فوق هام السحب ( الشعر الشعبي) على متن القوافي

اكبر مع الايام واشطب علاقات
‏واطوي يدين الوقت وامد ساقي

‏ما عاد تفرق سود الايام لو جات
‏اسود من اللي فات ماظن باقي

...

ياطيّب الراس خذ عهدٍ قديم ووثـيق
لو طـال صبر الكرييم وزاد دواجـته

صدورنا من خلقها الله وهي ماتضيق
الا لاجانا الرفـيق ولا لقى حـاجته

...

عرفت البكى فالضيق والله لايسقيه
‏وذرفت المدامع غصب والكبد منجرحه

‏عسى الله يبشرني بشيٍ ماكنت أرجيه
‏أنا ودي أبكي من سعاده ومن فرحه

...

يارب الأحلام وأحلامي تحدّاني
‏مالت على يدي وأزريت أحقّقها

‏ارزقني الفرحه الّلي يوم تغشاني
‏أحتاج فتره طويله لين أصدّقها

...

‏لاتزعجون الصدر في كثر العلوم
ماينقل الهرجه سوى عجز الضحى

الطيّب لـ ربعه ولو خابوا يقوم
وإلا الردي من فوقهم مثل الرحى

...

‏الحاجه اللي دونها الناس قشره
والحاجه اللي عند ربك سهاله

احدن طموحاته إلى يوم حشره
وأحدن طموحه ماتعدى عقاله

الصاحب النادر بع الناس واشره
إحرص على اللي عزته راس ماله

...

‏صديقك اللي ينصف الهم نصفين
ويشيل نصف الهم ماقلت شيله

‏ولو ماتشوفه بالرخا دايم العين
وتلقاه في وقت الشدايد دليله

‏هذا الصديق ومثل هذا قليلين
في ذمتي مثله يساوي قبيله

...

‏‌

‏لو نلتفت لأهل الحكي والمقاريد
‏أن كان متنا بين خذها وذقها

‏للسالفه لاجاتنا عندنا قيد
‏مايفرح اللي جابها يلتقطها

‏حنا نحب أهل النقا والاجاويد
‏وأهل الوفا والطايلات انعشقها

‏وقلوبنا ما تعرف الحسد والكيد
‏من فضل ربي صافيه من خلقها

....

يارب ياعالم بما تخف الصدور
ياكافل الارزاق من فوق السحاب

ارحم جميع الناس ذي وسط القبور
ونجَهم يا الله من نار العذاب

....

‏الحب لك في الروح اكثر من احساس
والعشــق لك في القلب معنى حياتي

انا معاك انسـان خالــي مــن الياس
وانا بــلاك انســــان فاقــــد حياتي

مهما وصفت غلاوتك صعب تنقاس
كيف اوصفك ياشخص ساكن بذاتي

انته الغلا والحــب من بين هالناس
وانته امــــل عمـــري وكل امنياتي

....