فوق هام السحب ( الشعر الشعبي) على متن القوافي

الأصيله لو رخيت لها الرسـن
ماتروح لغــيرك وانت خيّالها

الأصــيله وافـيــه بـليّا رسـن
ماتخــون ولو قــسى خــيالها

....

من لاشرب من كف يمناه باالطيب
شربه على اكفوف النشاما مهونه

‏ومن لايعدي طايلات المراقيب
الراس ما بين بليا متونه

‏ومن لايشيل اسمه بطيب المشاريب
الاسم ما شاله وقوى اركونه

‏كم واحدن جده مهو من هل الطيب
‏وابنه طلع من دون اسمه ودونه

....

يارب وان ضاقت عليّ الوسيعة
أنت الذي لاضاق صدري أناجيه

وعبدك لو إن الوقت عيا يطيعه
ما ينحني راسه لغيرك ويرجيه

....

يالله وانا طالبك من خير هالساعه
عطفك ولطفك وعن تقصيرنا ترضى..

واشرح لنا صدورنا بالذكر والطاعه
وان ترحم الميتين وتشفي المرضى

....

والله اني بخير وكل اموري بخير
لو كانت دمعه عيوني ماتشوفونها

أنا اكثر انسان في صمته كلام كثير
ويخفي اشياء كان الله في عونها

....

والله ماعندي حبيب ولا شي
اجمع أحساس الخلايق وأصبه

المجتمع وأحد والأعذار هي هي
هو فيه أحد يستاهل أني أحبه

بقلمي

يارب عفوك لانقطعنا من الناس
وهلو علينا من تراب المقابر

نخطي ونذنب بليا حد وقياس
العبد دايم من ذنوبه يكابر

....

‏مال اللزوم الا قويين العزوم
وترديد بعض الهرج ما له فايده

المرجله سهله على عيال القروم
اما على اضعاف الروابع كايده

....

دايم مواقفنا على الدرب النزيه
‏عند اللوازم مانغيب وما نصد

‏ولا يزعّـلنا حكي سود الوجيه
‏ما نلـتفت لأهل الردى واهل الحسد

....

ضرينا على بيض الفعايل وكبر الشان
‏وعلى كل علمً يطلق الوجه واليمنى

‏ما نرخي مناكبنا سوا لـطاعة الرحمن
‏ولا تعترض فـ نحورنا الا محازمنا

بقلمي