فوق هام السحب ( الشعر الشعبي) على متن القوافي

يانجد لازلنا على العهد باقين
حنا انت من زود الغلا وانت حنا

عشنا بك الشدة وعشنا بك اللين
من يوم حولنا عليك ونزلنا

....

بين عقل و بين قلب وبين روح
والتفاصيل الصغيرة والجروح

اختياري صعب لكن مالي حل
إلا أني أعشقك صمت وبـوح

....

‏يسعد مساء اللي على بالي سواليفه
اللي ليا صار حولي زانت اخلاقي

نبضي وانا والقصايد من مواليفه
والروح والبوح له والقلب يشتاقي

....

‏عسى المطر يغسل قلوب المخاليق
‏من همّها من غمّها من كدرها

‏ويمطر على اللي فالقبور المغاليق
‏من مزنةٍ يسبق بردها رعدها

....

‏حي الرفيق اللي له الطيب منهاج
اللي ليا جيته يضوي سراجه

لو ماقضى حاجتك لاصرت محتاج
على الاقل تكفيك ضحكة حجـاجه

....

ياللي لك الشعر يُكتب والمشاعر تذوب
الشوق ماهو بيرحم والطواري بلا

تعال ما فيه واحد خالي من الذنوب
اما كذا مواصل العشاق ولاّ فلا

ان كان للحب دوله تستضيف القلوب
من غيرك اباييعه واقدّم لْه الولا

انا معك خاطري واسع وصدري رحوب
حتى لو اني حزين وخاطري ماسلا

‏يالله توسّع خاطري دامني حي
‏وتجعل هناي وراحتي في صلاتي

‏يارب مابي خاطري يكسره شي
‏ابيك تسعد مابقى من حياتي

بقلمي

ياملفت الانظار من غير كلمه
ياسارق ايامي غداً وامس واليوم

لو يقدر الشخص يتحكم بحلمه
سكنتك احلامي وعشت العمر نوم

....

عز اللـه إن الوقت ما هو بـ مضمـون
فيه الخطوره مـن جميع النـواحي

نبطي عن الصاحي ونلقـاه مجنـون
ونبطي عـن المجنـون نلقـاه صاحي

....

لازاد ظلم الزمـان وكثـرت أوجاعه
‏بـالعزم والصبـر والحكمـه نعالجها

‏مالي ورا الناس لامطلب ولاحاجه
‏أرفـع يـدينـي وأقـول الله يفرجهـا

....