اخترنا لكم

‏يغويني الليل لا خيم عليه السكون
ويصير للحزن صوت وللفكر دندنه

البارحه وين ودتني عليك الظنون
وانا احسب اني تجاوزت الهوى من سنه

يغلبني الشوق وتفضفض عليه العيون
وانا بشر والاوادم ما هي بمحصنه

الذاكره عيت تخونك انا كيف اخون
فالعمر حاجات واجد ماهي بممكنه

.....

الصدفه اللي كنّها ليلة العيد
اخير وابرك عندي من الف ميعاد

في ذمتي جتني على كيف ماريد
وانا من اول كن في رجلي قياد

لو اكتب الاشعار واعيد وازيد
مايشفي الشاعر كثير التوجاد

.....

‏ياللي غلاك من غلا النفس والروح
‏وشلون اعبر لك عن احساس شوقي

‏روحي تراها انت كان للجسد روح
‏وقلبي على طاريك دايم شفوقي

‏سبحان من سخر غلا بعض الارواح
‏بعض البشر تفديه لو يطلب الروح

.....

خواطر الناس بحر وكل عاشق غريق
وانا غريق العيون اللي عليها الكلام

عيونك إن سلهمت للحب تفتح طريق
ما كنها إلا عصا موسى عليه السلام

.....

والله انك ياعديل الـروح غالي
واثمن من السر بأعماق الضمـاير

فـرحه عيّــوني ليا شفتــك قبالـي
فرحه الكسبان مـن بعد الخـساير

.....

‏دام الغلا يمّك ولجلك سبقني
‏حاول تجي وتكون يمي عشاني
‏
‏والله ورب الكون واللي خلقني
‏ما ابيك تتركني بدونك ثواني

.....

وين اودي شوق قلبي والوله
لوغديت بعيد عني ما اسمعك

تملك احساسي وفكري تشغله
ترحل طيوفك وفكري يجمعك

هاك قلبي هاك ليتك تقبله
خذ سنين العمر او خذني معك

انت تالي الحب عندي واوله
من يقول إني نسيتك يخدعك

.....

صدري سما والامر عندي سهالات
‏مدام ذكر الله يرطب لساني

‏ماهمني وقتي ولو زاد عثرات
‏دام الرجا في واحدٍ مانساني

.....

ياساكنه بين نبض القلب وشعوره
يابلسم الجرح ياروحي وأنفاسي

مافيه احد فالبشر يسعدني حضوره
إلا انت يامن غرامك عانق إحساسي

.....

خل عنك الثقاله والتفت لي وقول
كيف يرضى ضميرك لي بهٰذا العذاب

لاتقول مايخصك والله ان الفضول
غصب عني وعنك منتظر للجواب

.....