اخترنا لكم

‏ابوي رباني وزرع بي مواجيب
‏يجني ثمرها كل منهو عرفني

‏اقّدر الطيّب واجازيه بالطيب
‏ولا الردي ماهمني وش وصفني

.....

اقلطي ملعون من شافك ولا رحّب وهلّا
‏اقلطي يا ثامنة سبع العجايب لا تراوي

‏لعنبوك انتي بشر والا قمر بدرٍ تجلّى
‏وش يساوي كل حسن الخلق جنبك وش يساوي

‏صرت اشكّ انّك بحر نورٍ دنا حتى تدلّى
‏من كواعب جنّة المأوى من النور السماوي

ناصر الفراعنه

لاتخضّع ولاتخشى سوا المفني الخلاق
ترا الناس لا تفني ولا هيب خلاقه

ولا ترتجي غير الله المانع الرزاق
ترا الناس لا تمنع ولا هيب رزاقه

وحياة البشر مابين لمّة شمل وفراق
ولا يفقد إلا طيبٍ يوجع فراقه

.....

كل مادلهت قلبي وارجهني
‏هيضتني دمعة العين الحزينه

‏اشهد ان لوعات الايام ابعدنّي
‏وانقطع حبل الرجا بيني وبينه

.....

على بساط الليل نسّري بالأحلام
ونسامر نجوُم السماء بالأماني

.....

‏اقول له مسيٺ بالخير ياخير
‏ويقول انا مسائك ونور دربك

‏اي والله انك يامسائي مسا غير
‏شمالك وشرقك وجنوبك وغربك

.....

‏ما بين الصعب وبين الخوف والتجريب
‏أحاول ما أميل بيوم ولا تتشرّد أفكاري

‏أمر بمرحلة صح أو خطأ أو صدق أو تكذيب
‏كأني تايه في شيء ولاني عارف أقداري

‏أنا ياربّ ما أدري وش اللي ينكتب بالغيب
‏ولكن رحمتك أكبر من اللي فيه أنا داري

.....

‏أنا مابي من الدنيا بعد هالمرحلة رغبات
‏عسى الله بس يكفيني هوى نفسي وزلّاتي

.....

‏تضيق بوجهي الدنيا والاقي في رحابك باب
‏واحسك مثل شيٍ كان ينقصني وكملته

‏اجي صوبك وانا لوجهك يسابق وجهي الترحاب
‏واشوفك مثل نجمٍ فالسما كم لي تخايلته

‏حبيبي والمدى حاِلك وانا في غيبتك مرتاب
‏ولا غيرك هوى قلبي ومن قلبي أنا نلته

.....

‏عرفت إن القدر فرصة سعيدة والحياة أعراف
‏لو إن الشوق من كثر البعاد المُرّ صالينا

‏أنا ماكنت في عمري إلى هالمُنتهى شفّاف
‏لقيتك والزمان حالف يخون أطهر أمانينا

‏أزورك حلم من خلف الحقيقه والشعور لحاف
‏ما دام إن الوَلـه واقف على سكّة هقاوينا

.....