اخترنا لكم شعر نبطي وفصيح

في عزة النفس خلك سيد الساده
وحاول تقيس المسافات او تقربها

خل الثقه وإحترام الذات لك عاده
ماتمشي الساعه إلا بأمر صاحبها

.....

‏تعاملك خلـه عـلى قـد الـعـقول
ترا عـقـول الـنـاس ماخلقت سوا

احذر من الطلعات واحذر بالنزول
والصمت يدفـع شـر والحكمة دوا

.....

‏كرامتك هي مملكتك وحدودك
وأنت الذي تصنع لنفسك مهابه

ومن لا يقدر في حياته وجودك
لا تقدره فـي حضـرته وبغيـابه

.....

كلن يشوف الـنـاس بعيون طبعه
وانا اشوف الـنـاس بعيون طبعي

نسخت طبع الطيب مليون طبعه
وحسيت كل الناس بالطيب ربعي

.....

يا فاقدين أحبابكم وش تسوون
لا مدت الذكرى الحزينة يديها

كيف انتجاوز حزننا ما تعرفون
بعض الطواري موجعة ما نبيها

دايم على بال المواجع يمرون
ما فيه ضحكة ما لهم صوت فيها

ياليتهم عن ضيقة الفقد يدرون
ودروبهم وشلون دايم نجيها

من كثر ما صاروا على البال يطرون
حتى خطاياهم ولهنا عليها

.....

ان كنت رايق قالو الناس فاضي
وان كنت ضايق قالو الناس حساس

احيان ودك تترك الناس ماضي
واحيان تجبرك المصايب على الناس

.....

ابتسم للناس واضحك للحياه
لو تضيق اليوم قل بكره تزين

اعرف ان الله وحده لا سواه
قادر انه يبهج الصدر الحزين

.....

الزمن دوار والدنيا عوافي
والليالي العوج ترجع مستويه

الزمن لا دار يظهر كل خافي
يكشف المخفي ولو طول شويه

.....

‏يا محسن الظن لا تندم على طيبك
‏طيب النوايا فضيلة لا تخليها

.....

‏يا رب أنا عبدك وفي قلبي خشوع
‏والتجي بك كل ما ضاقت وساع السبل

‏كيف يلحقني من الوقت والأيام روع
‏وأنت مداتك سحابة وفزعاتك وبل

.....