فوق هام السحب ( الشعر الشعبي) على متن القوافي

أحمد الله مابقالي على الدنيا حسوف
الفرح يلقى شكر والحزن دفعة بلا

الليّالي علمتني وأنا طبعي عيوف
أرتجي ربّ الملا ماترجّيت الملا

والله إني ما تضيعف مع الناس الضعوف
أقفي ليا صار مالي لاقبول ولا غلا

...

الغيم مايحزن على موت الأشجار
والشمس تشرق لي وتشرق لـ غيري

والناس تتزاحم على شرب الأنهار
وانا مكفيني عن الناس بيري

ويوم الطيور تهاجر وتقطع إبحار
انا مبرقع داخل الصدر طيري

ماني لكل مضيّع دياره ديار
ولاهو ضروري كلِ يذوق خيري

انا فدى اللي ينتظرني على نار
ان غبت عنه مايعوضه غيري

...

ياراع الوساع السود يا ناسع الخمري
علي الحرام اني على شوفتك ضامي

خصال الجمال اليوسفيه يغلب امري
عذاب ٍعلى من حج لله ومن صامي

يا راسي ويا صلب عضامي وياعمري
يجيني بلا لاشفت صورتْك قدامي

اشوف الحياه اللي يغني لها القمري
على حاجبيك السود في دمك الشامي

...

مواري غلاك تبين ف عيوني الثنتين
وانا ودي اخفيها عن الناس واكتمها

ابعطيك نُبذه ممكن اتفيدك لـبعدين
قبل لا يغشاها الشوق والبعد ياسمها

مدامي اشوفك شي فارق عن الثانين
دروس الوفا والحب حاول تعلمها

بعيداً عن التغيير ياقبلة الحييّن
هنا اجمل محطاتك وحقي ارممها

...

ياليت الزمن يرجع معي يوم كنت صغير
الأحلام محدوده والايام تقزيره

ماكنت أتضايق ضيقه اللي غدا له طير
في جو خلا موحش ولا حولهم ديره

على اللي تعبت انسى غلاه وتعبت اسير
على جرته من يوم قفت مظاهيره

حداني على شينين بالموت بالتهجير
بعد كنت في بيت الغلا اغلى مساييره

...

اكبر خطا واكثر غباء فـ المحبه
انك تحب انسان قد جربّ الحب

اما قعدت تشكّ فـ اللي يحبه
واﻻ اعترف لك عاد ذي مالها طب

...

ماعاد لي خاطر ولا عاد لي نفس
ولا قمت أدور وصل من لا يجيني

من قرب بخطوه أقرب له بخمس
و من هو تغير عمد لا يحتريني

...

أنا وعمري وكل وجهاتي فدى
لـ عيونك من أول هدب لاخر هدب

أسهل من غيابك ومن طول المدى
جرحً ينوش الكبد بالسيف الحدب

وشلون اصد أي والله إن مالي جدى
كلك نظر كلك خجل كلك ادب

...

رحت انا ويا الهواجيس في روح وتعال
القوافي شيّبت والنصوص مقوله

كل ما لديت فالنايفات من الجبال
شفت جرة شرهتي طالعه ومحوّله

...

التمادي كسر خاطر والوقوف اجباري
والرجوع ارخص ثمن من عمري اللي سقته

وانت ماعادك بالاول وانا قدني داري
حتى عطرك لو يسولف عنك ماصدقته

ياجديد الشعر والا ياقديم اخباري
لايموت الحب خل الحب ياخذ وقته

بري حالي منك مدري وش يجيب الطاري
وانت حلمٍ لاعتق روحي ولا حققته

...