فوق هام السحب ( الشعر الشعبي) على متن القوافي

‏حظ من حول لوجه الله تعالى دمعه
‏وكل ماضاقت به الدنيا سجد ماكلّم

‏وتدري الخسران منهو في نهار الجمعه
‏اللي ماصلى على وجه الرسول وسلّم

اللهم صل وسلم وبارك على نبينا محمد

نكتم ونشكي من الاحزان في خلوة
‏واليوم في صمت لانكتم ولا نشكي

‏لو ان دنيا الشقا يا صاحبي حلوة
‏ماكان شفت الطفل يولد وهو يبكي

....

‏ان مر طيفي على بالك بليلة ربوع
‏اسأل غرورك وش الدنيا بليّا متاع

‏وأنا بحافظ على جرحك مابين الضلوع
‏وإليّا ذكرتك تنحرت الفجوج الوسـاع

....

‏لاتامن الدنيا وحظك والمصير
‏دنياك مهي طول وقتك صافيه

‏تكبر مثل مايكبر الطفل الصغير
‏وتصغر من عقول الكبار العافية

....

‏ياما هقينا ف الاوادم وياما
‏راحت هقاوينا لاهذي ولا ذي

‏ي صاحبي حنّا ماحنّا يتاما
‏بس الليالي تطوي عزومنا طي

‏ليت الليال القادمه والقداما
‏ترفق على الوافين وتهدّي شوي

‏وليت الظروف اللي تمر النشاما
‏تمر ناسٍ لانشاما ولا شي

....

ادري كبرت وصارت احلامي كبار
‏وبديت احس ان الليالي عجوله

‏واللي اكتشفته بعد ما هالعمر دار
‏إن اجمـل سنين الحياه الطفوله

بقلمي

تجاهل الجاهل على شان ترتاح
‏واسمع من العارف لا منّه تكلّم

‏لاتندفع تنطح لك صياح بصياح
‏اصمت وحاول تستفيد وتعلّم

....

‏اقول ياصدري من الضيق لاباس
إن مرّ في بالك لحظن حزن غنّه

لازم تذوق اللي يذوقونه الناس
هذا الفراق اللي يقولون عنّه

....

‏ليت قلبي يشبه لـ قلب ابو نوم ٍ ثقيل
‏اللي لو يشب فـ اطراف ثوبه ماصحى

‏بس انا من كثر ماني شقي نومي قليل
‏والهموم تدور في خاطري دور الرحى

‏صرت لـ الاحزان ملجى ولـ الضيقه عميل
‏واتظاهر بـ السعاده وانا حالي محى

‏وسالفة بـ اعدل النوم هاذي مستحيل
‏والله يا بعض الليالي ماانام الا الضحى

....

إن زرعت الطيب في قلب الأصيل
‏لو تمر سنين على طيبك مانساه

‏والردي لو ماي عينك له سبيل
‏ينكر المعروف ووقفاتك معاه

....