فوق هام السحب ( الشعر الشعبي) على متن القوافي

تبادلنا مقاواة الصباح ورحت كني طير
‏على متن السحاب يشيلني عشقٍ ملا صدري

‏ماذقت من الكلام ألذ من كلمة صباح الخير
‏من اللي ينطفي نور الصباح ان ما قعد بدري

....

بغيت أتنهت مير بدّلتها تهليل
‏وأنا والله إنّي محريٍ بالتنهاته

ذائقة

ودك الرجل قبل إنه يربي عياله
‏يتربى على مبدا التشكي مذله

من تعوّد على فزعات عمه وخاله
‏كل ماشانت الدنيا برك في محلّه

....

أنا السعودي رايتي رمز الإسلام
وانا العرب واصل العروبه بلادي

وأنا سليل المجد من بدأ الأيام
الناس تشهد لي ويشهد جهادي

دستوري القران قانون ونظام
وسنة نبي الله لنا خير هادي

....

💚🇸🇦
ياموطنـي واللي خلق دمّي الحار
‏فيني على مشراف حبّك حميّة
‏⁧
🇸🇦💚

(سعودي)

إثباتي فوق راسي ووسط الجيب
أكابر به الرّفعة وأنافس به الحكام

سعد بن جدلان

أعترض لي الحظ وانا من الواقع رضيت
داري انها ما تجيبك لعَل ويا عسى

انت ياللي تحسب إني نسيتك وانتهيت
عاد زولك في عييُوني وقلبي مانسى

....

يازين المحبه لاتوافق عليها اثنين
ويازين اللقى لاصارت النفس مشتاقه

اناطحت في زين ماقد شفت مثله زين
مع زود زينه ياعرب مزين اخلاقه

....

انا انجرحت ف بعدك وضاق صدري
وتشوفني لاهي وناسي واناني

ماهوب شرط ابكي على شان تدري
الحزن شي ودمعتي شي ثاني

....

طيفك يمر وهاجس الشعر يدعيك
مـشـاعـري في بحـر حبك غريقـه

ايــوالله احبك وبالحيــل اغليك
واشـتـاق لك بالثانـيـه والدقيقـه

....