فوق هام السحب ( الشعر الشعبي) على متن القوافي

‏واحد من الناس يكفيني وراضيبه
ماريد غيره ابيه اموت واحيابه

يامر وينهى ولبي لـه مطاليبه
تفداه روحي وقلبن تله انهابه

الزين والذوق هي جملة عذاريبه
وحلو النبا مع دلولن حيل جذابه


...

في عروش القلب متربع على كرسيه
حاكمٍ كل المشاعر والحواس الخمسه

ماتشوف عيوني الا هو ولا به زيه
ولا لمست كفوف غيره واه محلى لمسه

وما تنفّس صدري الاّ انفاسه الورديه
ولا عشقت من الكلام الا ذرابة رمسه

....

تمر الليالي وكل ليلة ازيد إيمان
‏ماضاعت ليالي من على الله لياليّه

‏ولو ضاع حلمي قلت من دافع إطمئنان
‏عوض ربي أجمل من خيالي وامانيّه

‏على الله ولاضاعت رجاويك للرحمن
‏يا قلبً خلقه اللهَ من ضلع حنبيه

....

يا صبـاح الخيــر والدنيا عوافـي
ابتسم وابدأ صباحك وانت رايـق

لشرقت شمس الصبح والجو صافي
اذكرالله واشكره لوكنت ضايـق

....

‏لو تغيب الناس من حولي وتروح
‏مافقــدت إلا وجــودك ياغـلاي

‏إنت وحدك لا غدى وقتي جروح
‏بلسم لـ حالي وطبّي مع هواي

....

سـلام لك يسلي فـؤادك ويرضيك
رضـاك غـاية فـي فـؤدي أكـيدة

كل الغـلا والشـوق بقلبي يناديك
مدري سمعت الصوت وإلا اعيده

الشـاهـد الله كـم أعـزك وأغليك
رغم المسافة والظروف الشديدة

اميره الورد

مسا الخير يا غلا من تعلق فيه قلب وبوح
نثر حرفي غلاه وصار روضه في دواويني

مسا الورد يا عطر الورود اللي شذاه يفوح
مساءٍ يربط شعور الغلا اللي بينك وبيني

اميره الورد

‏أهديتني عطرك وانا هديتك الجوف
لـبـييه ياعطرك ويـفداك جـووفـي

عطرك يطفي شوق عاشق وملـهـوف
والجوف في عـطـرك عطاه امخلوفي

....

‏فــز قلـبي وأنضبط جو القصيد
في حضورك صار جوي شاعري

تلهم إحسـاسي على الذوق الفريد
حضرتك بـ الحيل تسعد خاطري

اميره الورد

‏ياشيخ ربي يزيدك خير
نظف ضميرك من العالق

تبقى على العز والتقدير
لو تترك الخلق للخالق

الهمز واللمز والتمرير
ينافي مروّة الحالق

لاتامن الوقت والتغيير
سبحان من للصبح فالق

....