فوق هام السحب ( الشعر الشعبي) على متن القوافي

بـعض الـبشر يكفــيك مـنه كلامه
فيه الأدب والطيب زايد والأخـلاق

يفرض على كـــل العباد احترامـه
حبه وقدره ينطبع وسط الأعماق

...

‏أنا ماحب الكلام الزايد ونقله
‏الناس ماهي فبعض الناس مسئوله

‏وترا الذي فاهم وشبعان من عقله
‏ما كل شين يعرفه لازم يقوله

...

‏لاجاتك الزله من اللي توده
‏فكر بحفظ الود واعرض عن الرد

‏واذا اعتذر عن زلته لا ترده
‏بحر العلاقه دايم الجزر والمد

‏حبل المواصل بين الاقراب مده
‏ارخه ليا شدوه واليا ارتخى شد

‏وإنس الخطا حتى تدوم الموده
‏من يذكر الهفوات ما يحفظ الود

...

مثل الاميره من حواليها حرس
تمشي دلع ومن الترف متعاليه

ماكل خيال يروض له فرس
مهره اصيله من حلاها غاليه

...

‏نقول للمقفي محلل ومسموح
‏حتى لو انه بـ بالنهايه خذلنا

‏من عادت الدنيا ابتسامات وجروح
‏حنا نعرف اطباعها ماجهلنا

‏اللي بيتركنا على الدرب ويروح
‏لايبتسم في وجهنا لا وصلنا

...

‏خاويت بالدنيا خلايق وفارقت
‏انا الوحيد اللي لنفسي بقالي

‏ماني بمحتاج البشر لاتضايقت
‏اقدر اكمل نص عمري لحالي

...

صحيح ماجتنا الليالي على الكيف
‏مره تجينا ثقال ومره خفافي

‏والحال مايحتاج نشده وتوصيف
‏ماكل يومٍ ينحسب لي عوافي

‏ظروفنا تشبه سحابٍ من الصيف
‏بعد المطر تهب صلف السوافي

‏واليا نشدنا من يحب السواليف
‏قلنا بخير ولا لحقنا خلافي

‏شيهانه السبيعي

تشبهين الخيل في كل الوصوف
‏في شموخك في غرورك فارقه
‏
‏ لاحظرتي كل خلق الله وقوف
‏ مثل شمسن في سماها شارقه

...

أن بغيت تعيش مرتاح الضمير
الحسد والحقد لا يطري عليك

وأن بغيت العز والمجد الكبير
طاعة الله ثم طاعة والديك

ذائقة

لي الشـرف وازداد عزه ونوماس
‏بمتابعة كل اجودي واجوديه

‏متابعة الطيبين تاجٍ على الراس
‏وانتم متابعتكم لنا اكبر هديه

‏بقلمي