اخترنا لكم شعر نبطي وفصيح

طيّرت بنت الصباح الشعر من صدري وطارت
‏فتنةٍ ماهو بحي الله من أشعاري مهرها

‏جابها حب القصايد في طريقي لين صارت
‏تلعب بقلبي مثل لعب الهبايب في شعرها

أيمن الرويلي

عوده حميدان التركي...

امانه ما وحشتك يا أبوي وما وحشك الدار
‏بعاتب واتشرّه من شعورٍ كنت به شاقي

‏اعاتب طيفك الغالي وأخلق للغياب اعذار
‏واقول اللي حصل خيره مصير الحيّ متلاقي

‏تباشر رجعتك أرض السعوديه وناس كثار
‏عرفنا لحمة الشعب السعودي وش بها لاقي

‏قسم بالله بعدك مجدب وقربك حيا وازهار
‏وش اشرح والشعور اكبر من حروفي وخفاقي

‏شعوري في رجوعك فرحه وشوق وغلا مدرار
‏جعل ربي يبارك بالحياة بنصفها الباقي

.....

بشاشة الوجه والضحكه وطيب القبال
‏نقيضها الحزن فـايام وليالي مضن

‏بعد ما طال انتظار الشعب والبُعد طال
‏غنت لك قلوبنا واستقبلتك بحضن

فهد بن بجاد


‏‌ عود حميدان التركي

‏للوساع السود جيت أعلن ولائي
‏الحكم حكم المظاليل الوسيعة

‏يالجمال المستحيل اللا نهائي
‏الغزل في حضرتك تجديد بيعة

‏سلهمة رمشك تحطّم كبريائي
‏ لك تداعى قلب ٍ أسواره منيعه

‏يا احتياجي بعد ما كنت إكتفائي
‏خايف يصير القسى عندك طبيعة

‏اغتنم ضوّي قبل وقت انطفائي
‏الوصل يبهت بعد طول القطيعة

‏بين من عاصرت من يِغْنِني غَنَائي
‏من كساك مْن القصيد ومن بديعه

‏ليه تنسى فضلي وتنكر بلائي
‏من رسم دولة ملامحك الوديعة

‏الشعر جيشه تحت راية لوائي
‏لي مصاريفه ولك مردود ريعه

‏لك من عيوني وللباقين لاءي
‏وعمر ٍ سنينه معك مرّت سريعة

‏كيف أخلّي منهل ٍ فيه ارتواءي
‏من يبي ينساك نفسه ما تطيعه

‏نادني وأجيك لعيونك فدائي
‏مستعد اتبع غياء دربك واضيعه

‏هاك قلب ٍ كان قبل تْجيه نائي
‏وأزدهر من غيثك وعوّد ربيعه

‏ثغرك الضاحك بلادي وانتمائي
‏ضحكتك عن كل غلطاتك شفيعة

سعود مهدي

‏كلّ ما غطّا الشفق وجه السما
‏تكشف اللهفه عن القلب اللثام

‏يا اغترابي وش يكون الإنتماء
‏غير ذكرى مرّت مْرور الكرام

‏البياض اللي على وجهي نمى
‏خيط صبحٍ صافح ثياب السلام

‏والسواد اللي تحت عين العمى
‏ليلةٍ ما خانت اهداب الغمام

‏من متى الغيم يتغنّى بالظما
‏من متى النور يتفائل بالظلام

‏مين انادي ليه الوّح كلّ ما
‏سيّرت ذيك الملامح بالزحام

‏مدري اصوات الأماني ربّما
‏والّا انا شكّيت بآمال الكلام

‏كنت اردّد يوم ودّعت الحمى
‏ما بقى بي لا عتاب ولا ملام

‏جادكَ الغيثُ إذا الغيثُ هما
‏يا زمانٍ ما عرف مسك الختام

فيصل القاضي

ما وصلك اللي ركب سكّة عبادي
‏يبدو إن السكه أطول من حياته

‏السفر ما غيّرك غيّر بلادي
‏ضعت فيه وكنت أدل اربع جهاته

‏فيه حبيتك وحبيت المبادي
‏والمبادي موت والحب إستماته

‏لا تخليك السنين تصير عادي
‏في عيون اللي يقاسمك أمنياته

‏ونادني لو لا حياة لمن تنادي
‏اسمي بصوتك حياه بحد ذاته

مزيد الوسمي

احسب ان الحبّ وحده قادر يقدّي دليله
