ديوان قصائد لشعراء المملكة العربية السعودية (متجدد)☘️☘️

قصيدة قيود الريح
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
99 مشاهدة

من سيّل دْموع الحزِن من عيونك؟

لو هو أنا عسى عيوني كفيفة!!

ما أبغى عيوني دامها تْشوف لونك..

لون الشجر والعام طوّل خريفه

يا مْقيّده بالريح والقيد كونك

يا ركابه بالريح موجة عنيفة

قلبك وإنسانك ضحايا ظنونك

لا تقتليهم بالظنون المخيفة

لو كان حزنك ينجلي مع جنونك..

ما كان أحد عايش حياةٍ معيفة

هذي ترى الدنيا معك أو بدونك

محدٍ تجي الدنيا على كيف كيفه

كفّي دموعك.. وين مزحك ومونك؟

مزح الوليف اللي يسلّي وليفه

تبسّمي وأنسي ليالي شجونك

ونعيش لحظات الهنا بالنصيفة

وتعلّمي كلّ الغيارى بهونك..

كيف الوفا.. نبض القلوب العفيفة

قصيدة آخر أنفاس المساء
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
97 مشاهدة

في آخِر أنفاس المساء..
كانت معي أغلى النساء
خلف المراية تستشير
وش ترتدي فوق الحرير!
وتسرّح أمواج الحرير..
كالعادة محتارة كثير
في آخِر أنفاس المساء..
**
وأقول في نفسي عسى..
ما تلتفت علّ وعسى
مهما يطول الانتظار
مهما يكون الاختيار
ما ودي تلمح باختصار
إنّي من مراية أغار!
وأقول في نفسي عسى..
**
في بحر عيني قد رسى
والزين، بالزين اكتسى
قالت حبيبي، فيك شيء؟
فقلت أبد.. ذايب شوي
والصدق أنا ما كنت حيّ
ضايع وحسنك صار ضيّ..
في بحر عيني قد رسى

قصيدة يا هلا بالحلم
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
95 مشاهدة

شفت هذا السنا!.. ما هو غريبٍ علي
شِم هذا الشذا.. بثيابها ممتلي
هذي إنتِ يالحبيبة؟
إلا إنتِ يالحبيبة!
يا ترى وش رجعك..
وأعرف أن قلبك خلِي
كل شيء صرت أجهله
وبعد كثر الأسئلة..
بابتسامة..
قالت إني جيتها بالحلم!
يا هلا..
يا هلا بالحلم
أشكر اللي جابني لك حلم
لأنه اللي رجعك لي علم
توّي أعرف..
أنه للأحلام قوة..
تبعث التحنان بقلوب البشر
توّي أعرف..
مهما للأيام قسوة..
تضوي شْموع الفرح درب العمر
والا تدرين؟
خلِّ الشمع مطفي
نورك اليوم يا أغلى الناس يكفي
بس أنا خايف..
أخشى إنك طيف أو حلمٍ كذوب
داعبي خدي، حلالك لو أذوب
شوفي كم فيني وله
لا تكوني أخيله
بابتسامة..
قولي إني جيت لك بالحلم
يا هلا..
يا هلا بالحلم
أشكر اللي جابني لك حلم
لأنه اللي رجعك لي علم
آه لو تدرين.. آه لو تدرين
وش تقول الناس عن شعري
عذب.. يحكي قصص خلان
حبّ.. كالورد في البستان
آه لو تدرين.. آه لو تدرين
كلّ شعري العذب..
أسبابه عيونك
وكلّ عمري كذب..
لو أحيا بدونك
ولو تعرف الناس لطفك وتهذيبك
غصب كل الناس تحكي وتهذي بك
مثل ما أهذي بك أنا..
كم أنا خايف
أخشى إنك طيف أو حلمٍ كذوب
داعبي خدي، حلالك لو أذوب
شوفي كم فيني وله
لا تكوني أخيله
بابتسامة..
قولي إني جيت لك بالحلم
يا هلا..
يا هلا بالحلم
أشكر اللي جابني لك حلم
لأنه اللي رجعك لي علم

