فوق هام السحب ( الشعر الشعبي) على متن القوافي

‏ماني بفاضي للمشاريه واللوم
ولحداً يدوّر من ورا الهرج زله

تمسكوا فيني تراني من اليوم
عادي أخربها مع الشعب كله

....

لاتلبسين الخوف وأنتِ شجاعه
لو المواقف بعض الأحيان تنهاب

ولاتقبلين القل وأنتِ كثيرة
ولاتطلبين الحل وانتِ الأجابات

....

اخوك شيله في عيونك وزيده
تقدير واخلاص ومحبه وناموس

من لا يعز اخوه روّح طريده
تحدّه الدنيا وتبري له القوس

تعلموا يا اهل العقول العنيده
وخذوا عِبَر من فعل الاطفال ودروس

....

اخوك اليا خاب خلّه مع الدرب
وإن طاب لاترفع على الناس نجمه

خلّك مثل ( 1) وسَط جـدول الضرب
ما يعطي اللي قابله فوق حجمه

....

ياقلب صارحني هل الحب حالي
لوكنت صادق ليش عمرك معذّب

أرجوك ياقلبي تجاوب سؤالي
أو تلتزم بالصمت واجلس مهذّب

الحب قال القلب فيه المعالي
من يجهله يفقد سروره ويتعب

بالحب يبقا القلب رايق وسالي
أيضاً ويخسر كل من فيه يلعب

....

‏مشكور يا بايع مشاعرك مشكور
‏العام ذنب وهالسنة ذنْب ثاني

‏وش عاد أقول ولا بقى شيّ مستور
‏ما طعتني يوم إبتسم لي زماني

‏لاتعتذر لو خاطري منك مكسور
‏لاتفتكرني دام قلبك نساني

....

ياليت الزمن يرجع معي يوم كنت صغير
‏الأحلام محدوده والايام تقزيره

‏ماكنت أتضايق ضيقه اللي غدا له طير
‏في جو خلا موحش ولا حولهم ديره

‏على اللي تعبت انسى غلاه وتعبت اسير
‏على جرته من يوم قفت مظاهيره

‏حداني على شينين بالموت بالتهجير
‏بعد مَ كنت في بيت الغلا اغلى مساييره

....

‏ياربّ وأنت القوي واللي معك ما يُضام
‏ومشاعر اليأس يا ربّي ما هي في يدي

‏أنهكني الضيق.. وأستنزفني الإنهزام
‏وأنت أعلم إنّي بذلت ولا ذخرت جهَدي

‏جنّبني الياس وأزرع وسط روحي سلام
‏فيه أتجاوز طريق أحلامي الجرهدي

....

كل صمت بداخلي خلفه كلام
حزني المهجور مامنه مفر

افتح أيدين الوصل محتاج انام
نومه التعبان من طول السهر

....

رفيقنا لا لحقه من العلوم العلوم
ماعندنا غير سنّد واحتزم وازهله

نفتك وجهه ليا صكت عليه الخصوم
نشوش له ونتجمّل فيه ونجمّله

....