‏والحقيقه كثر ما كنت اعرفه كنت اجهله

‏آه كم عشت الندامه والقهر في كلّ ليله
‏ليتني امسح خفوقي من شعوري واغسله

آتحايل بالمشاعر والهوى مافيه حيله
‏غلطتي طاوعت قلب ادناة حاجه تزعله

‏غنّ يا صوتي لعلّ القلب يشفى من غليله
‏واطلق عْنان الشعور تزول عنْك المشكله

‏كنت احطّه بالضلوع وكان في صدري مقيله
‏وكانت يديني وطنه وكان قلبي منزله

‏كانت حروفي كريمه يوم احاسيسه بخيله
‏وهانت ايامي عليه وهان قلبٍ يحمله

‏ليه صوّبني بسهم الحبّ وأرداني قتيله
‏وليه خلّاني وانا اللي بالهوى متفضّله

‏اعرف اني كنت فعيونه مهاةٍ مستحيله
‏ومصدر إلهامه وحلمٍ جاه من مستقبله

‏لو تساميت وقبلت بقسمة الحظ القليله
‏من يجاوب قلبي ان كثرت عليه الأسئله

‏يوم كان يشوفني بنتٍ على قلبه دخيله
‏كنت اشوفه عمر ما كان بحياتي مرحله

‏لا يتعذر بالشعور ولا يتعذر بالوسيله
‏ماهو بحاجه شعور الا بحاجه مرجله

.....

حبيبي لو تضيق الارض وصدور العباد تضيق
‏يعز إنك علي مْن الزعل تقطع مراسيلك

‏انا يا مرهف الاحساس مدري يا سُلاف الريق
‏بصدري ودي أضمك عن الاحزان واشيلك

‏عليك أخاف من جرح الكلام ولوعة التدقيق
‏وأحنك من قساي ومن قسى الايام وآوي لك

‏لك الله ما قدرت اسلا بعدك ولا قدرت أطيق
‏تفاصيل الحياه اللي ما فيها من تفاصيلك

‏يثير الليل شوقي والنهار يزيدني تشويق
‏من الاسرار وش درّا النهار اني صبا ليلك

‏يا ربّة قلبي اللي ما لقى في غيرك التوفيق
‏ولا يوصل مقامه فالغرام إلاّ مواصيلك

‏تعبت مْن الحقيقه والحقيقه ماتبي تحقيق
‏واكذّبها عن الشكه واصدق كذبة أبريلك

‏شعور الحب في قلب الشجاع اكرم من التلفيق
‏لذا ما أعرف اغنّي فيك كثر ماعرف أغني لك

.....

عقب المتاهات هذي .. استحق استريح
ابطفي انوار عيني .. واسدل ستارها

خلوني اصد .. دام الصبر عندي شحيح
مالله خلقني من الصحرا وصبارها

ماعاد فيني اوقف لجل اوقف واطيح
عندي بقايا ملامح بحفظ اوقارها

اخطيت .. بس الخطا كان بعيوني صحيح
وكل الخطايا بريئه قبل تكرارها

الله يسامح غلوي .. بالغرام و يبيح
من صارلي اغلب احلامي .. ولا صارها

ليه اكتب الشعر .. واوراقي مداهيل ريح
تطير لبشع جروحه اجمل اشعارها

من غاب عني وانا اغتابه بكل المديح
امشي على قاع ذنبه وازرع اعذارها

مايسمعك من بغا مايسمعك لو تصيح
كم لي وانا مهمل دروبي وخطارها

صرت اتبسم على حزني .. وقلبي جريح
كبر المصايب تضحكني بأصرارها

تبقي الحقيقه .. وهي جل الكلام الصريح
بعض الاماني انا ماكنت مختارها

سعد هندي العجمي

‏راوديني وابشري بي ليّا حان القتال
‏القتال اهون من النيّه المتردده

‏شاعرك ما همه الموت يا بنت الحلال
‏تاركٍ روحه خلافه وقلبه في يده

‏مندفع لعيونك اللي مثل سود الليال
‏والليالي لو تبي تجحده ما تجحده

‏من يشوف الوجه هذا لو انه فـ الخيال
‏كل يومٍ يشكر الله عليه ويحمده
‏
مطحس حمد