اخترنا لكم شعر نبطي وفصيح

الدرب يبغى له خوي لو طال دربك مايمل
‏وإليا حصل شد الحزام الكايدات يدوسها

.....

‏يا الله يامن فــــوق عرشـك تعليت
يامــن تدبــــر كل زينـه وشينه

ادعيك تغفر لي خطايا اذا اخطيت
وتمسح ذنوبي كل ذنبٍ بحينه

يارب يااللي لك عبــدتك وصليت
عبــدك لجا لك يا إلهي تعينه

ترزقني الراحـــه علــى ماتمنيت
وتملا حياتي بالفرح والسكينه

.....

‏يهدك الضيق وإلا الضيق ماهدك
‏أطلب من الله قليل ويعطي الواجد

‏ماتنفع الناس لو تكشف لها سدك
‏أشرح علومٍ بقلبك وأنت له ساجد

.....

مصيبة عزيز النفس دايم من الكتمان
يكن الوجع ما يبغي الناس تشعر به

.....

يقولون الصدور وساع واقول الصدور قبور
‏دفنّا وسطها شرهة عتب وهموم وقّاده

‏وانا يا حلم لاطايش ولا منهي ولا مامور
‏سمعت الشور واثر السم فيه ولا الله آراده

‏وجودي يوم وادعت اول احلامي وانا مجبور
‏وجود اللي توفّا بكـرهم في يوم ميلاده

.....

سمحت من الديار اللي ربيت بها وعفت الحيّ
‏عجزت آخذ نفس في الدار وأنت تحت أراضيها

‏فقدتك والضياع اللي بعد فقدك ماهو بيديّ
‏أنا في غبّة وداعك وضايع في مراثيها

‏على وجهك سلام الله وأمانه لين يبعث حيّ
‏وعلي من الصبر ما يحبس دموعي ويداريها

.....

الحمدلله صرت متعوّد ، على كل الظروف
‏لو كان نفسي في بعض الأحيان تتبع غيّها

‏حتى الحياه إللي من أول كنت الحّقها حسوف
‏ما عاد أفكر لا فـ واجدها ، ولا فـ شويّها

‏سلمي مع ظروف الليالي مثل سلمي للضيوف
‏لا جاتني صكات بقعا قلت يالله حيّها

.....

‏اضحك وانا بجلس هناك اتأملك
وخل المشاعر بين نفسي وبيني

ايه ابتسم ما عاش منهو يزعلك
مع كل ضحكة منك تضحك سنيني

بسمتك تشرح خاطر اللي يقابلك
واذا زعلت تضيق الآنفاس فيني

سبحانه اللي في عيوني مجملك
يالأول الآخر بعد والديني

.....

ليت القلوب تضمّد الجرح بسكات
وإلا تعآف الحُب وتقول كافي

أو ليتنا عشنا البدَايه نهايات
وعشنا بلا لوعَه ولا جرح خافي

.....

‏مابعد عسر الزمان الا تياسيره
‏لو سود الايام تفجعنا حقايقها

‏بنسوقها في رجا اللي مالنا غيره
‏خلاّق الأنفس وكافلها ورازقها

.....