الذي يستاهل تكون جنبه

وهذا الذي يحزن على وقت فرقاك

وانت الذي تحزن على فقد قربه

أ.د.حامد الشمراني