اخترنا لكم شعر نبطي وفصيح

لاتنشد الناس عن سبة تقاطعنا
الحمدلله يوم اغناك واغناني

وقت مضى كانت الحاجه تجمعنا
واليوم كل شبع واقفى عن الثاني

.....

‏المساء دونك ظلام ودنيتي دونك ظلام
‏وش ودي في حياة بدون شوفك مظلمه

‏والله لا راحة في اغيابك ولا عيش السلام
‏خاف ربك في محبك لآ تجور وتظلمه

‏وانته اكبر من بيوت الشعر وعتاب الكلام
‏والذي لك وسط قلبي أدري انك تعلمه

.....

ما تغانمت الفرص لكن تغانمت السنين
‏يوم شفت ان المحبّة موذيه جنبتها

‏من هقى بي هقوةٍ شينه مع الوقت بتزين
‏ومن هقى بي هقوةٍ زينة فلا خيّبتها

.....

تبعتك بالهوى و أسرفت في حبك ولا لي رأي
‏لقيتك وأشرقت شمس المحبة حزة غروبي

‏معك ما همني اللي راح من عمري ولا اللي جاي
‏أحبك كثر ما العذال قالوا بك وقالوا بي

‏طلبت من الحياة أشياء كثير وصرت كل أشياي
‏وش أبغى من الحياة أكثر من إنك صرت محبوبي

.....

وآلّله ما مثـل آلتـوكـل على آلّله
يملآ لك آلدنيـآ سـعاده و توفيق

وآللـي يردد دآيـم آستغفر آللـه
تلقآه ما يدري عن آلهم وآلضيق

.....

‏ما تركته في حدود الممكنه والمستحيله
‏كنت اداري خاطره لو خاطره مدري علامه
‏
‏وكنت اوقّف له على ساق وقدم في كل ليله
‏لين اعدّلها عقب ما وهيب ميله واستقامه
‏
‏إن ثقل همه على مَتْنه فانا اول من يشيله
‏وان تمادى بالسهر ليله فانا آخر من ينامه

.....

جليس البال لو ما أنت بقريب العين والجلّاس
‏عزيزات الطواري كل ليل تمرّ قدّامي

‏قريب العام وأنت أكثر حديث الشعر والهوجاس
‏تمرّ الذاكرة أعذب من المّا في فمَ الضامي

‏تشرّدني مخايل ضحكتك لي عن عيون الناس
‏وأنا أكثر شخص فالدنيا شرودي رحلة آلامي

.....

الكلمه الطيبه للود عماره
مودتك في صدور الخلق تبنيها

والكلمه الضايعه للناس نفاره
ما فيه احد يستلذ لقرب راعيها

خليل بن هدلان

تدري اني رغم طعنات سكينك شجاع
‏الهوان وذل الأنفس حشى ماهوب لي

‏كل يوم اقول يمكن ماتدري واندفاع
‏بس مصّخت المحبه وعشرتنا شويّ

‏لك علي ان مر طاريك حسن الاستماع
‏مستحيل اكل لحم صدك وطاريك نيّ

‏دام في عينك يهون الغلا ويوم الودااع
‏هذا وجهي كان جيتك ومشروهك علي

.....

‏لا ترخص الدمعة وأنا منّك وفيك
‏لا ضاق صدري من سواياك من ليّ

‏مكتوب أحبّك وأتحفّى طواريك
‏لو كان لك طبعٍ ماهو جايزٍ لي

.....