فوق هام السحب ( الشعر الشعبي) على متن القوافي

ترغ‘ السنافر بالهوى احساسهم غير
ودرب الحسن من قدهم! هم سبيـله

الورد يقصر عن هوى لفحـة الطـير
واللـي يبـي شـم الـورد ينحـني لـه

رذاذ الحبر

تضيع اكثر أوقاتي على شي مايسوى
والانسان مهما كان يحتاج لـ الانسان

ابي اللي يعاوني على البر والتقوى
مابي اللي يعاوني على الإثم والعدوان

...

اكتشفت ان الحياه بكبرها قطعة مسافه
تغوي المفتون لين العقل يصحى ويتنبه

واستعذت من الدروب اللي نهايتها حسافه
قبل ترميني ملذات الزمن في جوف غبه

ما يخاف المؤمن اللي فيه من ربه مخافه
مصدر الخوف الحقيقي واحدٍ ما خاف ربه

...

يارب خذني من بساط الدالهين الغافلين
واجعل بنفسي لامشت درب الخطيه تنفره

وارزقني القدرة على التقوى، وبر الوالدين
أبي من الكره اخيره، وأبي من الخير اوفره

واجعل كتابي لاخذيته ما أخذ الإ باليمين
مع النفوس الراضية ومع الوجيه المسفره

...

‏ترا السعـاده من بغاها لقاهـا
‏عند الكريم اللي أمرنا بذكره
‏
‏وقلوبنا والله ما تشكي ظماهـا
‏إذا سقيناهـا بحمده وشكره

...

يالله بليل تستحي منه الاحزان
ويالله بوقت يطرد الضيق عنّا

ورزق مقدّر منك من دون حسبان
ومن دون لا قوّه ولا حول منّا

وبشرى يهلّ لكبرها دمع الاعيان
ونسجد لها سجدة شكر ونتهنّا

ياوالي الدنيا وياعالي الشان
وياعالم اللي بالضمير استكنّا

...

‏اي والله ابكي ليتني مافقدتك
‏واي والله انه ماجبر خاطري شي

‏كل ماسجدت لوجه ربي ذكرتك
‏يالميت اللي باقي بداخلي حي

....

يهدك الضيق وإلا الضيق ماهدك
أطلب من الله قليل ويعطي الواجد

ماتنفع الناس لو تكشف لها سدك
أشرح علومٍ بقلبك وأنت له ساجد

...

يابحر ليش الناس مايفهمونـك
لامن لزمت الصمت قالو تغيرت

شفهم مع الايـام مايرحمونـك
الله على دنياك ياكم تجرعـت

يابحر لاتزعـل ولايجرحونـك
دامك على درب الوفا ماتغيرت

...

‏على سبــيل الـصـمت يا مـكبر الـبـوح
‏والعين تـحـكي بـوح قـد طـال صـمـته

‏بـعــض الكـلام يعـانق الـروح ويــروح
‏وبـعــض الكـلام يموت بك ما نطقته

...