اخترنا لكم

كثرت اشغالي ما اشغلتني عنّك
دايم على بالي حاضر وموجود

مانسيتك قط يامعذب محبينّك
كيف بنساك وانت بالقلب مولود

.....

يا إلهي لا تدع قلبي رهين ذنوبي
‏ولا تذرني فرد بين العالم المنجنه

‏ولا تكلني نفسي اللي ماتدل دروبي
‏كل ما ارشدها لدرب الرشد صدّت عنه

‏إلطف بحالي لا حط ابليس دوبه دوبي
‏ياما صدقته و انا اكثر من تعوذ منه

‏لو اقصر بالفروض ولو اطوّل ثوبي
‏ان نسيت النار عمري مانسيت الجنه

بقلمي

‏يا حاملَ الهَمِّ إنَّ الهَمَّ قَتَّالُ
‏الدارُ فانيةٌ والركبُ رَحَّالُ

‏غداً سترحلُ عنْ دنياك تتركها
‏فليسَ في القبرِ لا أهلٌ ولا مالُ

‏فوِّضْ أموركَ للرحمن في ثقةٍ
‏فلمْ تخبْ عندَ ربِّ العرْش آمالُ

.....

وأنت الذي تطري علي كل ساعة
اليا طرا زولك علي قلت لبيــه

.....

إن احتواك الشوق والا احتويتك
خذ ناظر عيوني على كيف ماجاك


وإن ما كفاك القلب روحي عطيتك
يفداك قلبن قلبه الروح تفداك

.....

بعد الوصل صارت قليله مساعيك
والروح صارت ضيقه ومغبونه

مانيب والله ياول الحب ناسيك
حتى لو ان البعد تجرح طعونه

أغليك بحضورك وبغيابك أغليك
حبك بقلبي يشهد الله لصونه

....

أنت قلبي وانت شريان الوريد
في جمالك شفت كوني ياحلاه

انت حبي وانت أسباب القصيد
وانت نور القلب لاشع بدجاه

ياحبيبي أنت سعدي والوعيد
كيف أنسى قلب حبي مانساه

.....

روحي على فكــــره تحبـك وتهواك
والروح بك يا بعد روحــي شغوفه

ترتاح روحـــي لك وتفرح بملقاك
وتَسعد وربــــي يوم زولك تشوفه

سرقت روحــي لعنبـو من تعداك
علقتهــا بك وكـل شخــصٍ تعوفه

تفداك روحي ياغـلا الروح تفداك
وتموت بك عن جد ماهـي بروفه

.....

روفي على قلبٍ من الصد موجوع
نبضه ضعيفٍ والظمأ في عروقه

تشويه نارٍ بين ريتين وضلوع
كلما أبتعدتي عنه يزداد شوقه

أنام وأصحى بين آهات ودموع
وبالحلق غصة من حنيني تسوقه

وآثار دمعي صار في الخد مطبوع
من طول ما أمسى يسكب الدمع فوقه

يا صويحبي قلبي من الجوف منزوع
يكفيك قسوة إعطه أبسط حقوقه

جسمي نحل كني من الزاد مقطوع
وإن جاه زاده ما أستطاع إن يذوقه

أبغى وصالك قلت يا زين ممنوع
هجرت خلك ظلم منك وبوقة

عزي لعاشق صاحبه نادر النوع
شهد النحل في جبح ممنوع ذوقه

يبغى وصاله حسب عادات وشروع
عسى بوصله تنطفي نار شوقه

.....

هبايب البرد ما مرت مرور الكرام
شحت علي خيرها وأرهت شرها

الليله اللي سماها ممتلي بالغمام
الله يستر لا يكشف هاجسي سرها

أطالع البدر وأغني لبدر التمام
ولا وعيت بعيوني غير في صورها

معشوقتي والكلام اللي عليه الكلام ،
طعم الحلا فالمحبه ذاب في مرها

.....