فوق هام السحب ( الشعر الشعبي) على متن القوافي

‏مضاهر الناس لو تجذب وتخدعنا
‏تهون عند الذي يخدعك منطوقه

‏في ذمتي ما لعب فينا وضيعنا
‏إلا الثقه لا اصبحت عميا ومطفوقه

...

‏حي راسٍ ماتوطيه المصايب
‏يرتفع عند المصايب في علوه

‏خالقه ربي لوقفات الصعايب
‏الصعايب ما تزيده غير قوه

...

ماني ضعيف إيمان لكنّي إنسان
‏تجرحني الكلمة ويقتلني الظن
‏
‏قصة مشاعر خلفها ألف خذلان
‏عاشت وكبَرت مثل ما يكبر السن
‏
‏وأنا ضحية صمت في ظلم الأزمان
‏صابر وأقول الجاي يـاربي أحسن
‏
‏يا كثر شرهاتي على ماضـيٍ كان
‏ويا كبر هقواتي على أحلام ما جنّ

...

الكرامه فرض يوم الحب سنه
‏نحشم أنفسنا ويعجبنا التغاضي

‏من جرحنا نعذره ونصد عنه
‏ما نضيع وقتنا في شي فاضي

‏بعد ما نعطيه فوق الليّ يظنه
‏نبعد ونكتب على صفحته ماضي

‏مـا نقضي ليلنا ذكرى وونه
‏حنا مع سود الليالي في تراضي

...

من شافنا بعين الغلا والمعزه
‏يلقى المحبة والغلا والكرامه

‏ومن رز روحه وراس خشمه يرزه
‏مثل الذلول اللي بخشمه زمامه

‏حبل الرسن من فوق خشمه نحزه
‏نعطيه من وسم المذله علامه

‏انعامله بالمثل كزه بكزه
‏وهذا جزا اللي مايثمن كلامه

...

⁣‏مالله كتب لي بقربك ياحبيبي نصيب
‏وش عاد نقدر نسوي هذا حكم الزمن

‏كانك بدوني وحيد وفاقد لك حبيب
‏أنا بدونك غريب وفاقد لي وطن

...

""قلبي اللي عطيته لك حافظ عليه
‏ماعطيته لغيرك وانت تستاهله
‏
‏كم من الناس غيرك والله انه يبيه
‏كل من قال احبك لأجلك اتجاهله

...

‌‎الكفو مايحتاج له زود تعريف
بينه وبين الطيب عامل وراثي

مدح الكفو ماهو بكلمه وحرفين
قوله فعول وهمته دوم همّـه

...

ما لهذا الشوق اخر ولا هو بـ الاخير
غيبتك طالت ولكن عجزت اعتادها

اضحك بـ وجه الاماني وانا ماني بخير
ضحكهٍ لا في سنعها ولا ميعادها

...

⁣اللي يحبك بالكلام حبه على قد الكلام

واللي يحبك بالفعل حقق لعينه ما فعل