ديوان قصائد لشعراء المملكة العربية السعودية (متجدد)☘️☘️

قصيدة يا ملاك الغيد
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
585 مشاهدة

مرحباً يا ملاك الغيد عين الفريد

يا سحابة ربيعٍ ضمي سيلها

مرحباً بالعيون اللي غلاها جديد

كن ربي على شأنه خلقني لها

في خفوقي غلاً لك كل يومٍ يزيد

شوفك العين غنت به مواويلها

كن الأحرار عندك يا حبيبي عبيد

يا قمر غابت النجمة وخذ ليلها

الله اللي عطاك الزين خدٍ وجيد

مع عيونٍ تطارد فوقهم خيلها

وعاتقٍ فيه من دم الحيا بالوريد

وخصلةٍ كفك اللي عبد تدليلها

جامع الزين كله يا حبيبٍ وحيد

في خفوقٍ حياته منك يا ويلها

يا فريد الجمال إن كان تبغى الأكيد

المحبة لك أنت افرح وأنا شيلها

وقل لعينك تمشيني على ما تريد

خلها تكتحل بي يوم أنا ميلها

قصيدة علمني الوقت
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
440 مشاهدة

علمني الوقت رفع الرأس والهامه

لا.. ما أشرب الحب ذل وينحني رأسي

نفسي على العز عزامة وجزامه

لا خير بالعشره اللي مالها ساسي

كلٍ يشوف الردا والطيب قدامه

وأنا لدرب الردا ما دق هوجاسي

واللي رضا بالردا لو طالت أيامه

وقته ولو عاش وإلا مات متواسي

ياقف ويحتار بأحلامه وبأوهامه

ومن الفخر والمعزة يقطع اليأسي

ليلٍ ينامه مريح البال ما نامه

هموم قلبي تجيه أخماس وأسداسي

واللي على غير حاجة يحفي أقدامه

يتعب وعقب التعب يبشر بالأقلاسي

واللي لدرب الشهامة يكرب حزامه

أحب طاريه وأغلى رأسه القاسي

ترى الظلايم تجي للحظ هدامه

ومعناي موجود في ناسٍ من الناسي

قصيدة غريب الحب
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
425 مشاهدة

عذِّبْ رعاك الله يا سمح الأقبال

ربي على كف الغلا لك وضعني

إن رحت بثياب الجفا البيض تختال

رحب الفضا اللِّي واسعٍ ما وسعني

غريب حب وشفت أنا منك الأهوال

همٍّ ينّزلني وهمٍّ رفعني

بعدك يضر الحال ويضَيِّقْ البال

وقربك أبد طول الدهر ما نفعني

أتبعك راحل يا حبيبي ونزّال

حبٍ يريضني وحبٍ دفعني

معك أنت درب الصبر يا صاحبي طال

حظٍ يقربني وحظٍ منعني

راح العمر بين التصدِّدْ والإقبال

ومدري وش اللِّي يا هوى البال تعني!

طب لي تطيب الحال يا طيِّبْ الفال

والاّ تكرّم حب غيري ودعني

أما استدار الوقت من حال لى حالّ

الاّ شريتك كل ما قلت بعني

أسقيت من مرْ الصبر زهر الأمال

والحظ بك يا صاحبي ما جمعني

وقّفْتني في حدْ شمسٍ من اظلال

عصيتني قبل أمس وتقول طعني

ما والله أسمع شور ناصح وعذّال

وأنا إن شكيت الحب محدٍ سمعني

قصيدة لا تناديني
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
412 مشاهدة

لا تناديني وصوتك ما اسمعه

ولا تعلّقْنِيْ على وهم وخيال

انتهينا من غرامٍ مطمعه

شوفةٍ ميعادها راس الهلال

أوّل أفاخر بحبك وأرفعه

وافرح بطرياك إلى جابوا مجال

وأحسد اللِّي دايمٍ تجلس معه

بين عطفك يا حبيبي والدلال

الرجا حبل المواصل تقطعه

عنك قلبي بالهوى يازين مال

ما مضى لي في هواك مودّعه

لا تقول أرجوك لاطال المطال

عايفك قلبي وكيف أقوى أمنعه

رح وأنا باروح يا ولد الحلال

قصيدة المجاريح
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
411 مشاهدة

ياعينها ماترحمين المجاريح

اللِّي مشاعرهم غرامك جرحها

ويا شعرها لا تنثني لي مع الريح

صورتك طول فراقنا مامسحها

ويا جيدها المنتوق لا تغري مريح

عينه قبل شوفتك صدّ ونصحها

وياقدّها خفِّفْ تثنيك لا اصيح

صيحة نفوس لوِّعت في فرحها

رمشك يلمِّحْ لي بالآمال تلميح

والياس نفسي قبل اشوفك ذبحها

صحيح لو جابوا جميع المماليح

انوارهم نورك بلمحه نضحها

حبّك برق لي مثل مزن المراويح

اللِّي مزونه عقب برقه طرحها

أرجي عسى لي من هواكم مصاليح

يقوله اللِّي لك حياته منحها

سبحت ببحورٍ غدت بالسوابيح

مجنون ليلى قبلنا ماسبحها

قصيدة ياغاية الروح
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
406 مشاهدة

