اخترنا لكم شعر نبطي وفصيح

اذا ارتخت هاك الوساع المظاليل
‏حلفت بان الصبح والناس عميا

‏انا البدو وانتِ مطر باول سهيل
‏عليك كبد القوم يا نجد ضميا

.....

بقى ذنب واحد من ذنوبي عجزت انساه
‏بعد ما هداك الله يا قلبي على التوبه

‏لك الشوق يا ذنب تركته لوجه الله
‏عسى سيئات الشوق ماهي بمحسوبه

.....

‏فاقدٍ سمعي هلاه ومرحباه بلا سبايب
‏واقفٍ صوتي على آخر سالفه لحظة رحيله

‏يوم تتركني وأنا وجهي من الأيام هايب
‏وانت ما كانت تهيّبك المسافات الطويله

‏لين مرّت ليلةٍ كنت انتظرها وانت غايب
‏صبحها كنت احسب انه عاد عيدك ياجميله

‏وعاد انا اللي كنت اشيل الذنب لين اجيك تابب
‏واتحامل لأجل حبٍ من وراء صدري سبيله

‏كيف رحت وخاطرك طايب وهو ما كان طايب
‏من جبر کسره ومن عدّل مع الأيام ميله

‏من رسم في وجهك المهجور ضحكات الحبايب
‏بعد طفّى سرمديّ الليل قمراه وفتيله

‏من نفض صدرك وعرض حزنك وجيه الهبايب
‏يوم كنت تجامل الضحكة في الأيام الثقيله

‏من ذكر معك البعيد ومن نسي معك القرايب
‏لين صرت اصحابه وربعه وغاليه وخليله

‏من عطاك سنينه اللي راح ماضيها نهايب
‏وقال يا كثر السنين اللي معك لو هي قليله

‏يوم أفز لشوفتك وافرح واحث لك الركايب
‏كنك الماء اللي تفز لشوفه البدو المحيله

‏اعشقك عشق الطفل وأقدرك تقدير شايب
‏واحتويك عن الليالي اللي سوالفها بخيله

‏ما دريت الا بعد ما رحت مرواح الذهايب
‏ومرّك اسمي لين عيت ضحكتك ل اترتكي له

.....

ولا زلت أحبك وأدري أنك أهم أشياي
وأشوفك أمانٍ كل ما أحتجته أجي له

ليا أشتقت لك والأرض راحت قصيد وناي
يا صبر المحب ليا بكى من مواويله

لو أمشي على الماء لا ذكرتك نبت ماطاي
خزامى وورود وكل وادي دَرج سيله

عسى باقيٍ لي معك ضحكه ترد رضاي
ولي عمر مهما فاتني معك باقي له

.....

يعمّ الصمت وتطول المسافه والوله ما قلّ
وأنا ما عشت أدور فرصتي وأمرها عادي

أتلّ خطاي في عرقٍ من الصحراء وأنا ما أدلّ
طريقٍ لو تعلّق فوق جفني طوّل سهادي

تمثنيت الحنين وضاع صوتي فالسهلّ والتلّ
هنا ما هبّت أنسام الهوى مع مفرق الوادي

يا رب الآدمي والليل والبيداء ورب الكل
أنا لولاك أضيّع صيدتي وأكسّر شدادي

يا كم ضاعت ليالي وأنجرح صبح ورفيقٍ زلّ
على نفسٍ قدايمها علي تعاتب جدادي

ما بين أذكر وبين أنسى وبين أسعى وبين أملّ
مراحل والمراحل بينها موتي وميلادي

.....

تنازعني عليك النفس والنفس آفة الغاوين
‏يا صعب مجاهد شفوف الهوى والنفس غوّايه

.....

أنا لا بغيت أسج وأسلى مع الهوجاس
تذكرّت همٍ في الحشا صار له مده

ذبحني غلا من دونه الباب والحرّاس
وهو بينهم دمعاته مجرحّه خده

ألا يا عيونٍ لجلها خاطري حسّاس
ترا الوقت مجبرني على البعد والصده

فإذا جاء نصيبك وافقي له يا بنت الناس
ولا تحترين اللي زمانه وقف ضده

.....

‏على سكة متاهات المشاعر وآخر المشوار
‏خذتني لهفة أشواقي على ذكرى بداياتي

‏غريب استوطن أعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك للسكوت اللي تكلم عن متاهاتي

.....

‏أنا مهما جفيتك.ردّني لك يا حبيبي الشوق
‏وأجي كنّي مسولف لك قبل ليلة عن أحلامي

‏مكانك هو مكانك ما وصله بغيبتك مخلوق
‏يا أول من فتح باب الكلام وصدّق أوهامي

‏حبك والله إنّي ما قدرت أقولها مخنوق
‏وخايف أخسرك لو أخسرك وش قيمة أيامي

.....

كل ما بانت خيوط الشمس من شرق المدينة
‏ما ذكرت إلا سناك وما فقدت إلا مجيّه

.....