فوق هام السحب ( الشعر الشعبي) على متن القوافي

‏ماهمني كم شخص عندي يتابع
والله ولو خمسه تراهم يكفون

يعجبهم احساسٍ من القلب نابع
واهدي لهم شعرٍ له سنين مدفون

بقلمي

‏اشتقت لك واللي خلق حلو الاحساس
يامشغل قلبي ورحي وعيني

حبي لك اكبر من هوى الناس للناس
تبعد تقرب انت موجود فيني

...

‏هذي هي الدنيا تجارب على الدوم
تعطي دروس وقيمة الدرس فكره

إن كان درس الامس مافادك اليوم
لايكثر عتابك على حال بكره

...

‏من يريدك عن درووبه لاتميل
‏ومن يشوف إنك خسارة إخسره

‏ولا تجادل من طرق باب الرحيل
‏إبتسم له وفي رحيله إشكره

...

يسعد صباح من شابه الورد خده
في ملمسه في صورته في عبيره

ويسعد صباح من شابه الغصن قده
في قامته في هامته في اثيره

...

‏أجمل صباحات المحبه والغرام
لاطلعت شمس الصباح وحلتك

اول صباح الخير منك والسلام
وأرد لك بالخير يسعد طلتك

...

‏ما قلتلك انك عن الباقين غير
‏وفي شوفتك معنى ملذات الحياه

‏يا مٌلهمي يا سيد الحب الكبير
‏يا أوّله يا أصدقه يا مُنتهاه


...

أنأ أنكسر من واهج الشوق بدري
وهموم صدري يعتريها سكوتك

من تتصل وانا أبتسم ليه مدري
كيف إرتبط حس السعاده بصوتك

...

يرضيني اني عشت وافي ولا برت
واعلنت بالهرج الصريح انطباعي

زاد النفاق الاجتماعي وانا صرت
ما عاد احب أصير شخص اجتماعي

...

‏اللي فقدني في غيابي فديته
واللي نساني جعل دربه تساهيل

واللي تجاهلـني وانـا ماجفيته
ماعاد له في وسط قلبي مساهيل

...