قصيدة بيرق وسيرة
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
96 مشاهدة

ثلاثةٍ قْرونٍ بها العِزّ مقرون

من "الإمام" إلي "صقر الجزيرة"

ثلاث نهضاتٍ نماري بها الكون

حتى توحدنا وشلنا المسيرة

في خدمة الإسلام والدين مصيون

ديرة بها البيتين هي خير ديرة

يا الله تحفظ مملكتنا ولا تْهون

ونتذكر التأسيس (بيرق وسيرة)

قصيدة أغنّي في عيونك
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
93 مشاهدة

مرت سنين وأنا أغني للبشر
ليل ونهار ما بين أنغام الوتر
غنيت في كل الأماكن
في كل الأوقات
لمست يا ما جرح ساكن..
في بعض الآهات
لكني الليلة معك
أمسح بشوقي مدمعك
وأنا أغني في عيونك
في نظرتك عني ألاقي منوتي
تغيرَت في غيبتي يا حلوتي
أدري غيابي عنْك طوّل
عذري حنيني
بتشوفي ذاك الحب الأول..
لو تسمعيني
بسافر الليلة معك
أمسح بشوقي مدمعك
وأنا أغني في عيونك
أذكر سواليفك معي.. ليلة شتا
وروحي تعاتبني.. متى ترجع.. متى
وأذكر صدى خطواتك بشوق
ولمحة ظلالك
ما في أبد في الكون مخلوق..
يلمس خيالك
كان الحروف تبعثرت
بعزف تقاسيمٍ طرت
فيها سحر يشبه عيونك
حبيبتي.. أنا أحبك في مكان..
أكبر من أبعاد المسافة والزمان
أنا أحبّك وأتمنى..
ما ينتهي الليل
يا غنوةٍ لازم تغنّى..
جيلٍ بعد جيل
واذا انتهى درب العمر
تذكري ليل السمر
وأنا أغني في عيونك

قصيدة وأنا صغير
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
91 مشاهدة

وأنا صغير..
ما كنت أحتاج الكثير
كان المدى عندي قصير
وأنا صغير..
كنت أتسلى بالهوى
زمان ولّى في الهوا
أنا وحيد..
أتأمل الحلم البعيد
وأذرف دموعي بالقصيد
أنا وحيد..
ما في على مدّ النظر..
إلاّ ظلالي والسهر
والله قهر..
عمر الحياة ما تنتظر
-
صرت الغريب..
اللي يواسيه المطر
ما له حبيب..
يلقى لخطواته أثر
أصعب شعور..
ذاك الأمان..
اللي ملا هذا المكان..
ما له حضور
رغم العطا..
مهما تجرعت الخطا..
تنتهي فيني الخُطى..
مثل الغريب
والله قهر..
عمر الحياة ما تنتظر
-
مهما حصل.. اللي حصل
للحين أنا عندي أمل
مهما رحل.. اللي رحل
للحين أنا عندي أمل
ألقى يدٍ تاخذ يدي
وتردني لمولدي
عندي أمل..
أعيش أنا فجرٍ جديد
وأمسح دموعي بالقصيد
عندي أمل..
اللي يواسيني قمر
يطوي ظلالي والسهر
مثلك قمر..
معه الحياة.. أحلى قدَر

قصيدة لِقَاءَ السُّحْب
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
91 مشاهدة

