اخترنا لكم شعر نبطي وفصيح

ضحّيت في كل حاجه في رجاء حاجه
‏والحاجه اللي لها ضحّيت ضحّت بي

.....

ما كان سكوتي عن غيابك رضئ ‏
كنت ابكيك شوّق لكن بالخفئ

.....

لا تستحي لك الله إن صدري رحيب
‏إن كان في خاطرك نشده هاتها

‏لكن لا تنشدني عن الغايب و أغيب
‏في برزخ الذكرى و في لوعاتها

.....

الناس ماتدري عن القلب وشفيه
حتى ضلوع الصدر تسال علامه


.....

اعتقوا عيني من الليل الطويل
‏وانثروا كحلي على كتفه شقا

‏ما بقى في جفني الكسلان حيل
‏رتّبوا لرموشي العكفا لقا

‏ليه صار النوم يا حزني بخيل
‏من بعد ما كنت ويّاه اصدقا

‏مُرهقة كثر الهقاوي في الدخيل
‏لا زبن شيخٍ على العليا رقى

‏الارق ما كان لي عابر سبيل
‏قلت له يا مرحبا قال البقا

‏استضفته ما دريت انه ثقيل
‏نادمه يا ليت شعري ما هقى

‏لي ثلاث شهور حبري ما يسيل
‏لو سقيته من عروقي ما سقى

‏ما على وضح النقا غير الرحيل
‏الزمن هذا زمن جهم النقا

.....

رجعت افل مجدول القصيدة وانثر التصوير
‏رجعت ارش ضحكات العطر في منحر ابياتي

‏هلابي كل ما هودل على غصن المحبة طير
‏هلابي عد ما تمسح حروفي دمعة سكاتي

‏فهقتك يالغياب وجيت من بطن السحابه خير
‏انا مثل المطر تنبت كفوف الارض خطواتي

.....

‏انا الفتاة اللي بداخلها فُتات
‏متماسكة بس المطيح اشوا لها

‏احياناً تكون الهزيمه في الثبات
‏ليت الصمود اللي وقف يغتالها

‏ضحكاتها كانت مجرد امنيات
‏شح الزمن فيها وغيّر حالها

‏لو الدموع تفيد وتطلّع نبات
‏كان الشجر ظله على سلسالها

‏ظنت جميع الناس في الدنيا ثقات
‏واثر القلوب البيض تشبه شالها

‏يا حزن ليه الحزن حب الأغنيات
‏بعض الاغاني يقتلك موّالها

‏يا حزن ما صدّقت ب(اللي فات مات)
‏انا اشهد انه ما صدق من قالها

.....

ارسم لنفسك حدودٍ لا تعداها
‏من حط نفسه بدرب الضيق يحرجها

.....

يارب عنّا على التقوى وزدنا ثبوت
‏في مغريات الحياه ، اللي علينا تمرّ

‏ نلهى والأيام تجري والليالي تفوت
‏والعمر محدود والدنيا الدنيه ممرْ

‏اجعل لنا كبر حظٍ مع كبار البخوت
‏وصيت ٍمثل نفحة ( الكمبود ) فوق الجمر

‏السمعة يموت راعيها وهي ماتموت
‏والطيب يعيش ذكره بعد عمره عمر

.....

يَا رِضَا وَالْعِزُّ طَبْعُكَ مِنْ صِغَرْ سِنِّكَ
هِيبَتَكَ تِمْشِي قَبْلْ لَا تِخْطَا خُطَاكْ

.....