فوق هام السحب ( الشعر الشعبي) على متن القوافي

‏ماعطيت المقبلين من اهتمامِي
‏ولا خذيت من الحظوظ الا القراده

‏لايغرك ضحكي وصافي كلامي
‏لي مزاجٍ ما عرف وش هو قناده

‏ان رضييت ارسلت للعالم سلامي
‏وان غضبت ارخيت راسي للوُساده

....

إذا تبيھا بالغزل انت مزيون
وإذا تبيھا بالادب أنت راقي

وإذا تبيھا بـ الحلا أنت مجنون
يعني على ماقيل كل شي راهي

....

من مُنطلق مالك شبيه ولا شريك
ذي قاعدة مدري متى وظّفتها

عندي شُكر ماهو بلِك لوالديك
افخم سلالهَ في حياتي شفتها

....

يامعشر اللي عمركم بالثلاثين
عن مجريات ايامكم طمنونا

هل عمرنا فاول شبابه وبادين
والا خلاص المجتمع مايبونا

....

الله خلق والله فـرق بين هالناس
والله جعل فيهم سمات ومواري

فلا تنزعج لاشفت لك ناسٍ أنجاس
لولا الردى مـا بـان للطيب طـاري

....

ماعاد تكْفي خرمة الراس فنجال
‏زيدوا مع الفنجال فنجال ثاني

‏من دلةٍ في بطنها خمسة اشكال
‏يطغى عليها لونها الزعفراني

....

لولا التغاضي بيننا والتسامح
ماشفت بين الناس ود ومحبه

والقدر يبقى للكريم المسامح
ومن يحترم الناس كلن يحـبه

....

ان كان عندك كلام بخاطرك خله
مافيه داعي انا مجروح من دونه

بعيونك اشوف تلويح وفمان الله
انا أعرف اللي يبي الفرقى من عيونه

....

ياقلبي لاتشره على كل مخلوق
كلن يشوف الناس في عين طبعه

قلبي واعرفه ابيض اللون موثوق
لايجرح اصحابه ولا يخون ربعه

....

ابتسم للوقت واضحك للحياه
لايروح الوقت في هم ونكد

عيش يومك واحتسب للي وراه
من يعد الوقت يبلش في العدد

....