إلى مَنْ غِبْتُ عَنْهُ اليومَ صَبْرا

ومَنْ قَدْ غَابَ عَنّي اليومَ عُذرا

هيَ الأيامُ جَمْعٌ وافْتِرَاقٌ

بِحارٌ لَنْ تَقِفْ مَدّاً وجَزْرا

فَمَهْمَا غَابَتِ الأنْظَارُ عَنْكُمْ

لَكُمْ في القَلْبِ والوِجْدَانِ ذِكْرَى

أُسَلّي النّفْسَ مِمّا حَلّ فِيْهَا

فَيَسْمُوْا ذِكْرُكُمْ ويَطِيبُ شِعْرَا

لَكَمْ طالَ اشْتِيَاقِي واحْتِرَاقِي

لِرُؤيَاكُمْ وكَانَ البُعْدُ جَمْرَا

سَألْقَاكُمْ لِقَاءَ السُحْبِ يَوْمَاً

ويَغْمُرُ مَاطِرَ العُشَّاقِ نَهْرَا

بِآمَالٍ وأَحْلَامٍ، كَوَرْدٍ

يَمِيْلُ بِقُرْبِكُمْ ويَفُوْحُ عِطْرَا

ونَنْسَى كُلَّ مَاضٍ ونُغَنّي

بِمِلْءِ قُلُوْبِنَا فَرَحَاً وشُكْرَا

قصيدة ليلتين
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
90 مشاهدة

كنت أسافر.. بس لحالي
كلّ همّ الليل.. شلته فوق ظهري
وانكسار الأرض..حسيته بصدري
كنت أدري..
ما أشوف اللي قبالي
المهم اللي في بالي..
بس أسافر
كنت أسافر..
كنت ألبّي صوت ناداني
للي أبعد.. من مدى جرحي
للي يقدر.. بس على فرحي
كم نسيته..كم جرحته حيل..
لا قسى.. ولا طاع ينساني
انتظَرني.. انتظرته
والنوى بحضنه كسرته..
يوم أسافر
كلمتين..
العتاب المرّ..
ذاب في كلمتين
نظرتين..
كلّ همّ الليل..
ضاع في نظرتين
لمستين..
انكسار الأرض..
زال في لمستين
ليلتين..
كلّ هذا الحب..
صار في ليلتين
واختلط عند الرجوع..
المطر ويّا الدموع
ورحت أسافر

قصيدة قرت عيوني
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
90 مشاهدة

قرت عيوني يوم شافت عيونك

الله يعلم كيف كانت حزينة

حسبي على من حال يا حبّ دونك

أقفيت ثم أقفت وراك السكَينة

إن قيل سلوة، ما سلينا بدونك

كم ليلةٍ هاجت شجونٍ دفينة

وإن قيل نعمة، ما عرفنا نصونك

مع أنّ خيرك كلّنا خابرينه

ليت الزمن يرجع وننعم بكونك

ويملى ضياك دروبنا والمدينة

ونقول للأفراح هِلّي مزونك

واروي ضما قلبٍ تعب من حنينه

مير البلا كنا سبايب طعونك

وأنت اكتفيت من الغرق والسفينة

معذور في بعدك وربي بعونك

ما لي سوى طيفك أقبّل جبينه

قصيدة دنفر
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
88 مشاهدة

هبوب..
هبوب رجعني..
على حلو الديار
ما كان يمنعني..
مسافة أو مسار
ذكرت حضن الغيم
ودموع الشجر
وربعٍ غلاهم ديم
ما مثله هدر
سلام..
سلام يا دنفر.. وطيب الساكنين
طال النوى ما أقدر.. نوا ذبحي الحنين
زرتك سنة، صارت ثلاث وما ارتويت
لفيت أنا العالم وعقبك ما سليت
أنا أشهد أني في هواكِ قد هويت
وعند الوداع المر
والقلب الكسير
قلتي بترجع لي..
ومعك حلمٍ كبير
باكر بتحيا بي السعادة للأخير
سلام..
سلام يا دنفر.. وطيب الساكنين
طال النوى ما أقدر.. نوى ذبحي الحنين
بالله يا دنفر.. عسى لقاك قريب
أخاف يتأخر
عايش أنا بين نارين
نار اشتياقي لك
واحتراقي لك
ونارٍ من الكبت والبين
بالله يا دنفر.. عسى العناق قريب
ما أطيق يتأخر
شبعت زحمة بالغبار
أبي مزونك والخضار
شبعت حالة من مرار
شباب أعيشه باحتضار
وأنتي الأمل..
وانتي المنى والاختيار
سلام..
سلام يا دنفر.. وطيب الساكنين
طال النوى ما أقدر.. نوى ذبحي الحنين