فوق هام السحب ( الشعر الشعبي) على متن القوافي

استر عيوب الناس تستر عيوبك
يا اللـي لسانك للمخاليق فضّاح

واترك ذنوب الخلق وانظر ذنوبك
ترى الزمن دوّار والسّر ينباح

...

الناس يابن الناس اشكال والوان
مايستوو في طبعهم والفصيله

احيان تلقا شخص عاقل وفهمان
واحيان تلقا شخص طبعه هبيله

انسان تلقا فيه طيبه واحسان
وانسان تافه ويعشق الرذيله

رجال حطه فوق راسك والاعيان
والبعض حطه في شوارع شميله

عند النوايب للرجاجيل ميزان
توزن بها كل الرجال فى القبيله

رجال يوزن بالذهب فوق الاطنان
والبعض ميزانه كما الزنجبيله

سايرت كل الناس والخافي ابتان
وابتانو اهل الجود واهل الرذيله

ماكنت متعلم ولا كنت فهمان
بس الزمان علمني اشيا جميله

من يرتضي بالهون يبقا كما كان
بين المهانه ما ترفع قليله

العز يبقاء للرجاجيل عنوان
عز القبيلي من رجال القبيله

...

بالعرف نتعرف ونعــرف من عـــرف
للمعرفه مصـــحف ومافـــيها خلاف

نصطف ونتكاتف إذا شـــــب النكف
والقبيله مصـرف من اتقبيل وطاف

نعتز ونشــــرف مع الناس الشـــرف
للمرجله مشرف ومن شـرف مخاف

واللي خلف وارجف من العز انتسف
والمنــذله تلقف من اتخـــــلف يعاف

ياويل من خـــــرف وبالفــسله هتف
يخسف ويتغلف بافــعال الضــــعاف

ماله مكــان اريف ولا طرف طـــرف
منفي كما المكلف من القوم الشراف

...

حكم القدر ماشي علا الكل ماشي
والكل للمكتوب لابد يلقاه

والحض ما ياتي نفاق وتراشي
من عزه الرحمن فالناس رقّاه

كم من فقير الأمس لازال ناشي
واليوم ناشط فوق ماحد تعداه

وكم من غني مغرور كاذب ولاشي
ورده ذبل مهما من الماء سقّاه

غره زمانه في نعيم وتماشي
حتى تناسى من له المال واغناه

ضن الخلايق عنده مواشي
ينذل راعي الفقر عنده اذا جاه

بالمختصر ياللي بغيتو نقاشي
الصدق والاخلاص للعبد منجاه

دنيا دنيه ما تساوي ولا شي
وياويل من يغتر في عز دنياه

...

‏ليت المواجـع تبتعــــد عــن طريقي
وليت المأسي ماتجيني مــن الساس

وليت الملل واليـاس ماهـــو رفيقي
وليت الزهـق ماحـل قلبي والانفاس

وليت الامل يملا الشعــور العميقي
وليت الفرح يملاخفوقي والاحساس

وليت ان حظـي ما تعلـــق بضيقي
وليت ان قلبي ماعرف لحظةالياس

...

البُنُّ في عينيكِ يغلبُ قهوتي
‏لاتحرميني لذة الفنجانِ

‏عربيةٌ تلك العيون أليمةٌ
‏جمعتْ مذاق البُنّ والهذيان

‏تحكي عن التاريخ تروي قصةً
‏عن أُسْدِ ذي قارٍ بَني شيْبانِ

‏كِسرى يغادر مِن رموشك هارباً
‏والعُرْبُ تكسر راية الطغيانِ

‏ويطول ليلي والعيون تروح بي
‏ ما بين سحر العين والإدمان

...

اقــرب اشـــوفك يامكحل عيونك
واضمن نجــاك من كل زله ضمانه

تـعـال مـــالـــي روح تحيى بدونك
يامن خــذيت في قلبي اعلا مكانه

اظهر معي في الوصل كامل فنونك
مــادام روحـــك في حياتي مصانه

...

‏يالله بصبحٍ يجتمع فيه ثنتين
سترك وعفوك ياكريم العطايا

وانك تثبتنا على منهج الدين
والرابعه تمحي جميع الخطايا

صباح الخير والعافيه

على اللي يصبح كل يوم بصباح الخير
صباحك صباح النور ياسيد احبابي

صباح الغلا والحب والشوق والتقدير
مع اجمل تحياتي ولك خالص اعجابي

...

قالت أحــــبك قلت أبغـى دلايل
لـ اني بـ حبك صرت يازين مجـنون

قالت ههه انتم فـ الخــــداع الأوايل
دايم تســوّوَا عكس ما انتم تقولون

قلت اعرف اعرف أيه بس القلايل
من كــــيدكن في كل وادي يهـيمون

لـولا البـنات الفـاتـنـات الأصـــايل
ماصار سلطان شاعر ولاقيس مجنون

...