فوق هام السحب ( الشعر الشعبي) على متن القوافي

‏راح تذكرني اذا شانت سنينك
‏وراح تفقدني مع الايام ادري

‏الوعد قدام ما بيني وبينك
‏روح جرب غيري وتعرف قدري

‏حبي لك اكثر ترا من والدينك
‏يامشاركني تفاصيلي وعمري

‏ايه دللتك وكلهم حاسدينك
‏وايه ميزتك عليهم وانت تدري

...

لا تعيش بلا أمال ولا هدف
ولا تقول ان الزمن دايم بخيّل

أجمل الأشياء تلقاها صدف
والفرح دايم ورى الصبر الجميل

...

لولاك في كوني سكنت ومن سنين
يمكن تبرى دنيتي من بشرها

انا لو اكتب لك بحور ودواوين
تعجز دواويني ويعجز بحرها

كلام مضمونه يجي بين قوسين
( الحال من دونك) تعب واختصرها

...

وانا بجو الصمت مدمن به إدمان
أخفي ورا صمت المحاني كسوره

ماحـب احكي ما بقلبي من احزان
وصمتي يترجم كبر ضيقي وجوره

...

لاصار شفّك بعيد ومحزمك فاضي
والوقــتَ حملـه ثقـيل وعلّتـه علّه

لاتلتفتَ في حسايف وقتك الماضي
غامر على العّز والتوفيَق عندالله

...

القناعه كنز في وسط السطور
للسعاده وللحياه الصافيه

لو ملكت المال وانواع القصور
كلها تنباع لأجــل العافيه

...

الناس لو تسلم من القيل والقال
تبقى الخواطر والنوايا نظيفه

ترى هروج الكذب من طبع الانذال
ماتصدر الا من قلوب ضعيفه

...

لايقودك سوء ظنك مثل قود الذلول
مايقاد الا البهايم وعميان القلوب

من عطا عقله لغيره مغفل ومهبول
وظالم ٍ نفسه بظنه وحملها الذنوب

...

امسي عليكـم بالقصايــد والابيات
واجمل حروف الشعر واجمل قوافي

لكل غالـــي مسكنه داخـــل الذات
ومكانته وســـط الضلــوع الخوافي

بقلمي

‏الارض من بعض الاوادم تعاني
‏تدور وتدور الحياة وسننها

‏ودي اوقفها ولوْ لـ ثواني
‏وانزل اشباه الرجاجيل منها

...