يا غاية الروح طول الصبر مليته

راحت طراة العمر والصبر يطويني

عليك هم الليال السود خاويته

في غربة الحب همك ما برح عيني

الهاجس اللي يجي بك طيف حبيته

عن حرة الشوق والضيقة يواسيني

أسرفت في جرح قلبي من توليته

تبعدني اليوم من كيفك وتدنيني

عليه ما تدري إنك جرت وأخطيته

وأصغر خطاياك يومك ما تداويني

والموت لا غبت عن عيني تمنيته

كله علشان شوفك شوف يحييني

فنجال همك على شانك تقهويته

متى متى بالوصل تقدر تقهويني

يا ما من الهم والغربال قاسيته

على أمل تجبر الخاطر وترضيني

عنك العزا ما يعزي لو تعزيته

عزاي ودي مثل ما أغليك تغليني

خذيت سلم الهوى وراك ما أديته

منك أشتكي لك عليك وما تشكيني

قصيدة الجمره
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
375 مشاهدة

من يلمس الجمرة الحمرا كلت كفه

وش يطفي الجمرة اللي داخل فؤادي

جرحك بي العام يا حلو النبا وفه

واجرح مثل جرح سيلٍ يجرح الوادي

حنان عينك يفوح ورجح الكفه

وأنا موازين حبي شوقها زادي

الشوق ولع بروحي واشتعل طفه

ما همنا هرج حسادك وحسادي

أرجوك بعض العتب يا صاحبي خفه

إلا عن الخافق اللي صاح وينادي

يا حي ذا الشوف أقول وأطلق الشفه

تفوح ورده.. غلاها عنبر وكادي

زودٍ على زينك اللي فايقٍ عفه

نجمك جديد وتوه بالسما بادي

أنا حبيبٍ لحبك مطلقٍ شفه

حبك بشرع المحبة شيّخ مرادي

قصيدة متولع برضاك
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
317 مشاهدة

.

ما غير أدور ما يسرك ويرضيك

متولعٍ برضاك ورضاك كايد

يا فاتني طالت مسافة تماديك

جورك طغا وأنا بيّ الشوق زايد

سر اهتمامي فيك ماهوب خافيك

عَلمك قلبك قبل تقرا القصايد

قصايدي نبضات قلبٍ يناجيك

متعودٍ من رمش عينك عوايد

عوايدٍ عنها قبل عام ناهيك

أقول صد إلين تطفي الوقايد

لا تجرح رماح الهدب قلب مغليك

ما به مكانٍ للجروح الجدايد

تعرف غلاك ومقصدك من تعلّيك

تبيني أسلا عن قريبٍ ونايد

قصيدة جيش الشعر
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
266 مشاهدة

هذا الورق من حربة الحبر خايف
ويحفظ لها ما تستبيحه من البوق
أجرَّح المعنى بحدّ الرهايف
لحدّ القلم فالبوح غارات وفتوق
وجيش الشعر تومي عليه السفايف
ومطرود غايات الرجاجيل ملحوق
أركب على شقر المهار العسايف
وانطح وجيه القوم سابق ومسبوق
وأردّ فارس لهفة الروح عايف
واكتب على كل الزهر زاهي الشوق
نجدي وفي وجهي سمار النوايف
وفي كفَّي أنهار الرمل نفد وعروق
وأنا وما ينبت ترابه ولايف
متخاشرينٍ بالنخل ظل وعذوق
وروضٍ على ماترغب النفس رايف
أركز به المشعاب وأرعى به النوق
والنفس تبري بالزهور الحسايف
ما تقطف إلاّ رأس مختال زملوق

قصيدة عظيم الشوق
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
355 مشاهدة

تعطيني الود وإلا تاخذه مني
يبلغك قلبي المقفي تحياته
اليوم يا صاحبي رد الخبر عني
ما يرخص الغالي إلا كثر غلطاته
جارت علي الليالي وأخلفت ظني
والحب ما عوض الرجال ما فاته
ادعي شفوفٍ تجيب ارضاك ما جني
شاحت عن الغالي اللي شفت زلاته
حمامة الحب فوق النايفه غني
في وادي تطرب الأسماع جاراته
قصايدي يوم مات الحب ينعني
في مقبل الوقت يالغالي سلاماته
ياللي برمح الغلا تسطي وتطعني
وأنا معك خافقي محبوس غاياته
تبي الحقيقة عظيم الشوق ما أوهني
اليوم ساوت حسان الحب سياته
أببتعد عنك قدر اليوم ما أمكني
ما هوب عيبٍ يعاف القلب مشهاته
بغيت عنك العزاء مرة وردني
مشاعرٍ نصرها يلفح براياته
العام وإلا يجن اليوم ينهني
عن حبك اللي جروحي من نهاياته
لك ذكرياتٍ جميلة يوم مرني
ما وسعت خاطرٍ تسعى لمرضاته
واليوم لولا المودة ما ضحك سني
وما شن قلبي على فرقاك غاراته
ونوازع الطيف ماجني وزارني
في وحدتي تهدي الخافق مسراته
هذا وأنا خافقي للحب ما حني
قلبٍ بعد به مكان يحب هيهاته