اخترنا لكم شعر نبطي وفصيح

رميت الاحلام في وجه الزمان البخيل
‏وعزيت نفسي وعز النفس عصيانها

‏وعن الحضور المهمش مرحبا يالرحيل
‏ما دام تحفظ كرامة نفسي وشانها

.....

‏إستعذت من الدروب اللي نهايتها حسافة
‏قبل ترميني ملذات الزمن في جوف غبة

‏شيمة الانسان ميزان اعتداله وانحرافه
‏تنذره لا شافت الاوضاع ما هي مستتبه

‏إن عجزت إنك ترد النفس عن شيٍ تعافه
‏ماقدرت تحط نفسك فالمكان اللي تحبه

.....

الي يقـــدر قيمتك يرفعـك فوق
وإذا تكدر خاطرك جاك يرضيك

يسقيك من عذب السواليف والشوق
مهما حصل في دنيتك ما يخليك

.....

‏ليش البشـر صارو غريبيـن الاطوار
وصـارو ابو وجهيــن مخلـص وبايق

من كثرهــم مقـدرت اميز بالانظار
ولااقدرت افرق بين كاذب وصادق

حتى الصديق اللي أعـــده للاخطار
واللي أضنه للصحـب شخص لايق

يتقـــــن ويتفنــن بتمثيــل الادوار
وفي طلتي صــادق وخلفـي منافق

.....

معي زهد المعري مامعي صوفية الحلاج
‏وروحً فيك ماهي عن كلام الناس نشاده

‏اذوق من الهوى ماذاقت الكوفه من الحجاج
‏وش يعالج لواعج لهفتي والليل وسهاده

‏ياسمار المساء ملحه حديث الكاعب المغناج
‏رهيفات السوالف تاخذ الملهوف لمراده

.....

‏ياللي تزعلّك المواعيد وتراضيك الصدوف
‏وش يرضي اللي جاته الحاجه بعد ما عافها ؟

‏لا تبتئس لا خانك الواقع وعادّتك الظروف
‏الناس من عاشر رماديها ظلم شفّافها

.....

تمرّك ذكريات العام نوقٍ شدها المسراح
‏وأمرك ليلةٍ تتعب رجولي من مساريها

‏غريبٍ ما لمح وجهك وجيه وطبعه اللمّاح
‏خذا كف القصايد لين سلّم لك نواصيها

.....

قل للسنين اللي تراهني على كسرة عصاي
‏ضربت الأرض لين ثوّرت الغبار من الصدور

‏أنا على ما تشتهي نفسي و وين ألقى هواي
‏محدٍ يحرك وجهة شراعي على السبع البحور

‏ليا رضيت أطيّر الحاجة وأوصلها سماي
‏وليا زعلت أخلي الحاجة دبورٍ في دبور

.....

يا فتّاك اللواحظ كيف تطعني بدون يدين
‏أنا ما كنت أعرف ان العيون السود قتّاله

‏عليك الله وأمانه من طعوني لين يوم الدين
‏مشاريهي قصايد والقصايد فيك مختاله

‏توادعنا وفي خاطرك علم وفي رقبتي دين
‏وتواجهنا وروحي ذايبه وخطاك ميّاله

.....

‏حنّيتك من العتب يوم ان بعض العتاب
‏اقطع من السيف واصدق من دموع اليتيم

‏اهديت لك ورد و اهديتيني اخطر صواب
‏محدٍ رمى الورد غير انتي و عبدالحليم

‏شكراً على مامضى لي معْك حتى الغياب
‏انتي غيابك صنع لـ الناس شاعر عظيم

.....