اخترنا لكم شعر نبطي وفصيح

‏بعض الرفاقه مثل ضرسٍ ملتهب
‏مزعج وعقله فيه رقله وإرتجاج

‏والطبع طبع مسيلمه وأبو لهب
‏وإذابغيته ضاع في وسط العجاج

‏من جرب أيام الدهر بيِض وشهب
‏يعرف قدر خوة مطاليق الحجاج

‏واللي يبيعك نقد في سوق الذهب
‏حرّجِ عليه بدين في سوق الدجاج

.....

‏ترى القبول من الله الله يسامحك
‏ليش الزعل والنفس صلفه وعزما

‏يعني تبا العالم تحبك وتمدحك
‏ونّفيستك في راس خشمك وتزما

‏عاد انت سو اللي تشوفه يريحك
‏دامك تقول ان كل خشم ٍ يخزما

‏تبيني اصارحك ؟ عااادي باصارحك
‏عندك شعر لكن ما عندك كاريزما

.....

والله ان صدري معافى وخفاقي نظيف
لو أشوف الحزن في عين حسادي زعلت

اقبل بوجهٍ يشرف ومنطوقٍ عفيف
ولا لقيت اللي ينقص من حضوري رحلت

.....

‏مسائكم رحمة المولـى وغـفـرانه
‏وعطفه ولطـفه وتوفيـقه وتيسيره

‏وستره وصفحه ومغفرته ورضوانه
‏والعفو والعافية والخـــير والخيرة

.....

‏الله يجيب اللي تصب الوبل وتعم البلاد
‏دهم المزون اللي تفرا بالقراح جيوبها

‏وسميةً ترخي همايلها على وجه الحماد
‏مثل هميل اللي تنكس بالحياض غروبها

آمين

‏ما فات مات وكل مطرود ملحوق
‏والصمت قبر ٍللمواجـــع والاحزان

‏والصبر مفتاح الفرج لا حصل عوق
‏والــرزق ربي يكتبه طـــول الازمان

.....

‏إتّبع نهج الصراط المستقيم
‏وإستعن باللي يعين ويعتني

‏لا تخاف الجوع يا عبدالكريم
‏ولا تخاف الفقـر يا عبدالغني

.....

خوّة الوافي تراهـا أكبـر تجـاره
‏وخوّة الهافي تراها أكبرفشيله

‏جعل راسٍ ماتجي وسطه نعاره
‏تصدمة لا عارض الشارع تريله

.....

‏يالله معاي نودع الليله الصيف
‏ونستقبل بفرحة سهيل اليماني
‏
‏نبي نغني فوق روس المشاريف
‏ترى الشتآ له فرحه وشكل ثاني

.....

امسينـا بامرك يا عزيز الجلالي
‏يا من مفـاتيح المقـادير بيـديه

‏احفظنا واحفظ لاجلنا كل غالي
‏واكتب لنــا كل ما نحبّه ونرجيه

.....