اخترنا لكم شعر نبطي وفصيح

كم يزيد الصمت هيبة نفوس الصامتين
مثل ما يكشف خوا ناقص العرف الكلام

ودك تحدد لبعض الأوادم كلمتين
السلام إن جيت وان جاك مردود السلام

.....

‏خلك وسيع البال وتحصل الخير
وخلك مع العالم حسين التعامل

وسامح رفيقك لا حصل منه تقصير
واصبر ترى مافي المخاليق كامل

.....

‏مهمـا فعلت مـن المعـاريف فـ النـاس
يبـقـى رصيـدك فـ اللـيـال الـصعـيـبه

حتى لو انه ضاع في بعض الاجناس
لابـــد صـكــات الـلـيــالــي تـجــيـبـه

.....

منهو تربى في حياته على ساس ‏
تبطي يدينٍ حاولت هد ساسه

.....

‏النفوس العظيمة تعرف اللي تبيه
‏ما تدور رضى العالم وتركض وراه

‏من يجامل وجيه ويستحي من وجيه
‏راح عمره وهو يمشي بدون إتجاه

‏البس اللي يعجبك واكل ماتشتهيه
‏دامك في طاعة الرحمن عيش الحياه

‏لا تروح لـ مـكان الا وراحتك فيه
‏ولا تجي من مكان الا بسيرة وجاه

.....

‏ياوقت يـ اللي فيك ماني بمرتاح
ارفـق ترى شيّبت يا وقـت راسي

ما باقـي مـن اعمـارنا كـثر ماراح
وانته علينا صرت يا وقـت قاسي

نبى وراك مـن الـفـوايد والاربـاح
ولا عاد نحسب ربحها من فلاسي

احيان نقـضيها سعاده مع افـراح
واحيـان نقـضيها هموم ومآسـي

.....

‏مايـرفـعـك مـن بين كـل الـرياجـيل
ويعطيك كلمة ( نعم ) لاجا مجالي

الا فـعـول الطيـِب فـي كـل حلحيل
الـيـا نـصـاك وصـرت فــيً ظـلالـي

وقت القسى تظهـر جميع التفاصيل
ويـظهـر مـن اللـي يرتكـي للثقـالـي

ووقت الرخا مال السوالف مداخيل
كـل(ن) يقـول الـطيّب انـا لـحـالـي

.....

‏صبرك على نفسك وصبرك على الناس
يعطيـــك عــن كثــر المشـاكل منـاعـه

لا تــأيد المخطـي ولا تحنـي الــراس
والصبر فـي بعـض المواقـف شجاعـه

.....

‏ما ني بمتضايق وماني بمهموم
سهران لكن ليه سهران مدري

الله عطانا عيون ما تعرف النوم
نوم الهناء ياللي تنامون بدري

.....

‏لا تُلْحق الـدنيا كـثير التحـاسيف
لو يلحقك فـ الوقت منها خلافي

اضحك وقزرها مزوح وسواليف
وقلبك على كل المخاليق صافي

ايامنا ماهـي بـ دايم على الكيف
واعمـارنا ماهـي بـ دايـم عوافي

.....