فوق هام السحب ( الشعر الشعبي) على متن القوافي

دلوعه وحلوه وشايفه نفسها
كل م أرسلت شعر تقول لبى أنا

وتلتفت وتوري القصيدة أمها
وتقول بذمتك ماهي أوصافي أنا

....

‏لاجات محتشمه تفوق المزايين
‏ماهي على الموضه سريعه اخطاها

‏تمشي على العادات والشرع والدين
‏مستوره وزايد حلاها حياها

....

‏ﻳﺴﻌﺪ مسا اللي متفاعل ﻭﻣﻮﺟﻮﺩ
‏ﻭﺍﻟﻠٰﻲ ﻳﺘﺎﺑﻌﻨﺎ ﻭﻣﻌﻨﺎ ﻣﻮﺍﺻﻞ

‏ﺑﺎﻟﻤﺴﻚ ﻭﺍﻟﺮﻳﺤﺎﻥ ﻭﺍﻟﻄﻴﺐ ﻭﺍﻟﺠﻮﺩ
‏ﺍﺭﺑﻊ ﺳﻮﺍ ﻣﺎﺑﻴﻨﻬﻦ ﺷﻲء ﻓﺎﺻل

بقلمي

البعد وحشة والمشاعر غريبه
يا مطول الغيبات غرك زمانك

تدري متى تندم على كل غيبه
لاشفت غيرك جالس في مكانك

....

طبعي كذا من فضل ربّ العالمين
‏قناعتي تفرض عليّ حقوقها

‏لو ارسم البسمة على وجه الحزين
‏كنّي ملكت الأرض واللي فوقها

....

‏قالو تحب وقلت ياناس حبيت
‏كثير لاكن فيه واحد لحاله

‏معاه أنا في قيمة الحب حسيت
‏وأنا احسبنه طيش وقت وجهاله

‏هذاك لامن سج عني وسجيت
‏يمر في بالي وأنا امر باله

‏اليا اتصل من غير موعد وتوقيت
‏استبشر بفرقاه حزت وصاله

‏ماني بشارح قصته في شطر بيت
‏طيفً من الواقع تسابق خياله

....

يامرحبا يوم جيتي ياشبيه القمر
‏يامنوة العاشقين وعزوة اخوانها

‏يادرة ماتحصل وسط جوف البحر
‏ويالمهره اللي وهبني ربي اعنانها

‏مأختارت من العيون الا عيون الصقر
‏يوم ربي عطاها زين حجانها

‏مرات اقول اني بحاجة لشمس الظهر
‏وان اقبلت قال قلبي عانها عانها

....

‏لولا ظروف الوقت ماقيل لاباس
‏ولولا الأمل مايبتسم فالزمن حي

‏الله خلق هالناس تحتاج للناس
‏لاتبخل اليا صرت تقدر على شئ

....

‏انا الوحيد اللي من الوحده حزين
‏اهتم فالعالم وانا ماهمّها

‏ماعرف انام الا معاي وسادتين
‏وحده اتوسدها ووحده اضمها

....

سبحان من يعطي قبول المخاليق
‏وسبحان من يفرق عطا عبد عن عبد

‏بعض الأوادم شوفها يجلي الضيق
‏وبعض الأوادم شوفها يدبل الكبد

....